BnR (已結業)

藥膳花膠雞淮生麵🐔麵條彈牙有咬口有兩大塊花膠雞肉煮得剛好 鮮味十足湯底藥材味都幾重 飲落感覺暖胃 冬天好岩食花膠釀魷魚筒淮生麵🦑喺魷魚仔個頭入面釀左啲魚肉入去更加有口感呢個湯底就清啲 唔會油膩 好健康炸墨魚卷🦑墨魚卷外皮炸得酥脆裡面鮮甜彈牙 可以一試佢哋嘅冷泡菊花蜜同冷泡茶大麥都好清爽解渴令人食完嘢之後飲返幾啖 感覺舒服佢嘅裝修雖然簡樸但係帶有一種清新嘅氛圍好適合好似我呢啲追求健康同放鬆嘅打工仔嚟享受下個lunch

望落去好似Cafe,但其實主要係食養生麵食~覺得幾搞笑就同男朋友入左去食🤭藥膳花膠雞淮山麵(HK$82)第一次食淮山麵, 質感係我鍾意既幼身爽口質感~有兩塊爽口既花膠🐟胡椒豬肚釀魷魚筒米線(HK$76)湯底可以再辣多少少, 但個魷魚筒覺得好滿足~滿滿既墨魚膠🦑另外仲叫左個炸雞翼~ 即叫即炸 熱辣辣~係合格既雞翼👍👍除左以上兩樣基本款既湯底, 佢仲有冬蔭公湯同比較少有既五指毛桃湯底🧐 男朋友話搵日再黎試佢個海南雞飯😂

🕖時段-星期三夜晚平日夜晚唔算多人 坐左一半枱左右_▫️炸蜜瓜奶 $48炸鮮奶就見得多 今次係第一次見到炸蜜瓜奶呢個配搭 即刻試試佢🍈 個蜜瓜奶係維他紙包蜜瓜奶個隻味😂好香同夠甜 炸完外層酥脆 唔錯！_▫️藥膳花膠雞淮山麵 $82養生人士見到藥膳花膠雞就即刻揀好😎個湯都幾鮮甜 同埋份量好大份 碗麵入面有條油炸鬼 本身有少少嚴佢油膩 但食落又幾夾幾好味😌_▫️魚湯手工韮菜餃 (8隻) $56鱼湯好濃 對放鐘意清淡淡既我來講如果直接飲有少少咸🤏🏻 但如果伴住餃子上又ok 湯餃子唔洗點醬油韮菜分量都幾滿 加埋豬肉餡味道😋😋 如果皮更薄就更好

呢間餐廳一出荃灣廣埸過條馬路就到，勁方便。入面裝修唔似一般米線店，走簡約休閒風格，絕對坐得舒服。波波雞飯 $65★★★★☆雞飯整到波波狀真係好得意，成個賣相好特別，唔好睇少個4粒波，大大粒份量好足。雞飯每舊都係新鮮搓成熱辣辣，上枱仲冒住煙。雞飯軟硬剛好，食落有啲香茅香料雞油香，唔會淡某芋某。雞件用黃油雞，雞皮幾爽，就算雞胸位食落都唔算好茶口。最精髓係佢個醬汁，用左洋蔥炸香完去煮，食落甜甜地帶啲洋蔥香，撈飯點雞都一流！藥膳花膠雞淮山麵 $82★★★★☆個湯底有藥材味，加左紅棗、杞子等，飲落幾清甜，配落幼細爽口嘅淮山麵都幾襯。冇咩味精，飲左好多湯都唔見有口渴。花膠都有兩舊，爽滑冇腥味。雞肉好多舊配埋個湯都幾唔錯。另外仲有條細嘅油炸鬼，點湯食一流！整體好順口唔會太藥材味令到人卻步。炸墨魚卷 $42★★★★☆墨魚卷外面用腐竹包裹住，炸完之後勁香脆，入面墨魚卷夠彈牙有咬口，有墨魚肉，唔會正係粉漿，點埋個泰式辣醬，正。鍾意食香口野必點。🌟總括：湯底冇味精幾健康，雞飯賣相特別，整體味道唔錯，經過荃灣可以一試。