興華茶餐廳 (已結業)

興華茶餐廳 @hing_wah_1978📍柴灣興華村二期和興樓203-204室.終於試到位於興華邨嘅興華茶餐廳！當然要試佢哋招牌嘅蔥油生炸雞髀，原來漢堡都好岀色‼️室內就原用七、八十年代嘅裝修，好懷舊～ .🍗 蔥油生炸雞髀飯 $40: 雞髀炸到金黃色，外皮脆卜卜，而雞肉肉質嫩滑帶豐富肉汁，啲蔥油夠香，撈飯一流～🍔 芝士三重奏安格斯牛肉漢堡 $48: 估唔到茶餐廳嘅burger都咁正！安格斯牛肉自家手打，牛肉味濃好juicy，夾上芝士，再加上茄汁及秘製醬汁，而漢堡包做了烘底，帶點脆口，呢個嚟到必試呀～🫘 紅豆冰

同朋友兩個行完山，特登搭車去柴灣食呢間黃店茶餐廳，餐廳位置有少少難搵，因為係喺個屋村入邊，餐廳門口見到有好多告示板，係一啲領養動物嘅資訊，好有愛心嘅餐廳估唔到門口會擺一啲待領養動物嘅資訊俾人睇。行完山好肚餓，見到生炸雞髀四個字就即刻好想食，我同朋友兩個人叫咗兩碟蔥油生炸雞髀飯加紅豆冰，因為我哋兩個女仔食唔到好多飯，所以叫哥哥仔比少啲飯我地，個蔥油加埋啲飯真係無敵，好好食，同埋這生炸雞髀入邊仲好嫩好Juicy。唯一可惜嘅係紅豆冰啲紅豆煲得唔夠林，如果啲紅豆再煲耐啲再煲爛啲就完美！