紅火鮮料火鍋專門店

营业中

休息中

今日慶祝朋友生日，我哋一行六人一早book好6:30過嚟食任飲任食打邊爐，燒烤刺身放題。喺樓下約好晒齊人跟住就一齊上去食，開頭我哋就帶咗個花膠雞煲，每人一隻花膠，食落去個花膠都唔錯都幾厚身冇腥味。佢嗰度呢就係用手機點餐嘅掃QR code，咁我哋一開始就帶咗啲刺身先啦，見到佢有咩刺身就嗌咩刺身食，諗住如果啲刺身之後食落去覺得有啲乜嘢好食之後先再encore。咁佢個刺身就同出邊嗰啲放題刺身食落去都唔大分別，不過不失。跟手我哋就開始嗌打邊爐嘅配料，有新鮮肥鵝腸，雞子，打邊爐必要嘅肥牛，我哋六個人選擇左最貴果款套餐，牛肉嘅質素都可以因為出邊都成日可以食到任食嘅打邊爐，我對燒烤呢一方便就比較期待。我哋有叫咗牛仔骨，羊假，不過味道一般最後我哋叫咗啲打邊爐牛肉去燒，個味道反而唔錯好滑。最後食晒所有嘢， the BeatsX嘅甜品，我哋出去睇咗有幾款雪糕嘅口味，我就揀咗呢兩款，你都唔錯。因為我哋係打電話過嚟book位嘅，所以有九折，六個人最後二千零蚊賣單

本來睇 you tube 介紹，係任食既，但去到當日就改左每人只限8隻，唔，照食喇，兩個人加埋16隻，加上係午餐，就算喇！當時我地係第二檯客人，只有一個侍應，上蟹，帶位，傳菜，收貨，乜都係佢但其實到差不多3點，都只係得5檯客，所以都勉強可以喇。。。我覺得佢午市都 ok 既，唔嘈（因為冇乜客），唔趕（因為可以食3個鐘），食物質數都唔差，龍躉片，油炸鬼魚滑都好食，可以再黎（只限午市）！唯一不足就係，午市冇炸物供應，想食熟食既就要留意返！

兆萬出名有超多餐廳！競爭可說十分多，要突圍而出必須要有個人之處。朋友介紹這間火鍋店的雞煲及用料亦很新鮮時，我決定一試🥳入進店見電櫃有不少飲品可供選擇，也有自助甜品雪榚櫃！一進店後店員熱情的介紹餐廳的招牌更說花膠雞鍋是新菜色，推薦我們一試。結果真的沒令我們失望🤤花膠很稔後重膠質同時吸引了小許雞的鮮味！👍🏼而湯底也濃厚，沒有像味精湯般的感覺，放進蔬菜後令湯底更顯清甜！仼食仼點的火鍋配料亦高質，時蔬類最得我喜歡的是窩筍💓香甜又新鮮，並非很多仼食火鍋店會提供窩筍🤭而牛肉和豬肉亦不過不失，另外一提~員工超推薦他們的自家製手打魚滑及蝦滑，同時水準亦高。入口爽甜彈牙！令人一塊又一塊的吃🥳飲品方面我選擇了他們自家製的竹庶茅根水清清火鍋的上火🤭最後再配上一個朱古力雪糕為晚餐作上完美的句號😝

今日約咗朋友去食飯，因為收工執手尾搞到好夜，最後去到旺角，本身想食個間餐廳已經截咗單唯有揀過第二間，我地經過兆萬之際，朋友就話最近兆萬多咗好多野食不如去睇下，我地好隨意揀咗17樓嘅呢間，因為見佢好多款湯底揀開頭見到呢張，我同朋有已經選擇困難症，點知疑似老闆嘅叔叔走嚟話俾我地知「仲有牆上面個啲揀㗎！」一睇...樣樣湯底都想食！雞煲...羊腩煲...花膠雞...醉雞...由選擇困難進化到嚴重選擇困難好彩朋友突破盲腸「不如今日唔好食辣！揀滋潤啲！」佢一講呢句「花膠雞煲啦！」一嚟到見到個煲湯底已經知冇揀錯等佢一滾起我就飲唔住飲咗半碗仔花膠份量仲要唔少舊舊都大大舊！好好味！之後就加湯叫配料喇我地地一輪叫咗好多野食！我地全部揀「少」份量，嚟到每樣平均2件-4件其實咁樣好好慢慢叫啲食啲！唔駛驚食唔曬搞到浪費，多叫多食！而且佢呢個碟架好方便好慳位，好實用好！係時候要推介最好食嘅兩樣野喇！佢係手打蟹籽蝦滑！真心係出面冇食過咁好味嘅蝦滑！我本人絕對會因為個蝦滑下次再過嚟！至於墨魚滑都係食完又再叫多次好彈牙！（我後尾亦問咗疑似老闆嘅叔叔，佢話咗俾我知蝦滑墨魚滑蝦丸墨魚丸都係佢地自家制出面係冇㗎）因為放唔到咁