度小月 (海運大廈) (已結業)

又到Lunch Time，本來諗住早d落去食自私鍋，點知。。。都係無位要等下輪。所以只好轉場去度小月。由於無午餐set，急不及待點了幾款菜式。 三杯雞煲 熱辣辣噴晒煙咁放係枱上，翻動下煲內食材，好香呀 但份量唔多d雞件就骰仔咁大。好聽d咪易入口囉，難聽d咪碎濕濕囉。不過食落係惹味，紫洋蔥、三色椒等配菜都好夠味。但按呢個價位算係偏貴。 蚵仔酥 好特別既一款菜式。蚵仔新鮮，酥炸不油膩，一啖一口細細粒容易食 祖傳肉燥飯 肉燥好正，不過我本人就覺得飯同肉汁比例唔多岩。原因碗肉燥飯又唔係大碗，但肉燥醬汁太多，令到好似湯飯。店家要注意 花生豬腳 豬腳炆得好腍，亦都係切得比平時個d細件，比較易食。 上湯時蔬 (菜苗)蔬菜係新鮮既，不過份量細左d。 櫻花蝦九層塔煎蛋雖然煎得好香好脆口，但食落蛋香味唔夠。總括黎講，環景係坐得舒適。食材新鮮，但份量偏少唔抵食。午餐又無Lunch Set，價錢每款菜式雖然只係幾十蚊，因為份量太少，要叫多幾款才夠食。午餐超唔抵

又係出開尖沙咀 大約6點鐘 度小月都幾多人 需要等下位 但都幾快有位嘅☺️😄今次同行的計埋我有四個人 所以都叫左不少食物呢哈哈嚟到度小月 食擔仔麵是通識吧 真係不得了 擔仔麵上枱嘅時候 仲係好熱勁出煙嘅 同埋好香的呢♨️♨️食嘅時候 建議飲左幾啖湯先 口腔裏完全係充滿擔仔麵湯的味道 味道非常濃郁👍🏽☺️鮮蝦好大隻 蝦雖然是放在麵上 但食嘅時候有食到肉躁的味道呢😋😋然後把葱粒 肉躁碎與麵撈匀 進食時 每一啖麵都有以上嘅材料呢 食哂碗麵後 記得飲埋碗湯啵 精華都盡在湯𥚃呢🤤🤤祖傳肉躁飯也是一個很好的選擇 飯粒較腍 飯上有不少的肉躁 食嘅時候 每一啖都有均勻的飯同肉躁呢 好有肉躁的香味 不過口感上 感覺這個飯會較油 但味道也不錯的 可以trytry😊☺️不過與擔仔麵相比 小妹更愛擔仔麵呢👍🏽😍鹵大腸 不過不失吧 份糧都很多 伴菜的是魚仔 鹵大腸的味道好夠鹵水味 大腸唔算好肥 但都幾新鮮 但整體上就普普通通 唔算太特別沙茶安格斯牛肉粒 伴菜的是有紅椒 黃椒 洋䓤 大䓤 同埋鮮淮山？(質感都幾爽) 哩碟小菜嘅份量都幾多 牛肉粒好腍 好好食👍🏽😋味道都好濃 但食唔到有太多的沙茶味 不過整體上都可以蚵仔酥 小

度小月開咗咁耐，終於都有時間嚟試下呢間過江龍呢個煎蛋都幾香口，個人偏愛九層塔，如果可以多返少少九層塔會更加好花生豬腳太多毛啦，食咗一兩件就已經無胃口再食 。呢個冷盤比我預期中還要好味，估唔到呢三樣嘢會咁夾，但如果豆腐份量多返少少會更好，因為醬汁同肉鬆太過咸啦。不過不失，醋味太濃，蓋過了蝦湯嘅鮮甜，可以不用嘗試。最後係呢碗肉燥飯，好香口，撈匀之後啖啖都係肉燥嘅甘香味，同朋友都忍唔住叫多兩碗食物呢就介紹完啦，整體嘅用餐體驗都有3至4分嘅（滿分5分）但呢個分數我係要畀嗰班藍色、深藍色同白色衣服嘅職員㗎，餐枱咁細張，多得佢哋勤力收碗碟先可以騰到空間畀我哋擺放食物，至少唔係黑口黑面先囉！我唔知其他嚟消費嘅食客係咪都有同我一樣嘅感受⋯⋯講返嗰日嘅等位感受先同友人六點嚟到，已經超級多人排緊隊輪候入座，好彩都仲拎到飛，幾驚好似上兩次咁都只係聽到職員一句「已經Full咗啦，唔好意思」。但等候入座期間，我同友人真係見識到其他食客所講嘅服務態度差尤其係橙色衫嗰位肥太太，睇佢嘅衫顏色同款式都唔同，我估應該係經理級別吧⋯⋯但咁樣嘅心理質素同服務態度，真係令人對呢間餐廳卻步囉，因為等咗都成一個鐘左右聽到已經截飛，