獨 ‧ 火鍋撚 (已結業)

真係好耐冇打過邊爐啦，見到呢一間難得做緊一人一鍋又係同路人開嘅店舖，即刻衝呀喂🤤坐位唔多，三十幾個左右，我地去個日800幾滿哂🙈·我哋叫咗一個牛肉鍋（蘭）、一個豬肉鍋（梅），除左指定肉之外仲包左雞肉同其他非肉類配料。湯底就分別配左台灣古早味沙嗲麻辣湯底同蜂蜜豆腐白湯鍋。另外再追加左個墨魚滑～🤤·首先要讚一讚佢嘅配套都算唔錯，除咗疫情期間用返即棄嘅餐具之外，仲送咗個開嚟放口罩嗰啲膠片套，座位與座位之間用咗成一米嘅膠板隔住。食得都幾放心·其次就係佢個火鍋爐幾靚下，係中國古代風～不過傳熱就轉得好快小心辣到手～🤭·台灣古早味沙嗲麻辣湯底不過不失，係好濃既沙嗲湯撈麻辣，我自己認為兩者二揀一會好啲🤫～蜂蜜豆腐白湯鍋就必叫！好似有半條人參咁，清甜得黎仲有啲惹味既胡椒，當湯飲左好幾次🥳！！·食物質素方面，肉類質素唔錯，舊雞肉滑到不得了🥳🤩！追加嘅黑松露墨魚滑果然好重黑松露味！不過份量就唔算多～·網上有食評話份量唔多，唔算夠飽～但係可能我飲咗好幾碗湯，再加埋湯薯粉，我覺得超飽哈哈哈🤣🤣·整體來講，我覺得都值得一試～個湯都回本喇！！😗-梅｜$118蘭｜$158-獨 ‧ 火鍋撚 (旺角)旺角白布街2-24號

🥢旺角 $118 起一人一爐獨食火鍋黃店🥢由於呢個情況搞到個個都唔出街食飯，又唔打邊爐，對我呢個無時無刻都想打邊爐的邊爐控真係好難過，最終又俾我搵到間可以一人一爐的火鍋店🥢餐廳是開放式設計，感覺開揚令空氣更流通，但由於坐位不多，兩位人士需要面對面同唔識的人打對面坐，但不需擔心，因為店家準備了透明擋板分隔開，仲有坐低時會逐位探熱，所以都幾衛生🥢梅 $118 ,蘭 $158 (價錢全包免加一）餐廳提供三款套餐跟飲品，共有六餸一粉麵，分別可以放在特別設計的三層架上，夠慳位，四款湯底選擇了台式古早味沙嗲麻辣鍋，及祖傳秘製麻辣鍋，兩款湯底都好香濃而且好夠香味,重點幾搞笑個鍋設計有隻猴子好得意🥢滑雞片出奇地好食，雞肉好滑又軟熟，煮耐左都係滑既🥢豚肉牛肉都好好食，跟餐份量唔多，鐘意的可以散叫再加🥢粉麵類有四款選擇，麻辣湯我最鐘意配紅薯寛粉，索曬湯吸味正，除此之外仲有烏冬，粉絲，出前一丁選擇，本身就咁睇以為會唔夠飽，食埋個烏冬都原來足夠飽的🥢最鐘意呢到一人一爐夠曬衛生，可以滿足到我呢個無時無刻都想打邊爐的我，可以自私食，地點都幾方便，不過平時都幾爆場下，如果有興趣的朋友

又到了寒冷的冬季，係時候圍爐已坐。一個人的浪漫你懂嗎？一個人都可以打邊爐，仲可以好抵食又飽肚仲相當多選擇·重點免收加一·醬料，食物相比大型火鍋店更見美味又出色。「 獨 ‧ 火鍋撚 」位於旺角白布街附近以獨個兒都可以成為火鍋發燒友。對於365日都可以打邊爐的我，簡直是福音。以為一個人可能吃頹食真係非也。「撚手火鍋·壹人壹鍋」的確有如其名，能夠獨‧火鍋撚秉承《火鍋撚 》的宗旨，嚴選優質優質食材，滋味湯底更見創新。《獨‧火鍋撚》以平價《火鍋撚》，暫時有三款火鍋套餐，讓大家以相對相宜的價錢，享用到與《火鍋撚》同質素的優質湯底及美食。一行四人打邊爐，一人一鍋 四款湯底 選擇包括：沙嗲麻辣鍋、秘製麻辣鍋、蜂巢豆腐白湯鍋、滋補老火湯鍋。當大家研究 三款火鍋套餐 梅、蘭、菊究竟是什麼？原來是以 極品黑豚肉、極品安格斯肥牛、海鮮 三種所劃分，三者除了有火鍋配料之外更包主食麵類及飲品。最特別是 #醬料 有多款選擇都是免費，店內亦免收加一，相當抵食。前兩者以麻辣及沙嗲為主，有大、中、小辣，其中沙嗲是全新湯底，湯底辣得過癮並不搶喉，配合其他食材愈食愈惹味。另一款秘製麻辣鍋帶有麻香而且辣的口味得宜，愈食愈滋味。