Gali

营业中

休息中

每次入到觀塘午餐都會有選擇困難症，但聽朋友講呢間印度餐廳性價比好高，去試吓先😼✨香料咖哩牛舌 $68牛舌不得了，超級軟嫩，而且都好入味！呢款咖哩配合林林總總嘅香料，令到口感好豐富，帶嚟香辣同埋濃郁嘅風味星星推薦度：⭐️⭐️⭐️⭐️⭐️/5✨蒜香蝦香料飯 $68呢個好有新意，係以炸蝦既形式製作蒜香蝦同灑上香料形成，有少少似食緊炸雞既感覺，但同時保持到蝦肉肉嫩既質地🫢而今次嘅香料飯比香料咖喱嘅層次口感更加豐富，除左小星星聞到啲飯有少少鹹柑橘嘅味道，香料飯就冇咩特別星星推薦度：⭐️⭐️⭐️（⭐️加俾蒜蓉蝦）/5✨奶油咖哩雞 $68雖然睇落份量偏小 但入面有4舊大雞肉 雞肉幾滑好入味 而配合帶香辣既咖哩加上帶甜味既奶油 真係好適合配白飯食😋星星推薦度：⭐️⭐️⭐️⭐️⭐️/5✨奶油烤餅（6片） $24 （跟餐+$15）小星星覺得印度烤餅簡直係印度餐廳嘅靈魂，每次點咖喱一定會配烤餅，但係呢個烤餅真係失望，不單止賣相麻麻，仲好細塊好薄，好難咬開☹️星星推薦度：⭐️⭐️/5🍀記得間餐廳只收現金‼️同埋星期日唔開架

🇮🇳🍛🫓觀塘工廈香料咖喱▫️QR code落單▫️只收現金🔘有職員喺廚房食煙，啲煙味飄咗出嚟好難聞，希望可以注意下。☑️蒜香蝦香料飯 -$68好大碟，飯量好多，新鮮炒起熱辣辣，印度米較長，有幾隻顏色唔知有咩分別，但係粒粒分明，不過唔係好濃味，要撈咖喱食先好食。大蝦有四隻，有炸過，蝦好彈牙。☑️香料咖哩牛舌 -$68牛舌有4塊，都大件厚切，煎得幾香，咬落有少少似香腸，香料咖喱味道幾濃幾惹味，一開始唔覺辣，越食會越辣，好過癮。☑️轉奶油烤餅 +$13烤餅有六小塊，薄薄地但點咖喱食係一流。☑️ 芒果乳酪Mango Lassi - $13幾好飲，吾會好稀，芒果味幾濃又解辣。

觀塘嘅工廈好多都臥虎藏龍，收埋唔少平平哋又好食嘅餐廳，呢間Gali就係其中一間～ Gali係一間正宗印度菜嘅小店，係由印度大廚主理㗎～ 佢哋餐牌嘅選擇都有唔少，淨係咖喱都已經有4-5種，另外仲有出面比較少食到嘅印度香料飯同埋特色小食😋•🥢 奶油咖哩軟殼蟹 $75個奶油咖喱真係幾香幾creamy 咖喱味道唔辣偏甜，有啲似香料味比較重嘅日式咖喱～軟殼蟹都幾大隻，炸衣都幾薄，不過因為浸咗咗喺咖喱到，所以淋咗，口感爭少少，但呢個價錢有軟殼蟹食，CP值好高！•🥢 蒜蓉烤餅 (6片) +$15咖喱係預設跟白飯嘅，但可以加錢跟餐轉烤餅～ 蒜蓉味比想像中淡，但口感都幾鬆軟，有啲似厚批pizza嘅批底，但呢個烤餅係軟身啲，就算凍咗都唔會變到好乾好硬，點咖喱食亦都好正！•🥢 蒜香蝦香料飯 $68一食落去原來都有少少辣，好重印度香料味，但我哋比較少食印度菜，所以都唔係幾講得出係咩香料🙈 雖然落咗好多香料，但整體調味好似爭咁啲鹹味，令到成個飯有少少失色😬主角之一嘅蒜香蝦一咬落去原來係有一層薄薄哋、有調味嘅炸衣包住～蒜味都係淡淡地，但食落幾香口，4隻蝦就有少少唔夠喉🤭•🥢 蒜蓉牛油雞翼 (6件) $42一上枱就

係觀塘返工的我，今次係第3次係Gali買外賣自取啦!!大家記得WHATSAPP叫定，甘就去到吾洗等即刻有得拎走，因為佢真係好多人啊(堂食、外賣都係)。今日我11點幾就WHATSAPP佢，好快有人覆，LUNCH會包汽水，要轉mango lassi要加$13，上次飲過都幾好飲嫁，大家都可以試下。食過幾次奶油咖喱同香料咖喱，今次就試下佢個蒜香蝦香料飯啦! 都有少少辣，但味道好好，炒飯甘都炒得乾身。蝦炸過，有4隻，但拎到返黎淋左lu。可以吾食層炸粉，蝦是不錯的