Cossi (已結業)

事原老婆食過呢間話好好味，帶我來試下。點知一試就出事。頭盆法式洋蔥湯都好好味，跟湯嘅蕃茄多士配沙律醬都幾好，感覺連細節都照顧到，以為主菜應該都會幾好啦！點知我老婆叫果個焗怎麼鵝肝精華.....蜆肉......意粉，個名水蛇卵咁長.......好似好高級咁，點知連卡拜尼意粉都不如。首先唔係焗架啦！個碟都唔熱，怎麼鵝肝精華，食唔出有咩鵝肝或者鵝油味喎！成碟野淡某某，有蜆肉冇蜆味！意粉又煮到“林”晒！連我老婆都話難食！跟住我塊肉眼仲離普，用勁多香草醃過，又咸又咩咁........香草太多D味....唉！我都唔知點形容.....一句講晒，難食！老婆話之前食過呢間唔係咁個喎！咁我就唔知喇！我都係第一次黎。不過我就唔想再黎呢間喇！

食評就睇得多喇，寫呢~都係第一次。見到食評話呢間1點前結賬有八折，咪過黎試下係咪底食又好味囉。結果好有驚喜，所以黎同大家分享下。入到黎見環境唔錯，望下個餐牌，一個 full set 意粉都係六十幾，仲有八折，如果好味就真係幾超值。我地兩個人，叫左英式炸魚意大利香草醬松子意大利粉，厚切牛脷香腸熱溶芝士茄醬長通粉，兩份都跟餐湯，另加$10要多一客沙律。個主菜名超長，唔係影左張單都唔方會寫得返出黎！講左張單先，八折冇錯，$126 for 2 超值！不過1點前埋單就唔係人人得喇！我得，所以會再黎！個餐湯唔錯，濃蕃茄味得黎又唔係幾酸，OK！呢個多士就有驚喜喇！係蕃茄包黎架！配沙律醬，好好味！什菜沙律，不過不失。厚切牛脷香腸熱溶芝士茄醬長通粉：牛脷和香腸冇乜特別，芝士茄醬都幾濃，但係冇乜驚喜，不過不失啦！炸魚意大利香草醬松子意大利粉，就好有驚喜喇！炸魚香脆，脆醬應該係用啤酒開嘅！夠正宗！魚肉又滑又多汁，“正”可惜得兩舊好似少左D.....意粉汁甜甜地幾好味，加上香脆松子仁，食完好有滿足感。整體黎講D野食好有水準，再加上精美上菜器皿，心情都唔同D。

貪小便宜係人嘅天性，見到門口寫住1:00前結賬八折，對腳就自自然然行左入去喇！入到裡面環境唔錯，舖位細細仲有樓上雅坐。都坐得幾舒服。午餐選擇都幾多。睇落價錢唔貴，等陣仲有八折好似幾底！我地叫了豬肋排和肉眼。先來個餐湯，蕃茄湯，但係冇跟包。第一次來唔知道，淨飲湯怪怪地咁，問下個待應，佢話個包等陣上，咁好啦！我蓋返個湯等埋個包先啦！等緊嘅時候影返幅相先啦！話時話呢個湯盅真係幾靚。個湯就不過不失，個包就有D驚喜，係蕃茄多士黎架！唔錯！唔錯！主菜肉眼：比咁大件你有D驚，即係個扒本身唔會有幾靚啦！試一口，果然後落左鬆肉粉醃過。不過食食下又覺得幾OK，係外圍邊邊有鬆肉粉醃過嘅 feel，裡邊果部份唔錯！之但係D配菜就悶左D喇！得薯仔&豆角。個汁就真係唔知佢想點，港式黎講就唔夠黑椒，西式嘅就冇香草.....上枱隻碟真係幾靚，但唔適合鋸扒，一路鋸，隻碟一路“吱吱”，“吱吱”咁叫，搞到毛管動！輪到豬肋排：肉質上乘，彈牙，有豬味。水牛城汁中規中矩，配菜跟肉眼一樣，都係果兩味。隻碟好靚，但都係“吱吱”聲，仲要隻碟超平，好易掃左D配菜出街，鋸兩野就要掃返D配菜入黎，唔係幾方便。整體而然都幾好，用料唔錯。只是個