三一餃子 (利源西街)

营业中

休息中

平時喺youtube成日見到人介紹呢間餃子舖 而且間舖中午時間都要得20分鐘左右先入到 所以今次就避開人潮 夜晚先去食 睇下係咪真係咁物美價廉 ✨️薑蔥豬肉餃 (套餐餃子+主食) $58餃子嘅薑味就唔算重 蔥同肉嘅份量一比一左右 餃子餡唔算話好飽滿 肉汁都唔算多 蔥味幫餃子提升味道嘅層次 而煎餃個底有層脆皮 令到餃子嘅口感豐富好多🥟 ✨️豆漿蝦皮湯米線 跟餐豆漿蝦皮湯底偏清淡 有少少豆味同食到啲浸諗晒啲蝦皮幫手提鮮 米線清清淡啖中和煎餃嘅油膩 係唔錯嘅選擇 不過就無啲評論講到咁驚豔🫣 同埋米線份量加餃子對於男士嚟講真係未必夠 大概要追加小食/出去買bubble tea先夠 🤪✨️蒜芯豬肉餃 (套餐餃子+主食+小食) $68雖然呢款餃子一樣有餡料同肉汁唔夠飽滿嘅問題 不過蒜芯加落餃子嘅配搭幾特別 蒜芯好清甜爽脆 令餃子多咗嘅蒜芯嘅清香 係會令人想食多幾舊 😋✨️餃子雞翼 跟餐另加$24店家將雞中翼辣份去骨 再塞豬肉餡入去 餃子雞翼漲卜卜🐣 雞翼似係即煮嘅 雞翼外皮微脆 內裏嫩而有肉汁 有啖啖肉嘅滿足感 個人認為整得比餃子優秀😋 ✨️樽裝豆漿 跟餐 +$7 總結：喺中環開一間平價餃子小店係好值得ap

𝑫𝒖𝒎𝒑𝒍𝒊𝒏𝒈𝒔 𝑻𝒊𝒎𝒆🥟.三一餃子係一個香港本土品牌嘅餃子💛除咗有門市之外 佢地仲有六款盒裝急凍餃子🧊餃子款式都幾特別同創近 所以一次過試晒咁多款🙌🏻.📌黑白松露豬肉餃 $56個人好鍾意食松露🖤唔係講笑呢到嘅餃子松露味真係幾香 👍🏻望落唔太多黑松露 我諗應該係加咗松露油😌豬肉餡唔係好juicy嗰啲 似係肉餅嘅口感🧐所以煎完出嚟食落會比較乾🙈但係反而咁會冇咗平時煎餃嘅油膩感😎.📌芫茜豬肉餃 $52最近好興芫茜🌱我自己平時就好少食 不過都略嫌佢個味唔係好濃🤪茜控可能會失望 但唔鍾意茜嘅朋友都可以挑戰吓😆.📌蒜芯豬肉餃 $49呢個配搭幾特別 好啱而家夏天食🌞佢個蒜味唔係平時嗰啲蒜蓉臭味 而係帶少少甜嘅辛辣味🥰.📌薑蔥豬肉餃 $47呢款好香口 蔥味幾香 不過薑嘅辛辣味唔夠👀個味唔知點解有少少似平時最普通嘅椰菜豬肉餃🤣.📌韭菜蝦皮豬肉餃 $49佢同普通韭菜餃唔同 佢仲加咗蝦皮 食落真係有陣蝦乾嘅味道🦐係幾特別 不過都係鍾意就咁韭菜餃多啲😝.📌粟米豬肉餃 $47粟米加豬肉雖然好普通 但係我覺得呢款好正😍因為佢入面有好多粟米粒 食落好清甜 🌽