EFG Eat for Green (已結業)

呢間餐廳係以均衡飲食為靈感 💭除左肉食,甜品 仲有唔少素食 肉素食者食飯都冇問題💚不過雖然話主打健康 但整體食物略嫌有啲重口味同油膩🙈.📌海膽蟹籽燴飯配香煎帆立貝 $138咁啱見到有期間限定 即刻嗌咗‼️大大隻香煎帆立貝 裙邊爽口 帶子就過熟 較煙韌唔軟嫩🦪海膽好加分 唔只個面有 飯入面都有 鮮甜甘香 冇太重腥苦味🧡燴飯好creamy 飯粒軟糯 每粒都裹滿酸酸甜甜嘅醬汁 加埋粒粒蟹籽同車厘茄 唔錯😚.📌素食全日早餐 $108呢到提供嘅素食種類都多 平時都有食開齋 炸素魚柳冇估錯應該係OMNI嘅 外層炸皮香脆 咬落軟淋得嚟帶點粒粒煙韌 甜甜地 口感味道幾好 但就好油🐟炸豆腐係素日式揚豆腐 好彈牙 入面仲有啲蔬菜粒 睇落好似炸到過晒火好黑 但食落冇焦苦味 乾身唔油膩😋兩片麵包微微烘過 邊邊脆內裏軟熟 不過就偏乾🥖大啡菇都幾juicy 但唔夠厚肉🍄蕃茄燒過 好多汁 酸酸甜甜🍅炒蛋唔係cafe嗰啲滑蛋 係茶餐廳重油味唔係蛋奶香嗰種🍳沙律菜同乳酪正常發揮🥗.📌薯條 $35份量勁多 滿滿一兜 炸得好脆 同M記個味一樣 加鹽嚟撈🍟但係落得太多 好鹹🧂.📌泰奶麵包布甸 $62配泰式奶茶又幾特別 分開上

💚🧡💜估唔到素素都咁好食🥬前排食得太heavy，想搵𝗚𝗿𝗲𝗲𝗻啲嘅餐廳🍃以往對素食印象都係普普通通，dry dry哋🤣直至遇到依間餐廳，完全對素素改觀😛🧡芝士IMPOSSIBLE 漢堡🧡 $118多芝士嘅漢堡包就係好嘅漢堡包🧀漢堡內有蕃茄、菜菜、植物牛肉漢堡🥬雖然係素牛肉，但肉質實在，仲鮮嫩多汁！🍔💛薯條💛 +$15薯條係即叫即炸，金黃酥脆🍟💚牛油果素豬肉闊條麵💚 $108原本係素雞肉，不過餐廳賣晒😳改咗素豬肉✨素豬肉都好juicy，搭配牛油果🥑每一啖闊條麵都係細膩無比🤤牛油果份量好足，軟滑口感好實在🥑🤎炸素雞髀🤎 $35一份有4隻✨雖然係素肉，但不得不讚佢肉質嫩滑🤤多汁可口，沾少少泰式辣醬食更滋味！💜薰衣草洋甘菊蜂蜜茶💜 $35飲品嘅價錢都唔貴，就連花茶系列都只係$35🌸薰衣草、洋甘菊味好香，仲有甜甜蜂蜜味道🥰飲完安神又好瞓！餐廳位於駱駝漆大廈，平時真係好少上去搵嘢食🤣多數都係上去買嘢行吓，今次意外發現依間主推素食餐單嘅café ，先知道佢臥虎藏龍🤪確實唔錯！BTW記得save post，方便向店員查詢有關菜式啦❣️📍EFG Eat for Green📍觀塘開源道60號駱駝漆大廈3座3

駱駝漆大廈入面好多餐廳，間間都係臥虎藏龍，其中一間主打健康素食，就係EFG Eat For Green☘️Eat For Green顧名思義即係要食得健康。餐廳貼心咁喺餐單嘅每一道菜色旁邊加上不同圖案，圖案代表蛋、奶、五辛、堅果同純素。- 牛肝菌雜菌闊條麵每次去素食餐廳一定會叫呢個菜式，EFG嘅牛肝菌闊條麵完全無令我失望，菇味非常非常香濃😝，闊條麵軟硬程度適中，每一啖意粉都沾滿牛肝菌醬汁，非常健康惹味。- 炸薯條薯條即叫即炸，比起其他餐廳薯條，金黃色外皮下多左一份酥脆口感，入面嘅薯仔非常軟綿，調味亦啱啱好。- 鰻魚滑蛋包呢個size同我腳板差唔多大😮，麵包方面餐廳用咗Ciabatta，即係俗稱嘅拖鞋包，皮脆軟心。肥美鰻魚同蛋香十足既滑蛋呢個配搭堪稱一絕，加上生菜絲、紫菜同木魚可以增加口感。估唔到鰻魚滑蛋飯之外，鰻魚滑蛋夾麵包包一樣咁好食😋- 朱古力蛋糕上菜時候職員會用火槍輕輕燒一燒忌廉表層。朱古力蛋糕係布朗尼，口感比較濕潤，而且都幾大件，兩個人share就啱啱好。飲品方面，我哋叫咗荔枝烏龍同菠蘿蜜桃梳打，每杯價錢大約$30左右，非常抵飲🤩我平時我係一個食肉獸，幾乎無肉不歡。不過今次叫嘅菜