馬拉公公

营业中

休息中

老公帶我屯門新墟附近搵食， 好多好味既小食都係係一d大商場內。 （5⭐️最高） 黑醬撈油麵配鮮蝦雲吞$43（5⭐️）雲吞爽口彈牙， 又足料🥰， 黑醬撈麪好新穎， 又好味。 份量夠一位男士。 配有生菜及蛋😋。 好滿足👍🏻檳城白咖喱配牛肋條（含牛腩）$52 （5⭐️）好有馬來西拉風味， 因為叫了少辣。 所以味道無甘出， 如果正常辣度會好好多👍🏻。 有椰香味道， 牛肋條及牛腩煮得好諗， 好入味。 好正👍🏻👍🏻🍹飲品黑糖涼粉西米冰（5⭐️）配搭好特別同新穎， 中粒西米飲， 飲落好飲珍珠。 涼西有黑糖好match ❤️, 又唔會太甜👍🏻薏米水（5⭐️）去濕好幫手，成日係冷氣房工作， 必選。 清清淡淡的， 加埋檸檬就一流。

屯門一帶雖然美食都算多，但係馬拉嘢食就唔係十分常見。今次黎到屯門新墟一帶既gogo mall搵食，間野叫馬拉公公。呢間餐廳位於商場入邊嘅food court裡面，周圍嘅環境都算舒適乾淨，不過有個唔好處就係點餐要自己取餐。諗唔到食乜好問問店員推介，就叫咗個咖喱雞配白飯，同埋檳城福建蝦麵。兩個菜式既賣相都靚，首先試咗個咖喱雞，望落好似細細兜，但食落都幾多料，咖喱汁夠香辣同濃郁，啲雞啖啖肉，同埋薯仔有夠粉同入味；蝦麵又有相當濃郁嘅馬拉風味，湯嘅辣味同咖喱汁嘅立美截然不同，相比起咖喱汁辣一點，而入口時會食到濃濃嘅蝦湯味。另外加配左兩杯野飲，桔仔話梅冰同凍薏米水，兩杯飲野各有不同，桔仔同話梅既配搭非常醒胃，飲完仲可以食埋粒甜話梅；而薏米水都算係足料，味道清新甘甜，相比之下比起話梅冰清淡一點，而兩款野飲都同食品既辣非常配合。總括來講，自己其實都唔算係十分之食得辣嘅人，但呢間餐廳嘅辣都算易接受同入口，相比起辣味，我覺得辣椒嘅香味更突出，而價錢確實唔算貴，所以喺屯門新墟一帶，如果諗唔到食咩，又想食下馬拉嘢的話，馬拉公公都算係一個唔錯嘅選擇。

困住冇得飛，個種鬱悶相信大家都好有同感..一年必去一次馬拉嘅朋友話帶我搵檳城嘅味道..真係咁勁？朋友帶左我去呢間寫住檳城美食嘅「馬拉公公」係商場foodcourt入面，價錢公道，即管一試各點左一個餐！雖然用即棄容器，但份量都算大方好食得辣嘅朋友點左呢碗紅卜卜，滿晒料嘅Hokkien蝦麵呢碗滲滲就係油麵溝米線啲馬拉回憶返緊黎料有：大片豬腩、蝦、豆卜、半粒蛋..麵唔會淋身，有啲咬口，豆卜吸晒啲湯，入口爆汁好滿足！因為佢嘅湯真係抵讚，辣味夠勁，但絕對唔會蓋過濃濃嘅蝦味！朋友估店主係用蝦頭熬湯! 下次返去問下店主係咪先(翻啅指數高)我就點左份Nasi lemak! 加炸小雞脾椰漿飯好香~~畢啖飯，加啲花生魚仔，再加啲正宗馬拉辣醬，nom nom nom認真滿足。炸脾仔熱辣辣唔會話好似擺左好耐咁..food court有咁嘅standard..其實我真係好感動幾啖飯，啜啖凍Milo...哇..夫復何求朋友杯薏米水都好正，清清地，唔會一味辣落去，成個set好滿意講真，掛住馬拉嘅你，一定要黎..(老闆娘話佢真係馬拉人，啲食材真係黎自馬拉..掂啦)