影片
更多
2014-05-31
3752 浏览
同屋企人行行吓想食上海菜走咗去Haysan食南小馆。今次系第二次嚟呢间，试咗新嘅 "薯仔凤尾虾卷" $28 四粒价钱尚可接受，不过就炸得㶶咗啲 放入口，阵㶶味完全盖过晒佢面头啲酱汁同埋虾嘅原味… 另外又叫咗 "洛神花红苹果" 做甜品，好有心思将团黑糯米包咗喺煮淋嘅袪皮苹果入面，好味亦唔贵 $28 一份。当然亦有叫返上次有食嘅 "荠菜炒年榚"，好似上次咁好味，不过比上次嚟食 缩水 细碟咗… 然后个小笼包都不过不失汁鲜肉嫩又抵食。小妹最钟意都系佢哋啲茶，真系好好饮，不过上次问过职员系冇得购买。
当然亦有叫返上次有食嘅 "荠菜炒年榚"，好似上次咁好味，不过比上次嚟食 缩水 细碟咗… 然后个小笼包都不过不失汁鲜肉嫩又抵食。
小妹最钟意都系佢哋啲茶，真系好好饮，不过上次问过职员系冇得购买。
题外话/补充资料：
见住啲侍应忙到甩晒辘真系想叫多碟菜都唔好意思。我记得一坐抵同我哋落单嘅侍应好阴公地系气喘喘，兼且系匆匆的来匆匆的赶住去第二枱帮手。然后，有啲好笑系我哋成张单前菜，主菜或炒菜都未到，甜品竟然第一时间放喺我面前… 我谂呢间铺认真要请多啲人返工喇！
(以上食记乃用户个人意见 , 并不代表OpenRice之观点。)
张贴
