安安燒 (染布房街)

营业中

休息中

前幾日食完附近既餐廳之後，發現原來安安燒就係同一條街，今日即刻黎食下！由於當日食左好多款串燒，所以我就淨係介紹我最鐘意既5款啦！芝士蒜蓉燒生蠔 $90(4隻)激多蒜蓉！配合芝士一齊燒香味十足，蒜蓉控必點～串燒叉燒肋排粒 $25肉味濃郁，叉燒汁夠入味，加埋少少蜜糖味，非常好食。鹽燒鯖花魚 $35(3件)啖啖肉而且無骨，魚皮燒得好香脆唔會太乾。蒜蓉生燒茄子$48份量好足，而且燒得好香唔會好乾身，配合大量蒜蓉，好入味 好惹味！安格斯肉眼牛柳串$58牛肉處理得好好，牛味濃郁，好惹味，係個人覺得最好食既串燒。腐竹雞蛋糖水沙冰$33非常有創意既飲品，腐竹味香濃，唔會太甜，適合食串燒既時候飲，大愛！值得讚賞既係上菜速度非常快，即使限時用餐個半小時都夠時間食，下次會再黎！

依間串燒店真係我由細食到大💛由讀緊書食到番工都仲會嚟食已經計唔到嚟過幾多次啦.餐廳都算小有名氣如果星期五六夜晚想食記得要提早預約定Walk in有排等㗎.餐廳嘅燒物款式真係好多咁多選擇下 實有啲做得麻麻嘅菜式因為大部分都試過曬希望幫到大家避避雷.創意芝士蒜蓉撈丁🍜大食嘅你一定要叫佢有幾款創意撈丁不過個人覺得要有曬芝士同蒜蓉先得無純三層芝士撈丁咁膩又食到蒜蓉香味🥰✨要注意 上菜後快啲食唔好擺咁耐擺得耐真係會變一舊舊.蒜蓉生燒茄子🍆每次點 茄子都勁大隻🤣大大份唔洗驚無肉食茄子唔會燒得過耐茄肉唔會過林保留到曬茄肉口感同茄汁😋.沙嗲豬頸肉必點❗️唔似平時食車仔麵檔/燒個種咁硬身唔知點解燒完都唔會乾同老🥸燒肉配上香口沙嗲醬一流記得留番個沙嗲醬叫咩肉都可以加佢 好味又白搭🤩.蜜汁燒芝心獅子狗🐩唔常見嘅item一食落去就有甜甜地嘅蜜汁咬開仲會爆啲流心芝士醬出嚟唔係竭身可以拉絲個種芝士真係會流到出嚟㗎記得一口食以免爆汁.食飽飽可以根據個人口味揀甜品🍭糖燒朱古力香蕉 日式煉奶麻糬燒菠蘿都好啱做last dish.推薦推薦

朋友介紹旺角既安安燒唔洗自己燒，又唔洗整到成身煙/燒野食味坐係度 就可以食到即叫即整、香噴噴既美食，岩晒我😛😛食物選擇幾多，睇圖既話，好多都好吸引呀🤤🤤花多眼亂叫到成枱都係，咁有咩正野係值得推薦既呢：：：：：餃子雞翼，一定要食！好香，好惹味！ 咬落去口感唔錯，唔會乾/硬好juicy一個人食兩隻都唔過份！另外個秘製醬汁燒雞翼都唔錯雞翼控兩樣都叫晒實冇死～蒜蓉生燒茄子🍆必點！我見好多枱都有叫呀！面頭有滿滿既蒜蓉+蔥花+辣椒粒，令香味、惹味程度爆標！ 兩個人share一條茄子，一人一半岩岩好😌😌 茄子肉好軟，一絲絲，又滑，入口輕輕咬已經融化左。熱辣辣咁食，成件事好暖，好幸福呀❤️鰻魚汁三重芝士撈丁估唔到會有芝士撈丁食🤔🤔算係誠意之選， 佢地係自加mix左幾種唔同既芝士，同平時茶記既hea野冇得比啦。芝士味真係幾香濃👍🏼但又唔會覺得膩配埋鰻魚汁，味道幾夾，幾特別襯熱撈撈佢，yummmmm🤤🤤總括黎講 滿足，溫暖，又開心係同朋友食飯吹水既好地方😉

係一個落住雨粉粉既晚上 我同男友都不約而同地好想食串燒呢個晚上 好適合呷一口啤 吃一口肉講到串燒 我地都係去食開呢間— 安安燒 係甘食串燒驚唔夠飽之選- 必叫撈丁！個蒜同芝士量都夠晒香濃惹味 邪惡得黎又停唔到口 幾乎台台都會叫既燒茄子試過就知點解甘正蒜香濃 又有少少辣 最緊要係蔬菜類減少罪惡感 我次次都必食煙腩卷同燒白鱔！煙腩卷一口咬落去就爆晒車里茄汁 甜甜咸咸 好滋味又開胃～一啖一粒岩岩好白鱔就好爽口軟嫩 燒得又夠甘香 一串真係唔夠喉 是日燒鮑魚係推介 $39一隻食得出好新鮮同大大隻 絕對抵食呀！！ 呢個雙重芝士丸 真係一咬就會必晒芝士出黎中意芝士既人必叫 雞翼好不得了！ 果然係秘製醬 好惹味又juicy唔會乾晒 唔食就後悔 牛舌係我食串燒都必點可惜呢度既牛舌有少少失望雖然夠'林' 但係對比其他串串 佢未夠惹味同突出 食左其他濃味野就覺得佢比較淡口 呢個雞腎我冇食所以俾唔到評語 但聽聞都不過不失啦～ 相信安安燒都已經係串燒界人好出名唔使多講打完個食評又開始肚餓喇可唔可以再安哥呀

串燒基本上是每個國家也會有的菜式，在乎不同國家以不同的材料及醃料來製作。我本人喜歡吃日式或泰式多一點，今次就與友人一同參加了一間川式串燒的店子所舉辦的試食活動。一坐下，先來點飲品，款式不少，除了一般的汽水啤酒外，還有紅白酒及涼茶等等，可配搭不同的食物。這兒的串燒甚有創意，如以朱古力來燒蠔及棉花糖配梳打餅等等。今次先品嚐一些公關預設的燒烤食品，先是燒一口甜薯，軟軟糯糯，而且現在很多地方也轉用了這種迷你甜薯來作串燒，簡單而好味。燒雞泡魚乾是另一值得吃的，質感不會乾巴巴，柔軟而有彈性。蒜蓉生燒茄子在茄子上舖滿蒜蓉，一口包含一絲一絲的茄肉及蒜蓉，夠惹味但算普通。接著的辣酒煮螺肉有點嚇人，辣味強得令人噴火，完全蓋過了螺肉的味道，幸好肉身不會過靱。其餘的食物都較為普通，如鹽燒多春魚、爽爆豬頸肉、燒牛丸、燒韭菜、麻辣金針菇及麻辣錫紙紅薯粉。麻辣金針菇明明是麻辣味，但卻不麻不辣，反而紅薯粉卻太重麻辣味，有些食友也吃不下。接著的兩款卻是不錯的，蒜蓉芝士燒生蠔的確惹味，可是明明已有芝士，又可必下這麼多蒜蓉呢，吃時我需要撤去一些才能吃。另一款是醬燒雞中翼，雖然簡單，但卻燒得皮脆肉嫩。接著來了一個冷凍小吃，凍

在其他食家引領下,品嘗這間旺中帶安靜的的食店試食, 裏面提供60-70樣的不同美食, 看見也另人興奮起來, 先值得一提的是以下這款波羅啤, 感覺清新特別, 滿不錯, 而且不是很多地方有提供, 大家來此不妨一試呢等了不久, 便開始端上不同的串燒小吃...先說說圖上方的一口甜薯, 甜度適中...圖下方是凍食日本檸味甜薯...酸甜感覺加口感....反而有些似蘋果....像分子料理呢...HAHAAA...但2者都算是一道不錯的開胃小吃呢然後再吃這個燒雞泡魚乾, 這個下酒一流呢!!緊接而來的是一道惹味蒜蓉生燒茄子, 味道偏濃, 算OK吧ž 然後來了這個辣酒煮螺肉和麻辣紅薯粉.....辣味太強令螺肉味失去了...所以只是很普通呢...紅薯粉也普通,沒特別...而且真的很辛辣呢..怕辣的人要切記留意而這個燒牛丸,豬頸肉,鹽燒多春魚...本身味較淡, 大家記得要在旁邊加孜然粉才夠味啊其後這款麻辣金針菇反而不太辛辣且味道不錯, 比平常的牛油金菇...這個幾特別最後再來以下四款....左上是燒韮菜, 挺香口....右上是燒地捫菠蘿, 一端上枱就有很香的菠蘿味...水分又多, 不錯左下是芝士蒜蓉燒生蠔,

在香港想起吃串燒，通常一就是街邊小吃，另一選擇是日式的串燒店，地道而專做串燒的店比較少，可能因為燒物的煮食較多油煙，做店舖的都寧願開甜品店。其實一邊吃點串燒，喝點酒，跟朋友談談心，也是都市人工餘的減壓方法。最近，在旺角染布房街，開了一間新的地道串燒小店「安安燒」，今天下午應公關的試菜邀請，跟一班博客前來旺角鬧市燒燒燒。店子佈置簡單，合乎地道小店風格。試過的食物多到不能盡錄，以下是其中一些:鹽燒多春魚這似乎是港人除雞翼外，較熱門的串燒食物，這碟也燒得外皮幾香脆，肉質也鬆化。辣酒煮螺肉螺肉以錫紙包裹著來燒，上枱時還是熱騰騰的，一放入口便發覺非一般的辣，不嗜辣的我就受不了，但仍然感受到螺肉的爽口，好辣的不妨試試這款吧。安安爆爽豬頸肉豬頸肉燒得好爽脆，肉也鬆化，唯一不喜是香料粉落得重手了點。燒雞肉軟骨棒這款的外型講真就並不討好，像很硬的感覺，但吃落竟然又不錯，雞肉頗鬆軟，中間亦咬到軟骨的質感，有趣又美味，香料粉略多了點。蒜蓉生燒茄子吃了肉後，要吃一些蔬菜的，這茄子燒得好香好軟，蒜蓉味也足，只是茄子皮燶了點。芝士蒜蓉燒生蠔生蠔超大隻，本身已夠吸引了，加上芝士和蒜蓉，變得十分惹味，難得燒了後，蠔仍

放工途中同女朋友經過，聞到一股濃烈燒烤香味，行前d就見到呢間超光猛串燒店，橫掂星期日就入去食餐好架啦。食物係川式為主，燒到乾身，香口，濃味，啱晒我。 整體黎講算好味，喜歡濃口味嘅人必likE.但有問題可以改善：有時好間中會煙煙地，有時侍應會睇唔到你舉手，有漏單，可能太多人。涼茶種類得王老吉..........最Like食物如下：牛舌，雞翼，菠蘿，金菇都好好味。