8鍋臭臭鍋 (謝斐道) (已結業)

天氣開始凍lu, 收早突然醒起暖笠笠嘅打邊爐🥺, 同事唔要lunch任食, 就一人一鍋啦. 我地search左li間位於CWB嘅8鍋臭臭鍋, 一個火鍋+飯/粉C+紅茶/綠茶只係HKD88 ja(計埋加一都唔係一舊水).>蕃茄白豚鍋湯底好甜有濃濃蕃茄味, 仲有好幾件蕃茄🍅添, 白豚肉估唔到有咁多塊👍🏻. 其他配料如娃娃菜, 蓮藕, 凍豆腐, 枝竹, 椎山, 木耳....完全放滿整個鍋, 食材非常健康同埋菜/肉比例好均衡, 食食下原來鍋底有粉C, 但另外仲附送一大碗飯, 真係大份夾抵食呢.>芝士牛奶鍋 我嘅芝士牛奶鍋仲正, 首先奶味香濃, 大塊大塊芝士喺面湯底勁好飲, 白豚肉又係大量嘅, 講返鍋內所有食材自廚房出菜時已經全熟, 邊吃邊以小火滾住係更加滋味嘅🤤🤤🤤. 再撈入鮮雞蛋🥚多一重美味. Li個鍋幾乎啖啖飯材都黏滿芝士架, 尤其係金菇, 蟹柳, 枝竹. 蛋皮餃好味! 鍋內已有烏冬之餘另外仲附送粉C勁飽🤣. 差啲飲唒湯底~ >金桔🍊檸檬🍋梳打, 奶蓋烏龍茶 (+HKD7@)除左紅茶/綠茶之外, 餐牌背面HKD30以下嘅飲品只須加HKD7就可享用. OK熱氣嘅火鍋梗

雖然夏日熱辣辣，但忽然想打邊撈~去左試台式火鍋🍲一人一鍋唔洗就人，又可以試多種味！兩個鍋個湯都好飲，好足料，芝士牛奶鍋好香，唔會好漏! 蕃茄湯底都好濃好夠味，酸酸甜甜😋下次要試麻辣鍋😗我地揀左滷肉飯... 就咁食係好味的，不過同個鍋就唔太夾，同埋會好飽，跟粉絲感覺上會好啲🤨叫左兩杯奶蓋茶飲，個奶蓋同平時飲開既唔同，偏甜。茶味唔算濃，有啲淡。建議堂食可以盡量環保啲，唔用膠杯同飲管...整體同朋友都感覺都不錯👍🏿價錢都合理，會再返黎試其他鍋~~

喺歐洲已經好掛住香港嘅美食😫返到嚟真係要即刻食返晒菠蘿包 蛋撻 飲下奶茶☕️當然H先生最想都係食返餐打邊爐 佢既最愛💁🏻‍♂️今次食呢個類似係一品煲 雖然唔係又生煮到熟😌但都有湯有餸 滾下滾下去送飯🍚.睇到餐牌梗係要試吓個招牌鍋啦👻呢個鍋裏面真係超多嘢食🤘🏻豬紅 大腸 菜 肥牛呢啲索湯食真係好好味👍🏻👍🏻湯底嘅肉味夠 味道甜 辣辣地又過癮😬最驚喜居然係有臭豆腐😱平時食臭豆腐多數都係炸 喺街邊魚蛋檔度買😋估唔到用灼熟佢黎食都正😆臭豆腐幾入味 夠臭😂.P小姐個蕃茄湯味道好濃郁🤤佢冇要到飯 要咗粉絲😀好煙韌 掛湯力一流🥰餸就大同小異餐廳提供左豆瓣醬 沙茶醬 辣椒油 豉油 蒜蓉俾食客調味😍仲推介左用最佳比例: 3匙豆瓣醬/沙茶醬+2匙豉油+1匙蒜蓉就可以調製到最美味嘅食法👏🏻果然同餸既味道真係夾🤗價錢偏平 值得一試✅

呢日約左朋友仔見下面食個lunch,想食d特別野搵到呢間台式火鍋店,可以一人一鍋打下邊爐🥘$88蚊可以揀一個鍋+飯/粉絲,仲有杯飲品🥤個人覺得性價比幾高👍🏻😉而且冇限時,可以慢慢食下野傾計呢度有8款鍋可以揀,有招牌臭臭鍋♨️臭豆腐嘅粉絲一定要試下呢次仲有款沙茶牛肉回歸平時打邊爐最愛落沙茶醬嘅我當然揀沙茶牛肉啦朋友就揀蕃茄豚肉🐷唔駛10分鐘,兩個鍋已上枱,用料豐富好吸引沙茶牛肉鍋味道濃郁,🐮牛肉份量都幾多同好有牛味仲有牛丸,花枝丸,好彈牙～金針菇,蕃茄等等配料炸枝竹同粉絲吸晒沙茶味,一啖食落去真係好鬼正比較特別嘅有米血糕,第一次食,唔係想像中嘅濃味仲有心型魚豆腐,好可愛☺️🍅蕃茄白豚鍋味道就相對溫和,係開胃之選👍🏻白豚肉同樣多而嫩滑配菜就比較多蔬菜類特別嘅有木耳,蓮藕,椎山,仲有好甜嘅粟米其餘嘅配料都好入味白飯係平時一碗嘅份量,食晒個鍋同白飯對女仔黎講,應該都已經幾飽下🤤套餐包埋飲品,有兩款揀試左茉香綠茶🍵味道比想像中仲要好個人幾鍾意,茶味濃香自然其實仲可以+$7轉$30蚊以下嘅其他飲品聽講台式奶茶☕️唔錯下次可以試下值得一提係店鋪幾夠冷氣夏天黎食火鍋完全冇問題😏

係openrice search到呢間台式一人一鍋，加上早排都有聽過呢間餐廳，所以就趁lunch平平地走去試下！餐廳係銅鑼灣廣場後面，屬於後街，不過鋪面算大，唔難搵餐廳好貼心，門口放咗出租充電器，唔洗怕食食下無手機用🤣放係牆上嘅係呢間餐廳係世界各地分店嘅相，作為裝飾，別出心裁！一人一鍋嚟講，呢間款式都算多，務求個個食客都揀得落手我同朋友12點半去到餐廳，唔洗排隊，仲有得任揀位坐☺️我地叫咗一個招牌臭臭鍋同蕃茄白豚鍋餐廳無咩人，飲品好快就上咗，個人偏好茉莉綠茶，因為泡沫紅茶過甜等咗10分鐘之後，見個鍋仲未到，心諗 ‘陣間唔係仲要慢慢等佢滾先有得食呀？咁未餓死...’再10分鐘後，個鍋終於上枱，見到佢出曬煙，即刻覺得啱啱等咁耐都係情有可原！蕃茄白豚鍋湯底偏甜，每款配料唔止得一件，當中有爽口淮山，雲耳，估唔到打邊爐都可以咁養生☺️臭臭鍋一上枱就有陣好香嘅臭味(你明的😏)，豆腐有啲臭，有鴨血，成件事好台式！不過食到一半個火就熄咗，如果個火可以燒耐啲，食耐啲就完美啦！

臭臭鍋係台北灣引入香港嘅，感覺好新鮮所以要黎試吓啦！佢有尖沙咀店同銅鑼灣店， 而我呢就去咗銅鑼灣店！佢個環境好舒服架，位置都好闊落！坐得好舒服！加上佢店內有台式飲品可以叫，非常好！同埋唔好睇佢好似一鍋嘢好少咁，我同朋友兩個一人叫咗一鍋加小食，點知最後食唔晒！———————-招牌臭臭鍋——————其實臭臭鍋臭唔臭架呢？呢樣野就見仁見智啦，因為佢個味道好似臭豆腐咁，有人好鍾意， 亦有人覺得臭！一邊食就一邊覺得自己食緊不同食物嘅臭豆腐味！好得意！鍾意是新鮮野嘅人，真係需要一試！———————-蕃茄白豚鍋——————-雖然呢個鍋唔係招牌菜，但係我個人覺得好好食！ 因為佢個番茄湯底好濃！其他餸都好入味唔需要再點任何調味料！佢除咗白豚肉之外，其他都係素食嚟㗎！我好鍾意食菜所以覺得好好食，好啱我心意！————————炸花枝丸——————-等左一陣先到證明係真係新鮮炸嘅，佢嘅花枝丸精華係墨魚丸呀，都幾新鮮好有墨魚味同埋咬到有啲墨魚粒係中間！唔錯🤤總結：食臭臭鍋果然係唔錯嘅選擇，環境舒服慢慢坐慢慢食，味道唔差，一人一鍋份量啱啱好！