九份•十分 (河畔花園) (已結業)

上星期难得约到个好耐冇见既朋友，拣左呢间近佢屋企既台式餐厅。之前都有黎食过牛肉面，味道浓郁，感觉几正宗，今次决定豪少少食多啲当庆祝下。当然台式餐厅必叫既都系牛肉面，今次改叫三宝，牛筋牛肉同牛肚都唔错，而且味道仍然好正宗，汤底食得出八角茴香等香料味盐酥鸡系呢间餐厅既招牌菜，上次一个人黎冇机会食，呢度系即叫即炸，个皮非常酥脆，就咁食都好正，仲可以自行加六种唔同既味粉，个人最钟意原味同香辣，食到一半仲可以加梅子或芝士转下口味，而且份量都好多，绝对可以四个人share食。蚵仔煎都系台式必叫，呢度改左少少整法多左蛋既比例岩香港人口味，蚵仔好大只同喺台湾食既差唔多，酱汁既浓度都岩岩好，值得试下。为左满足大食既朋友仲叫左唔少小食：麻辣牛展够麻少辣，牛展都好爽口；卤水拼盘（小）同牛肉面既汤底一样有香料味，而且款式多，无论系鸡蛋鸡翼鸡肾或是猪大肠都好入味，份量睇落小啲，但两个人都够食。唯一觉得可惜系最后黎既醉小三，虽然有酒香但唔入味，唔算特别好食。不过成餐黎讲真系最近食过最好食既台湾菜，就算系我个住过喺台湾既朋友都赞不绝口，如果我住近啲既应该都会变成饭堂。有机会试下佢地既铁板餐同珍奶。