春風撞奶舖 (已結業)

由元朗西鐵站行過去大概10分鐘左右，喺炎炎夏日，特別想飲番杯凍野。經過呢間春風撞奶舖，覺得個門面幾吸引，於是就同朋友買咗三杯野飲。我梗係試招牌嘢飲啦，叫咗一杯黑糖青蛙撞奶，賣相十分吸引，飲之前記住攪勻杯底啲黑糖先，我鍾意佢嘅奶味，啲奶好幼滑，同埋黑糖味都好濃郁，珍珠好好咬口，質感又滑，唔會太大粒，like!至於朋友買嘅草莓鮮奶同埋藍莓鮮奶，佢地話好fresh，鍾意杯底嘅果醬。雖然呢間店嘅飲品係唔可以嗌少甜，但好在味道都唔會太甜，調校得啱啱好，如果可以大杯啲就好啦！

今晚要去Yoho食飯，見未夠鐘就行過黎鳳琴街買野飲。夜晚8點都有啲人排隊，落單後幾分鐘就整好，唔洗等好耐。黑糖仙草奶凍$19杯身用左時下最興嘅圓杯底，好可愛，杯邊嘅黑糖做到掛杯效果，好靚呀。廿蚊唔洗都抵飲。入口好香黑糖味，仙草帶微甜，整杯嘅甜度適中，加埋牛奶唔會好漏，讚！草莓鮮奶$24男友人係草莓控，都估到佢會叫呢杯。杯野整出黎好靚，無諗過無黑糖都有少少掛杯效果。味道有啲似韓國嗰隻士多啤梨奶，甜度亦係啱啱好，好好味！我地一路飲一路行返Yoho，杯邊嘅黑糖已經溶哂，味道更均勻！

灣大熱既黑糖青蛙撞奶，係香港到有鋪頭售賣，當然要試下。即使落雨天，都好多人幫襯。落單後大約5mins已經有得拎，速度快。叫左招牌黑糖青蛙撞奶，草莓鮮奶。每杯既容量唔多，細細一杯，但外觀靚，吸晴。黑糖青蛙撞奶拎上手，feel到杯身暖，d黑糖珍珠仲係熱，食落好有口感。攪一攪d奶，個杯身會出面髒髒既感覺。杯野好甜既原因主要係因為d黑糖珍珠，d黑糖醬好甜，所以飲落會覺得過甜。個人接受到尼種甜度，不過甜度如果有得選擇會更好，迎合唔同人既需要。草莓鮮奶飲幾啖會食到少少草莓肉，類似平時飲既草莓奶既味道，多左dd果肉咁，尼杯試一次就夠。個人建議叫番招牌飲品會好d，或者仙草類別。而鮮奶方面，芒果既賣相較為吸引，驚喜可能會大d，但個人唔食芒果所以冇得試下。