潮福蒸氣石鍋 (已結業)

厚福街食肆多羅羅、要從中選取一間真係心大心細、好彩友人永遠在我不知所措的時間、幫我决定。今晚來個海鮮盛宴。環境跟一般中式酒樓分別不大、寬敞舒適。有大圓枱最適合大夥人、還有卡坐方便三五知己聊天。食海鮮于人感覺“貴”、現有海鮮套餐、任揀任食任飲、分時段收費、假期比平日多收五十元、價錢相當合理。粥底二選一　+　燉湯二選一　+　每位貝殼盛盆　+　每位1隻花竹蝦　+　五款自選海鮮　+　配料和飲料任食任飲末食己口水流流了。每張枱中央位置擺放了一頂尖草帽當作鍋蓋、食物蒸起來時會散發出草香味、又能吸蒸氣免出現倒汗水情況。石鍋的底部放了瓶蒸餾水可產生蒸氣從石鍋中噴出水份、可煲粥之餘又可蒸煮海鮮。說時遲那時快、服務員己將我們選好的瑤枱鮮准山粥底材料放入石鍋中、上面再放上蒸盤用來蒸煮海鮮、在蒸煮過程中海鮮的精華滴入粥底中、食到最尾便可慢慢品嚐粥的精楕。滋潤燉湯我選了西洋菜唐排湯、濃濃的西洋菜味樸鼻而來、湯底清徹見底、入口清甜鮮美。飲完靚湯、隨即享受美味海鮮。自選五款海鮮分別選了生猛肉蟹、日本大元貝、象拔蚌仔、聖子皇、黄金蚌：每樣海鮮都會有蒸煮所需時間、服務員會細心打點一齊、全程為你服務、非常周到。生猛肉蟹確

我見好多人食就去試試！食物方面有好多海鮮選擇，我食左龍蝦98蚊隻、日本太子88隻、象拔蚝仔78一隻，同埋時價的花竹蝦44蚊兩。我叫左兩隻。無問佢幾多兩。我估兩隻蝦應該好輕掛。味道方面，花竹蝦一大一小，味道普通，同一般蝦無咩分別。帶子好大粒，配粉絲蒸，味道不錯，d湯汁好鮮甜。龍蝦唔係好大隻，無咩蝦味，口感一般。象拔蚝最好食，好鮮味，不過一隻好細。食物味道整體還可，點知服務差到嚇死人！首先茶位12蚊，我壺茶叫佢加水，之後就從來無再拎番來！催極都無再俾。渴死我！我叫左個粥底，諗住食晒d海鮮就可以食d吸晒海鮮精華的靚粥，點知竟然無落米！頓時變左無米粥！但成80蚊！我之後同佢嘈，最後就取消到。最後埋單發現花竹蝦2隻計我6兩,收左我288!!! 144蚊一隻蝦!!!!！大家要小心時價的海鮮！

真係唔係講笑, 呢期真係興食蒸氣石鍋, 今次又比另一個朋友請我好食第二間! 講真, 咁食海鮮法, 分分鐘會破產, 兩條友都過千! 唔係朋友請, 真係諗諗先!原來個蓋都幾重吓ga wor!大大粒元貝, 好好味！咁樣好食過食刺身！花竹蝦, 好大隻呀, 好甜喎! 通常咁大隻唔好太好味, 又估唔到咁蒸又幾好味喎, 好鮮甜! 啖啖肉！南非鮮鮑， 唔駛講啦, 識食一睇就知彈牙, 新鮮!蕃薯硯, 個名好得意, 外型都幾大隻, 好甜, 肉身夠厚, 最開心係無沙, 真係好驚出面個d成口沙!朋友唔夠喉，再嚟多隻龍蝦！雙腸糯米飯, 係我除咗試過食八十年代街邊車仔最好食外, 今次竟然比我發現呢到有, 仲要水準唔錯, 唔知兩條腸邊到買嘅呢? 咁鬼香嘅! 加上味道唔錯! 最欣賞係d糯米飯, 軟硬適中! 諗住d糯米會好硬, 對我呢d有長期胃病嘅人嚟講, 真係不宜多吃! 加上頭先實在太多餸, 真係食唔落ga! 點知咁鬼好味, 又再tim多碗!! 好正呀! 打包攞走，第二日翻叮都唔硬，仲依然咁好味！正！原來咁樣加水ga wor!