九份•十分 (河畔花園) (已結業)

去完朋友家，晚飯時間朋友推介附近一間台式料理。餐廳面積佔地很廣，座位多，Menu選擇亦十分豐富，令人眼花撩亂！很久沒有吃過鴨舌，想不到這裏會有！鴨舌入味，還加了麻油，味道香濃惹味。一條一口，停不了的吃！ 紅燒拉麵份量不少，有雪菜粒及小棠菜作伴菜。牛肉厚身，脂肪比例平均，肉質入味腍滑。蚵仔煎跟蠔餅類似，但沒有豪餅那麼熱氣及煙韌一點。蚵仔新鮮大隻，粉漿不會過硬，Q軟有蛋香。雞扒超大塊，外皮酥香，鹹香撲鼻。雞肉肉質嫩滑，不會太過油膩。水果茶顏色繽紛，有蘋果、橙、熱情果等新鮮水果。水果茶亦加入話梅、檸檬，酸酸甜甜，清涼解渴。

上星期難得約到個好耐冇見既朋友，揀左呢間近佢屋企既台式餐廳。之前都有黎食過牛肉麵，味道濃郁，感覺幾正宗，今次決定豪少少食多啲當慶祝下。當然台式餐廳必叫既都係牛肉麵，今次改叫三寶，牛筋牛肉同牛肚都唔錯，而且味道仍然好正宗，湯底食得出八角茴香等香料味鹽酥雞係呢間餐廳既招牌菜，上次一個人黎冇機會食，呢度係即叫即炸，個皮非常酥脆，就咁食都好正，仲可以自行加六種唔同既味粉，個人最鍾意原味同香辣，食到一半仲可以加梅子或芝士轉下口味，而且份量都好多，絕對可以四個人share食。蚵仔煎都係台式必叫，呢度改左少少整法多左蛋既比例岩香港人口味，蚵仔好大隻同喺台灣食既差唔多，醬汁既濃度都岩岩好，值得試下。為左滿足大食既朋友仲叫左唔少小食：麻辣牛展夠麻少辣，牛展都好爽口；滷水拼盤（小）同牛肉麵既湯底一樣有香料味，而且款式多，無論係雞蛋雞翼雞腎或是豬大腸都好入味，份量睇落小啲，但兩個人都夠食。唯一覺得可惜係最後黎既醉小三，雖然有酒香但唔入味，唔算特別好食。不過成餐黎講真係最近食過最好食既台灣菜，就算係我個住過喺台灣既朋友都讚不絕口，如果我住近啲既應該都會變成飯堂。有機會試下佢地既鐵板餐同珍奶。

每次放工一有機會便會相約朋友吃飯，也會四處 搵食今天來到沙田圍附近尋找美食，因為我本身很喜歡吃台灣菜！所以一見到這間餐廳名為九份十分便立刻進去試一試進去後看得出來店內一些小細節和裝潢有台灣的地名有心思因為我們肚子很餓的關係，所以點了很多食物首先係巧克力奶茶，勁多珍珠又唔會太甜因為工作的關係一天到晚三餐也是出外吃飯，所以想睇一點纖維，便點了一份湯浸肉燥娃娃菜份量比我想像中多很多而肉燥又不會肥膩，配合清淡的娃娃菜味道剛好！而且因為常出外食的娃娃菜有時候會有農藥的味道但這個完全沒有很好之後就到我最愛的芒果軟殼蟹米紙卷 兩款也是我喜歡的食材軟殼蟹份量好多，表面加上芒汁及沙律醬，配搭帶點酸甜很開胃食台灣菜當然少不了台灣鹽酥雞（ 自選口味）超開心的因為可以自由落不同口味嘅調味粉當中有： 梅子、芝士、咖哩、原味、紫菜、香辣味 很豐富！還有朋友想吃的蚵仔煎分量都幾大食咗咁多嘢要飲番杯飲品，就點了暗黑系甜心即是oreo沙冰 一嚟到視覺上很震撼 oreo很多也不會太甜剛好最後還有一點點胃口，便點了這個我也很喜歡吃的 很多柴魚片在蛋捲上，因有熱力的緣故動起來下很可愛食到超飽而且很開心因為每款食物及飲品 也很

琴晚同朋友聚會嚟到九份.十分試下, 我哋分別叫左四樣野食): 溶岩芝士雞, 蚵仔煎, 蚵仔肉碎泡飯同埋阿嬌擔仔麵。溶岩芝士雞賣相吸引(其實我哋最初都係見到隔離枱食緊, 個賣相好似好好食咁先嗌😂😂), 但炸雞肉嘅部分好少, 太多骨嘅部分, 做唔到啖啖肉嘅感覺, 芝士醬略咸, 食兩啖已經想飲水, 個包幾脆, 偏乾身, 要點芝士食, 但都係偏乾同膩, 我哋四個人都食唔晒😐同埋呢個價錢有啲唔抵食🙈蚵仔煎同蚵仔肉碎泡飯啲蚵仔食落都好似唔太新鮮, 食落個口有陣唔新鮮嘅海鮮味🙊好失望☹️ 個泡飯上面有勁多芫茜, menu張相都見唔到有咁多🙈蚵仔煎個口感似食煎蛋, 唔係好夠木薯粉, 差啲煙韌嘅口感🙁🙁但值得一讚嘅係啲Waiters好有耐性👍🏻, 我哋問佢攞碗仔, 加幾次水......佢哋啲態度都好好, 臨走仲好nice咁講歡迎下次光臨🙋🏻‍♂️其實menu入面都仲有好多野想試, 同埋聽到隔離枱嗰家人話啲台式飲品好好飲, 所以我會比左次機會佢試埋其他想食嘅菜同飲品, 希望會對佢改觀啦😗

今晚同朋友慶祝生日，去九份·十份吃台灣小食，平時星期五六日都很多人，幸好今日是平日，不用擔心無位裡面的設計以黃色為主，有些新年的裝飾，入到去令人很有朝氣。餐牌內選擇豐富，珍珠奶茶系列有許多口味，而且甜度可自選，最適合怕肥又想飲甜品的朋友們最開心有超多台灣小食選擇，而且價錢合宜，可以點很多來吃我們點了細的擔仔麵，只須$28，勁多肉碎又有蝦仔，超抵食！！另外點了台式烤腸，味道甜甜又清新，咬感軟化，很好吃忍不住狂吃，沒怎樣分給朋友另外有蚵仔煎，上面的醬很有心思，寫了九份·十份。蚵仔大大隻，餅煎得剛剛好，加上醬汁微辣，很開胃另外點了小的滷水併盤，有雞奕、雞腎、鴨舌、豬大腸、酸菜、滷水蛋⋯⋯很豐富，味道不會太咸，很喜歡！不過份量小些不夠喉，下次要叫大的還有老媽餃子，煎得剛好，不會熱氣，吃多無妨肉質鮮美加埋皮薄，愛吃下次再來，要點其他美食來吃呢到選擇好多，令人興奮

都有3-4個月冇嚟九份十分, 原來佢餐廳啲 waiter 同餐牌都轉咗喎~ 但新餐牌依然係有咁多選擇, 有選擇困難症嘅我足足揀咗廿分鐘先至落到單小食我哋揀咗涼拌貓耳, 湯浸肉燥娃娃菜, 蚵仔煎同兩隻忌廉芝士蘑菇雞翼.涼拌貓耳ok爽口, 如果可以再濃味啲就更好~湯浸肉燥娃娃菜超好味!勁多肉燥, 個湯又甜又夠濃, 娃娃菜亦夠林, $48大大碟, 無得輸!!蚵仔煎味道唔錯, 煙煙韌韌, 都幾有台灣feel.忌廉芝士蘑菇雞翼絕對絕對係正到冇得彈.雖然望落好似燶燶地, 但係裏面個忌廉芝士蘑菇餡真係好得, 超好味, 炸到外脆內軟, Too good~主菜係店長推介畀我哋嘅台南咖哩牛腩筋手抓餅.賣相靚, 味道都唔錯. 咖哩辣得嚟容易入口, 又夠濃味, 好夾個手抓餅. 又勁多牛腩喎, 仲要係我最鍾意嘅牛筋腩~ 正正正!!! 原本諗住食完飯叫埋個甜品 (menu入面款款都好吸引), 但似乎我哋已經點得太多, 食唔落啦…老公最後叫咗杯凍珍珠奶茶微甜, 咁食法埋單都吾洗3百, 是日勁滿足, 哈哈.