第一腸粉專賣店

营业中

休息中

成日經過太子都見到呢一間小店，雖然間中都會有衝動想試一試，睇下係唔係真係咁巴閉，叫自己做「第一」woo，不過一直都未有機會，不過今日終於機會黎喇飛雲，在太子得20分鐘食少少野，決定入去試下佢個「第一」堅唔堅先。我一共叫了兩樣野，分別係蘿蔔糕同埋腸粉，腸粉款式有好多，喺選擇困難症之下最後揀了佢嘅招牌腸粉。睇到我個標題的人都應該估到我覺得佢個腸粉好唔好食。老老實實，其實唔係唔好食，不過叫得做「第一」的「招牌」就似乎真係要拆招牌。不過幸好個蘿蔔糕真係有驚喜，蘿蔔味足，加上少少蝦米，唔錯。

早收工同妹妹食晚飯，睇到介紹講呢間腸粉店我同妹妹都想試一試🤗店面幾乾淨企理，價錢實惠。首先，一人叫左碗菜乾鴨腎豬骨粥～粥底夠綿，證明都幾有火候，菜乾當然地同鴨腎好夾😌平時煲湯都會咁樣配搭。鴨腎碎上舖係面頭，幾易入口⋯整體味道岩岩好，唔需要再加調味料已經好夠👍🏻到主打”腸粉”喇～我地因爲想試多種口味叫左牛肉 拼 招牌 口味，佢雙拼係前後放不同材料咁樣，腸粉都真係皮薄餡靚，白雪雪滑嘟嘟牛肉腸粉不用多說，招牌腸粉內裡有肉碎同菜圃，有新鮮感！另外叫呢個蘿蔔糕～我同妹妹一致都覺得好鍾意❤️開頭一見到咁大舊都好驚食唔晒，最後我地清晒☺️☺️蘿蔔糕入面係有一條條蘿蔔絲，口感清爽，而且無一般蘿蔔糕厚重既感覺。呢個質感會比平時淋身，入口即溶，所以食多左都唔會膩，上面仲有d蝦米好香架😌叫呢幾樣都認為係有水準既會再幫襯，而且又抵食！

今天太忙，連午餐時間都無。兩點半，係太子上完課，要先醫肚才能繼續下午的工作，找東西吃，行行下去到第一腸粉店，見有下午茶，就入去坐底。點了腸粉配蘿蔔糕餐，要叉燒腸。蘿蔔糕先到，頗大件，夠熱，都食到蘿蔔絲，有蝦米，要求不高的可以接受。叉燒腸，粉皮很薄，又滑，叉燒算是上等貨色，夠瘦，分量也多，塞得滿滿的。以午餐來說，其實這兩樣已夠飽。$33,唔算好平，但呢個價錢，可能去連鎖快餐店都未必食到個飯。