金公館 (已搬遷) 新店位置

為答謝小肥於過去一年咁幫得手，週五晚公司經理就私人請細佬食咗餐團年飯，地點就揀咗喺其家人近期常幫襯o既「金公館」。餐店門面身後有多個海藍色o既魚缸，明顯主打海鮮菜式。步上通往用餐層o既樓梯時已見肥肥家族最愛o既藍妹啤酒廣告牌，心諗今晚要好好啤一啤佢，慶祝一番！樓梯頂仲擺有的骰鮮艷o既賀年公仔，應節得黎極之可愛。雖然我地只有兩個人，但早已成為熟客仔o既經理哥哥居然可揀坐闊落舒適o既四人卡位，盡顯其尊貴o既地位。據悉，週五當晚全店滿座，主要都係大圍火鍋客。原來餐廳正做緊$1海鮮拼盤優惠，每位包咗一隻鮑魚、一隻貴妃蚌、兩隻海蝦，聽落又真係幾抵喎！既然係靚仔經理請團年，點餸亦順理成章地由佢發辦，揀選幾味有靚圖睇o既招牌菜。餐桌上每位面前都有齊公筷及自用o既筷子。埋位亦即開熱茶，茗茶每位$10。正當XO仔忙於細閱酒牌之際。。。面前突然出現咗位身穿藍妹套裝o既妹妹仔，向二人推介家人最愛飲o既藍妹生啤！眼見隔離枱火鍋客都點咗座藍妹啤酒塔。。。兩口子亦好識做地每人要咗杯藍妹生啤。明明之前喺某酒吧度試過藍妹生啤，記得當時嗰杯淡而無味，意外地今次依杯卻又清爽得黎啤酒味較濃，嘻嘻，可能係有藍妹姐姐斟俾我地飲

好耐無同啲食友聚聚，一到暑假就各有各忙，晌暑假結束前，點都要聚一聚吹吓水，順便送吓啲小食心意俾大家嘅。由於今次由友人擔大旗，唔使小弟安排，呢個當然好啦，只要地點就腳，我食乜都無所謂。但友人揀咗銅鑼灣嘅「金公館」，食川菜，辣嘢我一般喎，友人話唔使擔心，唔辣嘅一樣好多選擇。咪以為佢喺一般菜館，但上到去裝修花過心思，由上樓梯一刻已可見一班，以竹枝作為佈局，讓人暫時離開「石屎森林」，走進叢林處。上到二樓，左右兩邊有唔少卡位及馬蹄位，主色調用試上深啡及墨綠，又用上大量嘅中式窗花做裝飾，令整體產生一種古雅嘅色彩。再走入啲，原來地方好大，既有廂房，又有大圓枱，一大班人嚟都無問題，而且，包房好似無最低消費添。除環境，餐具都好有特色，枱上嘅茶杯「爵」簡直帶大家返番古代咁，不過，飲起茶嚟其實又唔喺咁就手，但影相就甚有味道。酸橋頭、脆花生未齊人，食住酸橋頭、脆花生先，前者酸香爽脆，又唔嗆喉，後者甘脆，帶少少鹹香。金銅色硬皮面餐牌，一打開有川菜起源嘅介紹，睇完真喺知唔少嘢。再翻翻餐牌，由涼菜小食、乾鍋、泡椒、水煮、家禽、湯水、招牌菜、河鮮、海鮮、小菜、鮑參翅肚、素食、蔬菜、飯麵，到甜品、飲品，真喺估唔到咁多嘢

今日星期日,上午打風......下午先落波!即慶同朋友仔黎個聚會,衣間金公館第2次食,上次印象係服務好好,侍應好風趣,令到晚餐整個氣氛都十分開心!今次亦都唔例外服務好之餘,環境都好舒適,可能今日打風,人手不足,侍應都好抱歉招呼我地不足!!這裡的杯好獨特,賜你一杯的毒酒但事實用黎飲茶不是太暢快,都係用返普通杯好D!上次食過有D真係必食的,如這個蒜片牛仔粒$98真係冇得頂熱辣辣,肉質又好正,頂瓜瓜跟住衣個椒鹽鮮魷$88都唔錯.....魷魚唔係好靱,細細粒幾好黎一個火焰鮮胡椒蝦 $238Show Time..............................侍應會響你面前倒酒落胡棣蝦度,之後點上火................噴火上次食記得係好入味,除去蝦殼,蝦肉都好入味,今次似乎有DD失準,不過整體都係好味的,只係比較下有分別蟶子皇--粉絲蒸 $48/隻蟶子皇有個SET係6隻,但因為我地一行5人,所以散叫5隻! 散叫同SET價錢都只不過係平幾蚊,所以唔會好唔抵點樣煮法叫你揀.....我地都係揀返傳統的粉絲蒜蓉煮Um.............大家都覺蟶子有D靱,我果隻仲有好多沙添..