豚本家 (已結業)

超厚切吉列豬🐷🐽 仲有少見嘅吉列三文魚柳，去荃灣真係不能錯過‼️環境好大間，荃灣友帶我嚟搵食先知原來有間咁正嘅吉列店！餐牌 吉列厚切豬扒定食 $115 一上枱即刻心心眼😍 厚切係真係勁大份！最重要係皮超薄脆身，食落有驚喜，肉質一啲都唔老，仲帶少許肉汁，厚切令口感實在豐富，配以醬汁，送飯食一流。定食仲有湯、茶碗蒸、牛蒡絲及椰菜絲，呢個價錢真係抵食😬 吉列三文魚柳定食 $125 另一份吉列三文魚柳定食同樣有驚喜，厚度適中，重點係外脆內軟，三文魚柳無筋柔軟，配脆炸口感勁啱我口味😈 加咗個抹茶紅豆大福（+$18））做飯後菓，唔會太甜。 Asahi生啤 贈送唐揚炸雞（兩件） $58 嗌Asahi送炸雞2件都好抵😂 飲啤酒嘅一定要嗌。

15-7-2023 (Sat)傍晚,同老公由荃新天地行返嚟荃灣地鐵呢間食晚飯,嚟到時由於好早,所以職員俾我哋揀位坐,我哋就揀咗卡位,睇完menu,就要:4. $38.00嘅小Asahi(250ml)好夠凍.2. $98.00嘅燒花魚一夜乾定食免費追加椰菜絲,花魚一夜好鹹,唔使蘸醬汁食都好夠味,而皮係夠脆嘅.味道:5分1. $125.00嘅吉列豬柳定食茶碗蒸就只有一片冬菇同幾粒肉丁,蒸蛋夠熱同滑嘅.味道:4分白飯比較乾身,唔粘口.味道:2分麵豉湯好鹹.味道:3分吉列豬柳炸得好脆,豬柳口感都正常嘅,但其中一件顏色較深,係唔新鮮?佢嘅味道又真係有啲問題.味道:3分3. $22.00嘅抹茶蕨餅呢個後上,一客四件,食落,好凍同偏硬,係未解夠凍,而佢唔係太甜.味道:2.8分衛生係4.5分, 抵食係2.5 分

喺荃灣地鐵站隔離新開左間日式餐廳🍴用親民價就食到日本菜 CP值幾高😚主打嘅吉列定食有驚喜呀‼️午市免加一 仲可以追加白飯同椰菜絲 男人都絕對夠飽🫃🏻.📌吉列三文魚柳定食 $125吉列三文魚好少有 見到即刻試吓🍣用左厚身嘅三文魚柳 外層裹上日式炸皮大火脆炸🔥火喉控制得好好 吉列皮唔會太厚 炸得超香脆 乾身唔油膩 中間係薄薄一層熟透粉嫩嘅三文魚 再到內裏半生嘅軟滑三文魚 口感非常有層次 食落肥美油脂甘香😍再點埋酸酸甜甜嘅他他醬 真係好掂 必食呀💯所有白飯可以加$18轉蕎麥麵/烏冬 夏天食返個冷麵 透心涼🧊蕎麥麵爽口 帶淡淡蕎麥香🌾冷麵汁除咗有平時嘅鰹魚同醬油味 仲附上芥末, 紫菜碎同薑蓉 撈勻晒沾嚟食 清爽又開胃 配胡麻醬食都唔錯🍜旁邊仲有爽脆椰菜絲, 蕃茄, 檸檬, 醃酸蘿蔔同黃瓜解膩🥬🍅🍋🥒.📌雜錦刺身丼定食 $138揀左款咩都有嘅刺身丼 有三文魚, 吞拿魚, 油甘魚各兩片, 虎蝦一隻同三文魚籽🤩魚肉幾嫩唔霉 冇雪藏同腥味 不過就唔算厚肉🐟虎蝦好爽嫩 蝦頭仲有蝦膏 但食落有啲腥🦐三文魚籽正常發揮🍣另外仲有玉子燒同消滯酸薑 玉子燒好軟綿濕潤 仲好滑身 同平時唔同 幾好食喎🍳壽司醋飯望落好濕

今日嚟咗荃灣地鐵站對面嘅富華中心 上一層樓梯就有新開嘅日式餐廳😮 餐廳格局好舒適 坐得幾寬敞 而且有日光曬入嚟 光線好充足 令人心情愉快😸南蠻炸雞定食呢個係其中一款午市定食 價錢真係好大眾化🐥 雞扒好大塊啊 入面仲有好多雞汁 外層嘅炸粉好薄身 而且脆口 上面嘅他他醬同炸雞好夾呀 定食仲配埋麵豉湯 茶碗蒸 白飯 漬物👍🏻 真係好抵食 難怪勁多人嗌呢個餐燒牛小排定食呢個定食同樣有麵豉湯 茶碗蒸 白飯同埋漬物 麵豉湯入面有海帶同埋豆腐😉 呢個牛小排定食可以親自燒 可以話有得玩 又有得食🔥 照燒雞翼每隻都好大隻 仲要好juicy👍🏻 照燒汁甜甜地幾好食唐揚魷魚鬚底下有椰菜絲🥬 唐揚魷魚嘅外層唔厚🦑 入面嘅魷魚好肥美 魷魚鬚有咬口一口炸豆腐炸豆腐外脆內軟😙 面頭有五香粉同芝麻 幾惹味 份量都幾多呢間日式餐廳嘅地理位置真係好方便 超近地鐵站 午市套餐又高性價比 值得一試🤪 白飯同麻醬椰菜沙律都任食 真係好抵🥰