The Squirrel Coffee and Kitchen (已結業)

今晚我們去咗何文田梭椏道嘅「The Squirrel Coffee and Kitchen」食晚飯！我們叫咗傳統英式周打蜆湯、英式早餐、美式熱狗配薯條、挪威煙三文魚番茄香草汁天使粉、士多啤梨藍莓沙沙冰同純奶白朱古力！傳統英式周打蜆湯都算濃郁，蜆肉嘅份量唔算太多！英式早餐嘅炒蛋好嫩滑，豬肉腸都幾脆皮，不過煎煙背肉就煎得比較乾身咗啲！美式熱狗配薯條嘅包質都幾鬆軟，熱狗腸好大條粗身，口感相當豐富！挪威煙三文魚番茄香草汁天使粉嘅天使粉好幼滑彈牙，煙三文魚嘅肉質好嫩滑，煙燻味好香濃，而且份量都幾多！士多啤梨藍莓沙沙冰嘅藍莓同士多啤梨嘅味道相當新鮮同香甜濃郁！純奶白朱古力嘅味道超香甜濃郁！店員嘅服務都算有禮！

今日下午我們去咗何文田梭椏道嘅「The Squirrel Coffee and Kitchen」飲下午茶！我們叫咗英式早餐、燒鷄胸漢堡配薯條同士多啤梨藍莓沙沙冰！英式早餐嘅水煮蛋都幾大隻，蛋黃亦好香滑，煎煙背肉煎得幾香脆同有啲肉汁，豬肉腸都幾脆皮！燒鷄胸漢堡配薯條嘅鷄胸燒得色澤好金黃，肉質好嫩滑，漢堡嘅包質相當鬆軟，薯條亦炸得好香脆！士多啤梨藍莓沙沙冰嘅士多啤梨同藍莓味嘅味道非常香甜濃郁！