上海弄堂菜肉餛飩 (綿發街)

营业中

休息中

上海弄堂  店名好特別,  今晚駕車經過門 口又剛有咪錶位泊車,  決定在此食個簡單晚餐.   店舖唔大, 座位整齊, 坐在玻璃窗旁邊座位, 真休閑.上海弄堂迎賓客, 中國書法真係有點高深.   餐廳晚市有做套餐, 精選一人套餐價錢  $188, 茶芥每位$6, 要收加一服務費.  套餐好豐富,   我們兩個人只叫了一客, 再加一碗菜肉餛飩. 前菜小食加 $10,  香脆花生.   送豆漿, 豆漿豆味香濃, 唔會過甜.   特式涼菜, 我哋揀了 鎮江肴肉 , 肴肉有高湯弄的水晶皮好彈牙, 肴肉口感好,  味美 唔會鹹. 手工上海點心, 揀咗個小籠包, 一籠兩個. 好熱, 小籠包包滿湯汁.    皮薄料正, 湯汁和剁肉調味岩岩好, 好好食. 弄堂阿啦菜, 選了 火腿濃湯砂鍋餛飩雞.  好味雞肉滑, 吾錯.套餐包菜飯, 好大碗, 份量足. 另外加咗碗 菜肉餛飩,  內餡足料, 包得滿滿的,   皮又夠薄,  菜汁與肉汁鮮味可口 .   配上豉油湯底清清地,  唔會太濃味.甜品: 桂花酒釀丸子,  丸子口感煙韌, 唔會好粉, 好重酒味！價錢親民, 所以除了堂食, 也見有很多外賣客人. 

之前都說過，由於屋企人很喜歡吃上海菜的關係，常常都會去上海餐館，心目中也有幾間心水食店，上海弄堂是其中一間！裝修簡潔，富中國味道！有免費Wi-Fi 提供客戶，超貼心😻我很欣賞餐廳在菜單的第一頁介紹，其實，跟著這介紹一定錯不了，它這𥚃馳名的就是菜肉餛飩、烤麩、古法紅燒肉及燻魚😻菜肉餛飩：餛飩皮有咬口，餛飩餡的菜與肉比例啱啱好，吃得出選用新鮮的白菜及豬肉，白菜爽甜、豬肉鮮美！當您閉上眼睛，嚐一口餛飩，令您會仿如在家中媽媽親手做給您吃的餛飩一樣，即包即煮，很窩心的感覺！♥️♥️♥️

今晚同同事去號馬地覓食,鐘意呢度環境夠清靜,唔似市區咁多人行行下發覺都幾多餐廳,行到轉角斜路見到有間叫"上海弄堂",睇個門口又見到有報紙介紹過,野食好似好吸引好又好耐無食過上海野,咁就試下啦!餐廳環境簡潔乾淨,坐得非常舒適價錢親民,款式都很多選擇,令人花多眼亂朋友鐘意食醉雞,簡直是超水準之作,雞件厚而嫩滑, 由雞皮, 雞肉, 甚至雞骨, 也滲透出濃濃的酒香味道.前菜:非常可口的黃瓜,酸酸微辣味好開胃上海菜點可以唔叫菜肉餛飩,配上豬肉十分鮮甜,每粒都充滿肉汁,新鮮有咬口獅子頭既肉質鬆化唔會太過死實，啲醬汁夠濃用來配菜飯就最啱,必吃

下了幾日大雨，今天天氣稍為好點，間中只有一兩陣大雨，出外工作也不是很狼狽。很少去跑馬地的我，今日工作地點就是這處。幸好午飯時間沒有跑中環、灣仔地區咁多人。所以，好多食店可選，經過這間傳统的上海菜食店- 上海弄堂菜肉餛飩,於是就食不太油膩，相對清淡的一餐。看看餐牌，有午市套餐和1人套餐，價錢由$46至$98不等，於是便點了二個 1人套餐和一客小籠包。味道方面，個人喜歡這裡的上海粗炒和菜肉餛飩。 上海粗炒炒得色澤好靚，每條麵都沾滿鼓油汁。油落得不多所以不太油膩。味道適中，不太酸又不淡，非常啱我胃口。至於菜肉餛飩更皮薄餡靓，包得好大隻又靓料，內裏的白菜仔好靓好清甜，用上半肥瘦攪碎豬肉做餡，配上清湯底食，健康又味道正。👍👍上海粗炒有水準菜肉餛飩更皮薄餡靓麻婆豆腐豆夠滑白菜清淡鲜甜小籠包餡靓好食，可惜皮厚，影响賣相