227甜棧 (已結業)

經過227甜棧好幾次，今日都係第一次光顧～ 門面裝修帶懷舊感，遠觀唔多似係糖水鋪，仲有花膠糖水作招牌食品⋯花膠？糖水？花膠同糖水？真係第一次聽，印象中花膠只會出現在中式傳統菜，用來作甜品？真係可以溝得埋？為了這個難以理解的疑惑，真係非試不可！店家推介的花膠芒果布甸$52蚊，作為布甸，這個價錢好似貴了一啲，但當加上花膠二字，身價自然又會被抬高～花膠芒果布甸顏色配搭唔錯哦～粒粒芒果粒味道好甜，芒果味重，果肉新鮮多汁。黑珍珠烹煮的程度剛剛好，腍中帶彈的口感又煙煙韌韌，QQ的喔。花膠呢？已經切粒，半透明質感，口感有點似白菜糕，但又比白菜糕再硬小小，花膠本身冇味道，但配上淡奶加香甜布甸，味道就剛剛好～ 布甸值得一讚，軟韌度非常適中，而且仲帶粒粒香芒粒，好味最重要係花膠真係超養顏喔！椰汁雪糕紫米露 好香椰奶味，紫米呈半粒狀，仍有嚼感，雲尼拿雪糕令整個糖水食起上來更香更滑第一次與227甜棧的接觸感覺很良好，店員都好有禮貌，服務與食品質素都好好，會繼續支持！