Burgeroom (美麗華廣場1期) (已結業)

今日難得放假，就同朋友去咗食個early lunch，11點左右就到所以唔算太多人。餐廳嘅工業風式設計好特別，bar枱嘅設計都令人諗起一啲外國嘅酒吧，所以幾好feel😆今次我哋嗌咗軟殼蟹漢堡（$115）、馬蘇里拉芝士條（$60）、菠蘿燒烤醬牛肉漢堡（$98）同埋旋風薯條（$30）。先講咗個菠蘿燒烤醬牛肉漢堡，本身唔係特別鍾意食燒烤醬，但係佢夾埋啲菠蘿嘅甜味平衡得好好，另外仲有洋蔥嘅辣，令個層次非常豐富，仲要好大個！所以好滿足😍另外我最期待就係個軟殼蟹漢堡，佢真係勁大隻成隻夾喺中間。個殼脆、肉香，真係好正。同埋我欣賞佢用咗啲沙律醬，應該係自己調或者特登出面買，因為同平日食嘅唔同，有多少少鹹味，唔會太甜，但同個軟殼蟹好夾，我同朋友都爭住食😆😆大家一定要嗌嚟試吓！小食方面我地嗌咗旋風薯條同埋芝士條，薯條就冇乜特別，佢比較乾身同脆，所以可以食好多唔會太油嘅感覺🤣🤣個芝士條真係幾正，可以拉絲拉到好長，同埋芝士味好濃，啱啱整好嘅時候食真係好好食，又脆而且啲芝士又夠溶，推薦一試！

今次dinner時間嚟到工業風嘅Burgeroom食美式burger特量芝士牛肉漢堡 $115- 漢堡如其名，唔止芝士特量，成個漢堡份量都好大件，配正常漢堡有嘅內餡：蕃茄、生菜、千島醬- 話明特量芝士，啲芝士真係多到好似瀑布咁，而且溶咗之後鋪滿成塊牛肉，好滿足- 牛肉特厚，保守估計起碼有1.5cm，啖啖肉，而且唔乾唔柴，唔會食到好口渴菠蘿燒烤醬牛肉漢堡 $98 (加芝士 +$10)- 份量一樣大大份，絕對食得飽- 內餡同其他口味一樣，配生菜蕃茄，本身配埋生洋蔥，但朋友唔食洋蔥，同職員講聲就可以走咗佢~- 菠蘿夠juicy，食落味道好夾牛油果醬芝士薯條 $68- size一樣大大份，兩個人share就會好啲~- 薯條厚身，粉漿薄- 芝士份量好慷慨，多到可以每一條薯條都沾滿芝士，芝士控絕對要試啊- 牛油果醬好fresh，感覺係原個牛油果打成做醬，食落無添加~荔枝冰茶 $38- 飲到荔枝肉，唔係淨係水果糖漿- 甜度適中推薦去開附近行街嘅朋友嚟食，餐廳仲做緊lunch burger combo優惠，加$30就有薯條同飲品，好抵食

第一次到訪尖沙咀分店的burgeroom，比銅鑼灣的大多好，坐得比較舒服。Menu好多選擇，平日的下午可以加$30配套餐，有薯條同飲品。午餐時間人好少，三成滿都冇。望落覺得好大個，當然一啖係唔會咬到咁多層，但佢的包充滿空氣感，好輕身，而且比較乾，裡面的牛肉都好乾。值得一提的係跟餐的薯條量少得可憐，加$30唔expect得咁少。全靠有塊juicy的菠蘿，成個漢堡先冇咁乾。啡菇burger的汁係千島醬，好惹味，但汁唔多，成個包都比較乾，單食的話塊菇係煎得好香，但始終塊牛好乾係大問題。

我雖然咩都鍾意食，但如果有好食的薯條，或者有芝士，我一定會加分！Burgeroom的Menu唔只合我心水，份量夠大而且價錢唔貴，難怪我做了佢的常客！我平時都係去銅鑼灣分店，原來佢尖沙咀站係商場舖，方便食飽再去行下街消化。雖然呢到有齊牛、雞、魚、素漢堡，不過我諗都無諗就encore牛肉！今次同朋友叫咗2個漢堡同2個小食，再加兩杯果茶，真係飽到要攬住個肚腩走。出去Cashier點餐後，荔枝冰茶同蜜桃冰茶就送到。兩杯的味道甜甜的，最啱就係用嚟解渴，同埋去解芝士的油膩感。漢堡即叫即造，我去個日唔算太多人，10分鐘就有得食啦！漢堡的厚到要用竹簽叉住，唔只牛肉厚身，就連配菜都一樣豐富！朋友仔叫的菠蘿燒烤醬牛肉漢堡，一咬落去，D肉汁即刻咇出嚟，燒烤汁同洋蔥好夾，加埋清甜的菠蘿真係食咗先講。從來對芝士同牛油果係0抗拒力的我，就叫咗個牛油果醬芝士牛肉漢堡。配料組合唔洗諗都知道好夾，加上同樣Juicy的厚牛肉漢堡排，真係好正！自認大食的我，佢的份量差D都比打敗，如果唔大食的女仔，建議可以share，再點小食就剛剛好！食炸野最重要係咩？係即炸！呢到的小食全部都係落單先炸，係值得等待哦～香脆單骨雞翼的味道有少

幾年前試過銅鑼灣分店，呢次就試下尖沙咀分店。無book位，夜晚7點黎到，等左5分鐘就入得。我地點左牛油果醬芝士牛肉漢堡、菠蘿燒烤醬牛肉漢堡同旋風薯條。兩個Burger嘅牛肉都厚身，有牛味，同埋幾鬆軟。菠蘿燒烤醬牛肉漢堡，燒烤醬配埋菠蘿同番茄，酸酸甜甜，加埋生洋蔥嘅辣味，甜、酸、咸、辣都有齊哂，味道夠哂豐富。牛油果醬芝士牛肉漢堡，牛油果醬就少得滯，唔係好食到有牛油果醬味。旋風薯條都唔錯，夠脆夠香口。

座落於mira place角落既Burger店環境舒適寬敞👍假日12點半左右到，幸好食客還不多不用花時間等位😜店內漢堡單个發售不過weekdays, weekends (非公眾假期)係可以另加$30配直薯條+果茶果茶分別有荔枝果茶/蜜桃果茶/菠蘿果茶試左頭兩隻味都唔會太甜 但感覺蜜桃d味會比荔枝出d 濃味d 😋🍔鵝肝牛肉漢堡 $168漢堡用上千島醬汁 麵包皮烘過帶點脆身 好醒胃💯鵝肝燒得啱啱好唔會過火乾身 有入口即溶感覺牛肉漢堡扒係店提供既7成熟咬落去肉質軟糯唔會有筋 最重要有肉汁 唔會乾爭爭 質素絕對值回票價🥳🥳🥳🍔菠蘿燒烤醬牛肉漢堡 $98想食得更juicy 當然要揀有菠蘿既漢堡啦配埋燒烤醬 整體會比較惹味😋不過可能麵包皮上枱時已經串好左感覺無咁脆口😖 幸好蘸有燒烤醬搭夠😬🐟鱈魚手指配他他醬 $48皮薄鬆脆既鱈魚手指味道濃郁 簡直有驚喜😍😍唔會過油之餘 亦唔會好厚粉最重要係唔會有梘水味他他醬又有d西芹粒之類 增加口感 非常讚 👍💯

這天一早出了尖沙咀看電影，中午時分來這裡吃午餐，點了雙層牛肉芝士漢堡及菠蘿燒烤醬牛肉漢堡各一份，並+$30轉套餐。餐廳地方寬敞，挺有feel的，想必晚餐時段一大班朋友到此聚餐喝酒也挺不錯。雙層牛肉芝士漢堡哇，漢堡一來到已被嚇呆了，雙層漢堡真的不是蓋的，好大的一個漢堡！小嚐幾口，漢堡啖啖肉，且煎得剛好，肉質不會這乾/鞋口，裡面的生菜蕃茄好新鮮，自家制的醬汁跟牛肉漢堡搭配，真的吃的很飽，旁邊的薯條亦不馬虎，炸得香脆可口，跟連鎖快餐店的完全不同，很好吃。菠蘿燒烤醬牛肉漢堡這配搭十分好(´▽｀)菠蘿及燒烤醬酸甜酸甜的配搭，解了牛肉漢堡的膩，很不錯，要是能再多給點醬汁會吃得更滿足。飲品方面，友人點了汽水，汽水無疑是跟薯條漢堡的最佳配搭；自己則點了餐廳自家制的蜜桃冰茶，味道淡淡不太甜，解了炸物的膩。這裡的選擇挺多，下次來要試試別的口味！

今日放工行過美麗華，發現原來burgeroom係尖沙咀都有分店，咁有緣俾我見到又到dinner time就梗係即刻入去食啦!今次叫左兩個burger再加必點既旋風薯條~另外再試左樣新野~就係雞肉條配蜜糖燒烤醬，再加罐可樂同老公Share~菠蘿燒烤醬牛肉漢堡上次食完菠蘿燒烤醬雞柳漢堡一直好回味~今次就試菠蘿燒烤醬牛肉漢堡~呢度既burger同銅鑼灣店有d唔同之處就係個包既表面銅鑼灣店會烘得耐d，所以上面會帶有焦香，而尖沙咀店就會微微烘烤，只係岩岩脆面就收手~但同樣都係大大個超厚身~一拎上手好有份量~菠蘿配撘燒烤醬仍然是我心目中冇得輸既配撘，牛肉漢堡比好大份好厚肉，一咬落口唔會散到周圍都係，反而因為太juicy所以一路食一路d肉汁係咁流哂落隻手度~真係唔能夠好優雅地食~特量芝士牛肉漢堡老公叫左特量芝士牛肉漢堡，一上檯真係見到d芝士超澎湃!直情除左個包面同包底之外，入面既材料都被芝士覆蓋，望見佢既賣相都已經流哂口水!咬落去芝士味超濃，同牛肉漢堡已經溶為一體，咸香之餘牛肉漢堡juicy又夠咬口，夾埋生菜同蕃茄食真係贏平時食既漢堡9條街~旋風薯條旋風薯條一如既往又脆又好味，而且都係一樣即炸熱辣辣

行下行下唔經唔覺又到晚飯時間，餓到腳軟軟，依刻只想大吃一餐，所以我同友人決定黎依度食漢堡店內以車做主題，座位都幾闊落落單係自己到收銀處先點餐，拎個震震閃燈牌等店員送到我地枱上醬料同餐具係自行到外面自助吧拎取<<粗薯條>>炸得香脆可口，粗薯條比幼薯條重薯仔味，放耐凍左少少都仲好脆口<<香辣雞翼>>鮮炸出爐，雞翼金黃色，皮脆肉嫩，好多肉汁<<煙肉芝士牛肉漢堡>>份量好大個，以女生黎講，食半個都飽左，上下層係蜜糖麵包，搽上牛油再烘至半脆身，麵包口感鬆軟，配埋依度自家製既醬汁，一啖咬落去好Juicy<<菠蘿燒烤醬牛肉漢堡>>上下層都係蜜糖麵包，整體味道好fresh，食落唔會覺得有膩濟感，菠蘿同燒烤醬味道好夾