Nun Desserts Cafe

营业中

休息中

上次到訪Nun，只嚐了三款非雪奶的甜品，這次再次光顧，當然要一試招牌雪奶。韓式雪米糍粉天使雪奶 ($68)夢幻粉紅色的雪奶能夠俘虜萬千少女心，雪奶、雪糕、雪米糍及士多啤梨層層疊疊，一柱擎天。士多啤梨粉與雪奶二合為一，味道恰如韓國士多啤梨牛奶。雪奶大致上都打得相當幼細，滲透淡淡奶香。雪米糍外表雖較厚實但仍煙韌，中間夾著忌廉及士多啤梨醬。不過個人覺得整體味道不夠濃烈，倒入煉奶後恰到好處。韓式鋒芒畢露黃金雪奶 ($68)舖天蓋地的芒果汁與雪糕雪奶形成一座小山丘，芒果味偏甜不過濃稠適中，假如能夠預先去除雪奶中的熱情果籽定必更令人滿意。荔枝沙冰 ($42)沙冰打得不夠幼細，充斥不少大顆冰粒，荔枝味道亦淡。Nun的韓式刨冰未必是最出色的，卻是價格尚算較為親民而款式亦多的選擇。Nun的韓式刨冰未必是最出色的，卻是價格尚算較為親民而款式亦多的選擇。

天氣悶熱，好想食番啲超級凍野加甜品，為左跟上潮流，除左煲韓劇食炸雞，當然唔小得韓風甜品。淨係企係門口睇已經好解暑了好多款式，甜又有咸又有，任君選擇。店舖爆滿客人，好熱鬧，一人一份，枱面滿滿都是甜品。先泥杯冰凍既荔枝沙冰解左渴先再慢慢揀甜品，不會太甜，清清地，口感清新，超解暑，而且飲落都幾大杯，好似飲極都飲唔哂夏天寧舍鍾意食瓜類，本來係芒果迷既我，今次轉轉口味試下蜜瓜口味先。先食左蜜瓜同雪糕，之後會方便啲落錬奶撈泥食，雪本身用左奶去打出泥，所以已帶點奶香味，再加埋錬奶一齊食就更甜美。蜜瓜味芳香濃郁，口感清甜，而且雪奶入口即溶，簡直幫你消暑解溫，飲左荔枝沙冰，再泥個雪奶，感覺好似去左韓國既凍天雪地咁，正正之前食果間台式連鎖店既雪糕吐司，好多層包，食到好飽，太過飽濟，我反而喜歡呢個，一層就好足夠，而且超多士多啤梨果肉，啖啖果肉，吐司加左牛油焗完好香好脆，撈埋個士多啤梨雪糕一齊食，又香又滑，甜甜地，口感滿分！個推廣仲好正，打咭有韓式軟雪糕送，消費滿$100就食到😍，超正！