魚事者 (鴻達樓) (已結業)

🥘我要哂 小食拼盤 $40小食拼盤包括燒賣 魚狗腸同埋咖喱魚兵團淋滿咖喱汁 🐟魚肉燒賣 一向都比較鍾意食魚肉燒賣 拼盤有雙拼口味原味食到純樸嘅魚香味 芫荽就混合咗芫荽碎有每款2粒圓碌碌嘅燒賣見到粒粒綠色碎之外都食到幾突出嘅芫荽香🌭️粗粗地炸魚狗腸 睇落好似原個熱狗 實際係長形嘅魚蛋俾大量木魚 紫菜絲覆蓋著有和風紫菜/他他醬 揀咗前者調味係鹹鹹甜甜嘅燒汁醬同沙律醬 啱哂重口味人士🍥咖喱魚兵團三粒魚形狀 感覺就好似魚片頭外皮炸到金黃色又帶啲魚味🧄「蒜」你識撈香滑腸粉 $25今餐嘅No.1🏆腸粉好大份 滑捋捋有彈性而且食到啲米漿味 浸著醬油辣椒油 配搭大量蒜蓉乾蒜蔥啱哂重口味人士！🍟炸魚無薯條 $33用魚代替薯仔更加低碳低澱粉第一次食口感煙煙韌韌嘅薯條都幾得意而且佢唔似一般薯條咁油膩 表面亦無撒好多鹽 調味啱啱好可以揀配黑松露醬或者他他醬我就揀咗前者🍄黑松露醬 +$5質地似沙律醬 但就有濃濃嘅黑松露香氣同炸物完全係完美組合～🥤招牌奶茶王 $20一開蓋已經聞到濃濃嘅茶香 飲落的確如此質地奶滑 奶 茶同糖比例都好好 唔會太苦澀或者太甜

下午經開旺角油麻地嗰頭口痕，想搵啲街頭小食醫下肚，咁啱見到肥姐附近嘅呢間魚麵小食店幾特別，就一於試試佢！ 🧡煙三文魚芫荽魚麵撈（$68）煙三文魚份量好足，加咗芝士片嘅芫荽魚麵，無論個芫荽定魚香氣都好出，魚麵好彈牙，正！ 🧡我要哂小食拼盤（$40）有齊哂咖喱魚餅、炸魚狗腸、燒賣，勁抵！佢個咖哩汁好香，無論魚餅、魚狗腸定燒賣都好彈牙又有魚味，CP值夠哂高！我就最鍾意佢個魚狗腸！ 🧡炸魚無薯條 他他醬（$33 + $5）望落似薯條但其實係炸魚嚟，夠哂創新，口感味道都好特別！加$5可以選擇松露醬或者他他醬，我就加咗他他醬。 🧡蒜你識撈香滑腸粉（$25）蒜香味勁濃，加埋豉油辣椒油真係好惹味，鍾意重味醬汁腸粉嘅朋友必點！ 🧡無豬肉燒賣（$20）其實係魚肉燒賣~佢有原味、芫茜同陳皮味，魚肉燒賣彈牙有魚香，點辣椒豉油就係正！

經過油麻地附近，見到呢一間以藍色為主嘅小食店行街行到有啲肚餓，就決定喺度醫肚啦☺️💕蒜你識撈香滑腸粉🥡🥢🧄呢一個腸粉勁好食💯好多嘅蒜同埋蔥加上豉油，真係撈埋一齊食好惹未啊😍👍🏻第一次食腸粉撈埋蒜，原來真係幾夾☝🏻暖笠笠魚湯麵🍜魚湯底濃郁，魚皮餃勁好食🐟魚面彈牙，暖笠笠好正啊😝💕又香又臭蒜油雞翼魚麵撈😍🍗呢一個一啲都唔臭嘅魚面撈好正，蒜油味雞翼加埋少少沙律醬勁好食💯再有少少青瓜絲撈埋個魚麵一齊食，原來呢一個食法都好好味😋🥢洛神花山楂雪梨茶🍂🍐滋潤又解渴，山楂雪梨茶甜甜的，好啱呢個天氣飲❣️招牌奶茶王🤭茶味香濃，唔會太澀口，而且奶茶都香滑甜度適中，好飲🧋