瑞記咖啡

营业中

休息中

還記得第一次來的時候, 是和幾位同事一起黎食的..現在相隔年多, 人事以不同往年...今天突然想食餐蛋麵, 又不想去茶餐廳食貴價不好味又不是出前一丁的常餐! 立即想起市政熟食市場, 所以最終選擇去瑞記呢!還記得年長的伯伯都是落場親力親為的。不得不「讚好」呢!而因為地點是在市政熟食市場, 衛市方面當然不會很好, 大排檔的圓桌, 街市的地板.. 幸好是有冷氣開放的, 而小妹卻覺得就算是酒店級餐廳, 衛生也不見得一定好好呢!首先點了一枝樽仔奶茶 ($12) 呢, 它算是瑞記的生招牌!還記得上次來的時候, 也是點了奶茶, 不過最終來了枝咖啡, 由於色澤差不多, 都係飲左一啖先知比錯左, 哈哈!這裡的樽仔奶茶夠凍, 茶味和奶很平均也滑, 味道很濃, 不錯!餐蛋出前一丁 ($18), 每碗也是即叫即煮, 麵條彈牙, 餐肉煎得香香的..不是預先煎好的蛋和餐肉, 比地鋪的茶餐廳來得抵食和好吃! 這碗餐蛋麵確實有家的感覺!但有時LUNCH HOURS人客多的時候會稍為等得較耐及混亂一點!蔥花蛋牛包 ($9), 實在是十分抵食!芝麻麵包經烘過後脆脆的夾住蔥花蛋牛, 份量不少, 亦惹味討好, 如近公司的話一

3月28日, 久聞瑞記大名, 今日終於抽到空來一嘗老字號, 見到佢牆上嘅餐牌, 就知道有幾懷舊, 而原來有d食物喺餐牌上見唔到, 包括最受歡迎內含蔥花嘅蛋牛包~::: 蔥花蛋牛包 ::: $9黎食嘅最主要原因都係佢, 冇理由唔試~ 果然蛋牛餡料內加咗蔥花香咗好多, 因為屋企煮餸成日會加蔥, 所以蛋牛同蔥花一齊煎好有住家菜嘅味道~ 蛋又唔會煎得好乾, 有d似炒蛋, 一咬落去仲會有蛋汁標出黎~ 而麵包係用熱狗包, 微微煎過所以表皮脆, 內裏軟熟~ 整體味道十分好, 唯一彈嘅係可能鑊冇乜點清洗, 以致煎出黎嘅蔥花蛋牛黐咗d鑊屎…::: 油占多 ::: $6牛油搽得略欠唔夠均勻, 仲有一pat pat喺多士上面… 但係果占就幾惹味, 多士亦烘得唔夠脆, 呢件多士只係中規中矩~::: 凍奶茶 ::: $11凍奶茶係用玉泉忌廉樽裝住, 非常特別呀! 由於樽身都幾殘同埋樽口有d鐵鏽漬, 有d人會嫌污糟而接受唔到, 不過我地就覺得幾懷舊同有創意~ 而佢地都係用雪櫃冰住, 所以凍奶茶唔駛加冰, 唔會溝稀, 奶味非常濃郁! 有d蓋過咗茶味, 不過都幾好飲~以前就喺大排檔食到又平又好味嘅野, 而家只有喺熟食