MOS Burger (已結業)

呢一日放左學之後，走左過黎呢度食野。本來想食三週年漢堡，但一早賣哂。所以就食呢個，因為味道都唔錯架。黑醋雞漢堡個份量好似小左，不過味道依然唔錯。我好鍾意個醋酸酸地好開胃，個雞扒都唔錯，肉質唔會鞋口。已經算唔錯啦。薯條係粗切薯條，薯味好夠。除左加茄汁之外，仲可以加辣椒醬。係好惹味架，不過要加兩蚊。凍綠茶鮮奶雖然要加五蚊，不過都好值。綠茶味好夠，之間仲有陣奶味。味道好清新。但而家為左保持個質素，無得叫小冰、小奶等既要求。因為咁會影響個飲品既味道。唔算太貴既一餐，呢間又坐得算舒服，黎得過既。

今日同家姐行開朗豪坊,見肚餓就去左MOS醫肚喇 我就叫左一個元氣漢堡+脆雞+汽水個包都幾大個下,要擘到個口最大先咬到成個包 D千島醬同塊牛肉好夾,舊番茄又唔會好大陣個D好生個D味(因為我唔係咁鐘意食生番茄 )舊脆雞熱辣辣,加埋佢D沙津醬,一個字正 我家姐就要左個脆雞包,佢話呢個包都幾好食 薯條好食過另一間又係M字頭快餐店 因為佢好粗同埋好有薯仔味,外脆內軟,仲條條都熱辣辣,仲唔小心比佢辣到個咀TIM