影片
更多
2021-10-05
285 浏览
📍新康記菜館📮長洲北社海傍道11A號地舖.10/1放假, 襯難得既long weekend來一個family day, 帶齊一家大細, 一行7人一齊出發來一個mini trip, 近近地去長洲行下食下野🤟🏻.晏就由中環出發, 原本既船期滿左, 好彩船公司早有準備, 加班船5分鐘後已經ready🙃入到長洲人山人海, 好彩細佬女朋友一早做好左資料蒐集, 搵左一間性價比超高既餐廳, 等我地唔需要擔心晚餐既安排.周圍行左半日大家有啲攰, 決定早少少去食晚飯, 6點左右就去到餐廳報到, 好彩室內仲有位置, 一家大細去既話最好事先book定枱, 咁就唔怕無位坐啦😙.餐廳主打海鮮同小菜, 仲有烤魚食添🐟本身一心諗住黎食海鮮既我地, 點知俾隔離枱盤香噴噴既烤魚吸引左, 忍唔著叫左黎試下.麻辣豬耳 HKD32手拍青瓜 HKD28大家爭論緊食咩好既時候, 我搶先叫左2個小食, 等大家可以邊食邊睇menu😌青瓜充滿蒜頭香味新鮮爽脆, 麻辣豬耳少辣爽口惹味, 價錢仲要好抵食任選3款海鮮/小菜 HKD488蒜香銀絲蒸扇貝, 蒜香銀絲蒸蟶子, 薑蔥炒蟹黎得呢度識揀當然揀海鮮啦🤫HKD488呢個係大portion既
📮長洲北社海傍道11A號地舖
.
10/1放假, 襯難得既long weekend來一個family day, 帶齊一家大細, 一行7人一齊出發來一個mini trip, 近近地去長洲行下食下野🤟🏻
.
晏就由中環出發, 原本既船期滿左, 好彩船公司早有準備, 加班船5分鐘後已經ready🙃入到長洲人山人海, 好彩細佬女朋友一早做好左資料蒐集, 搵左一間性價比超高既餐廳, 等我地唔需要擔心晚餐既安排
.
周圍行左半日大家有啲攰, 決定早少少去食晚飯, 6點左右就去到餐廳報到, 好彩室內仲有位置, 一家大細去既話最好事先book定枱, 咁就唔怕無位坐啦😙
.
餐廳主打海鮮同小菜, 仲有烤魚食添🐟本身一心諗住黎食海鮮既我地, 點知俾隔離枱盤香噴噴既烤魚吸引左, 忍唔著叫左黎試下
.
麻辣豬耳 HKD32
手拍青瓜 HKD28
大家爭論緊食咩好既時候, 我搶先叫左2個小食, 等大家可以邊食邊睇menu😌青瓜充滿蒜頭香味新鮮爽脆, 麻辣豬耳少辣爽口惹味, 價錢仲要好抵食
麻辣豬耳
$32
5 浏览
0 赞好
0 留言
任選3款海鮮/小菜 HKD488
蒜香銀絲蒸扇貝, 蒜香銀絲蒸蟶子, 薑蔥炒蟹
黎得呢度識揀當然揀海鮮啦🤫HKD488呢個係大portion既套餐, 係餐廳既姨姨見我地人多推介我地試😈另外仲有HKD168包2款, HKD258包3款, HKD338包4款, HKD408包5款海鮮既套餐, 岩晒拍拖入長洲又想食海鮮既小情侶😉
食物續一送上, 碟碟都熱辣辣大大碟😳蒸炒煮炸炆燉焗咁多款烹調方法之中, 以蒸最能體現海鮮最原始嘅味道🤞🏻扇貝中size味道鮮甜, 蟶子相比之下細隻少少, 配搭蒜蓉粉絲同餐廳秘製豉油完全將海鮮既鮮味昇華, 可能平時喜歡僅僅熟既海鮮, 唯一略嫌蒸煮時間耐左少少🤨食完2款蒸海鮮, 惹味既薑蔥炒蟹就到喇, 一放低已經嗅到好香既薑蔥味, 蟹肉鮮甜薑蔥辛辣, 2者平衡得好好, 我地仲好好彩其中一隻蟹有膏添🤭
蒜香銀絲蒸扇貝
15 浏览
0 赞好
0 留言
蒜香銀絲蒸蟶子
13 浏览
0 赞好
0 留言
薑蔥炒蟹
10 浏览
0 赞好
0 留言
原條烤魚 原條江團魚 HKD358
因為同行有老人家, 今次只係叫香辣BB辣, 誰不知呢度既BB辣都唔係講笑, 全盤烤魚都紅卜卜😦湯一滾起, 大家都急不及待要試下條魚, 江團魚事先炸過, 食落魚皮好香口魚肉鮮嫩, 而且係滾既過程中湯汁滲晒入魚肉入面, 令魚肉再多一份香辣, 大家極速KO晒成條魚😆另外烤魚附送4款自選配菜, 我地揀咗索味4寶, 豆卜, 冬瓜, 娃娃菜, 紫洋蔥, 每樣都吸收晒湯既精華, 辣得黎好過癮, 最後仲忍唔住添加左一份鴨血同娃娃菜
原條江團魚
$358
9 浏览
0 赞好
0 留言
椒鹽白飯魚
食烤魚之餘再叫多個椒鹽白飯魚, 呢樣菜式係屋企比較難整, 出到黎當然要叫黎食下😏果然無令我地失望, 炸粉好簿身, 椒鹽平均佈滿係魚身, 飲啤酒食白飯魚一流
椒鹽白飯魚
15 浏览
0 赞好
0 留言
蒜蓉牛仔骨
遠遠已經嗅到好有鑊氣, 牛仔骨用蒜蓉醃過, 吸收左蒜蓉既香味, 食落好淋好入味, 配洋蔥三色椒炒起好惹味😋
蒜蓉牛仔骨
7 浏览
0 赞好
0 留言
肉絲炒麵 HKD68
唔想食飯食肉絲炒麵就最好不過, 麵底炸到好香脆, 拌埋肉絲既汁料, 食落層次分明😗
肉絲炒麵
$68
16 浏览
0 赞好
0 留言
.
愈晏愈多人, 建議大家早啲黎到早啲落order先, 因為到晚市7:30-8點最旺場果陣, 店員同廚師都忙到氹氹轉🤠早啲食完仲可以食埋個芒果糯米糍先搭船走
.
整體環境：👍🏻👍🏻👍🏻👍🏻
食物味道：🤤🤤🤤🤤
服務態度：🕺🏼🕺🏼🕺🏼🕺🏼
物超所值：💰💰💰💰
回頭基率：💨💨💨💨
.
#nonstopeatingdiaryseafood
#nonstopeatingdiary海鮮
#nonstopeatingdiarycheungchau
#nonstopeatingdiary長洲
张贴
