龍驤 (已結業)

過海巴士一過，就到紅磡站，過過橋，就到尖東，正當吾知食咩既時候，就發現一間日本餐廳，即使今日係星期六，都一樣有午市定食，款式好多，今日就叫了蒲燒鰻魚定食網燒安格斯牛排定食，另外加了小食煎軟骨餃子每定午市定食套餐都有蒸蛋，麵鼓湯，仲有係沙律。點餐之後好快就黎。沙律新鮮，蒸蛋吾錯，蛋都好滑。當主食登場，鰻魚饅都好似日本原盒咁上，一盒熱辣辣鰻魚飯，鰻魚汁要幾多就自己決定。再加落飯裡面。鰻魚係真係店裡自己做，食到好香燒鰻魚味。成個飯更配有蛋絲，十足十係日本食到既一樣。安格斯牛排定食，本身以為只係鹽燒牛排，但原來仲有黑椒同埋椰菜，安格斯個個熟既程度掌握得好好，仍然係肉味重，滑又重牛味。十分吾錯架。而且比單單鹽燒牛排，伴飯就更岩。我地亦有加配小食，餃子，吾同既係餃子好大件，長形餃子，與平日拉麵店既餃子吾一樣。好脆，裡面夾有軟骨，就更加有咬口了。

這日放假我哋一齊去尖沙咀食午餐，在新文華中心找到一間感覺唔錯嘅日式食店。見到出邊嘅宣傳牌午市定食都好吸引，仲有八折， 我哋就決定喺呢度食午餐啦店舖嘅佈置充滿日式風情，店員亦很親切有禮。我哋點左一個烏冬，一個飯，一個小食。先來嘅係前菜的沙律及蒸蛋。沙律菜很清新，醬汁味道剛剛好。燉蛋好滑，有蛋香及菇味。麵豉湯中規中矩。蟹肉份量都唔少，配合埋烏冬同埋湯食好好味。另外，甜甜地嘅腐皮壽司加上酸薑亦都係一個好好嘅配搭。鰻魚味濃郁，飯上面有好多蛋絲，口感豐富。按自己嘅口味加入鰻魚汁，好味炸天婦羅外層炸漿香脆，份量都幾多，其中蝦天婦羅我哋都幾鍾意，每一隻蝦都好大下，蝦肉幾結實／總括而言，呢間店都唔錯，值得再次光顧。