興華茶餐廳 (已結業)

同朋友两个行完山，特登搭车去柴湾食呢间黄店茶餐厅，餐厅位置有少少难揾，因为系喺个屋村入边，餐厅门口见到有好多告示板，系一啲领养动物嘅资讯，好有爱心嘅餐厅估唔到门口会摆一啲待领养动物嘅资讯俾人睇。行完山好肚饿，见到生炸鸡髀四个字就即刻好想食，我同朋友两个人叫咗两碟葱油生炸鸡髀饭加红豆冰，因为我哋两个女仔食唔到好多饭，所以叫哥哥仔比少啲饭我地，个葱油加埋啲饭真系无敌，好好食，同埋这生炸鸡髀入边仲好嫩好Juicy。唯一可惜嘅系红豆冰啲红豆煲得唔够林，如果啲红豆再煲耐啲再煲烂啲就完美！