南小館Plus (已結業)

朋友想吃上海菜就訂了枱，七時入席已經坐無虛席，出面仲有好多人等候。內裡環境較嘈雜，不太適合長談傾心。既然來到上海餐館就先試個菜肉餛飩湯，菜底夠清甜，沒有過咸可以整碗喝下，而餛飩就十分普通，不過皮厚度剛剛好，不會食落成口粉。薺菜炒年糕也是一般般，年糕口感太淋，多彈牙點會更佳，薺菜味唔突出，主要吃到咸味。翡翠水晶蒸餃就比較出色，餃皮夠薄，而且鮮肉味重，咬落咇出肉汁！鹹肉菜炒飯都好好食，好開胃，鹹香味四溢，而且炒飯粒粒分明，加上菜幹砌粒好有口感！總括來說，其實食物係水準以上小小，但用料十分寒酸，份量都不夠。

同屋企人行行吓想食上海菜走咗去Haysan食南小館。今次係第二次嚟呢間，試咗新嘅 "薯仔鳳尾蝦卷" $28 四粒價錢尚可接受，不過就炸得燶咗啲  放入口，陣燶味完全蓋過晒佢面頭啲醬汁同埋蝦嘅原味… 另外又叫咗 "洛神花紅蘋果" 做甜品，好有心思將團黑糯米包咗喺煮淋嘅袪皮蘋果入面，好味亦唔貴 $28 一份。當然亦有叫返上次有食嘅 "薺菜炒年榚"，好似上次咁好味，不過比上次嚟食 縮水 細碟咗… 然後個小籠包都不過不失汁鮮肉嫩又抵食。小妹最鍾意都係佢哋啲茶，真係好好飲，不過上次問過職員係冇得購買。