巴巴串

营业中

休息中

秋冬到又係食燒烤的時候，係觀塘有一間自動轉動燒串餐廳，一爐兩用有得燒串加燒肉完美結合，讓你一次過滿足兩個願望，真是懶人必食的好去處！環境餐廳位於觀塘工廠區裏駱駝漆大廈，地鐵站步行只需3分鐘。店內環境通風良好，座位全是梳化設計，非常適合聚會。食物多達30款串燒，回本必吃蒜蓉焗蠔、雞泡魚乾、美國SRF極黑和牛、日本松葉凍蟹腳、鮮甜扇貝等。C餐包曬所有瘋狂任叫任食可以無限時添。服務餐廳保持傳統的紙張落單方式，主打菜品即叫即整，搭配自助吧取餐，讓你能夠迅速享用美食。此外，店員數量充足，收碟和上菜速度快。

巴巴串，位於觀塘開源道62號駱駝漆大廈第一座5樓C室。大約兩年前食過一次，印象幾好。餐廳有三款放題套餐📝，我選了美國安格斯牛放題$268 加一。已經包括有自轉串燒放題、安格斯牛板腱、安格斯牛仔骨、安格斯牛粒、安格斯封門柳、皇室無激素豬腩肉、雞泡魚乾、鮮甜扇貝，還有前菜、熱盤、甜品和飲品。 我喜歡安格斯牛板腱和封門柳，兩款肉質新鮮，香濃肉嫩。熱盤推介肥美的蒜蓉焗蠔 、香脆的炸春卷和美味的燒韭菜。甜品推介豆腐花、雪糕和燒棉花糖。飲品在自助區，有多款選擇。 整體價錢合理，一次過可以食串燒自助餐、燒肉和海鮮，任飲任食，值得推介。 🏷️溫馨提示～ 整個用餐體驗均屬個人分享意見， 只作參考😊。

我和朋友行完裕民坊，就搵地方食嘢，朋友推介一間超抵食嘅串燒放題餐廳，位於駱駝漆大廈1座五樓，咁抱著不妨一試嘅心態，咁就去試下啦，到咗見到個門唔係好大，但入到去之後就發覺個餐廳係非常之大，座位亦都好闊落，首先見到喺巴枱嗰度擺嘅熟食，嘩真係超多，再睇飲品櫃入面，竟然有冇酒精嘅嘉士伯啤酒，超中意；再去睇下個串燒櫃，嘩一聲，超多唔同嘅選擇，有任攞嘅扇貝，海蝦等等嘅海鮮，當然仲有不同款式嘅豬牛雞肉串呀，真係講都講唔曬，再轉彎就見到個甜品櫃，都有六七樣甜品畀你揀；熟食方面竟然有焗蠔，炒蜆，仲有椰子雞湯飲；而凍飲品款式當然係超多啦，竟然仲有雪糕任食，真係冇得輸，仲有唔同嘅炸物，勁脆嘅蝦片，竟然連义包都有得食，仲有每位客人都會特別奉送嘅粉絲蒸扇貝，同埋一串鱔魚肉！真係一間超多嘢食和勁好食嘅串燒放題，服務員仲好親切噤幫你收走用過嘅碗碟，佢有時見到某串自動燒烤卡住，仲會幫你整理一下，真係超細心；老闆仲會不時出嚟，介紹你用唔同嘅醬料混合唔同嘅食物，達至最好食。兩個鐘真係食到超飽，我哋七點半前埋單走人，每人二百蚊有找，真係超抵食！