阿元來了 (北街)

营业中

休息中

去多謝高登先之前先搵野食上次黎食嚐囍已經見到呢頭仲有間米芝蓮餐廳就係比必登推介既阿元來了雖然觀塘果間就近好多但我就一直都想黎呢邊有獎既呢間十二點零黎到仲未洗排隊直入門口有個小賣部幾得意外面睇以為地方好大但入到黎先見到佢地檯唔多算係分隔都幾開不過我地坐呢個貼牆二人位都算係搭檯位台灣店餐牌都係大同小異不過阿元來了就係無做牛肉麵同蛋餅之前去過果間阿元菜市場係有牛肉麵既但都已經執左了飲品係一樣有一整頁跟餐加十一蚊先有杯野飲要左茉莉綠茶珍珠再加三蚊杯就唔算太大味道正常阿元滷肉飯有半隻滷蛋同青菜肥肉好入味份量都舖滿左個碗面雖然話九份飽係同阿元來了一樣食譜但我覺得呢度係好食d爆蛋雞肉飯所謂既爆蛋只係荷包蛋完全無佢爆蛋感雞絲一樣都多無吃什麼果碗咁乾既但都唔算係好食鹽酥雞同飯一樣價但炸得非常香脆香口唔會好厚粉好油同淋件數都多絕對唔會好似阿木咁狗流流試左幾次就知道台灣菜真係唔好叫雞肉飯直接叫滷肉飯加鹽酥雞或者雞排好過最後係蚵仔煎醬汁好似比較少蚵仔亦都唔多但都好多膠質食物上檯速度幾快幾分鐘內就已經埋滿成張檯但鹽酥雞同蚵仔煎都feel到係即整熱辣辣既埋單176平均90蚊位價位同九份飽差唔多抵食過吃什麼少少不過

阿元來了 @yuanishere @西環 @堅尼地城相信大家對佢一定唔陌生🤣我自己都食過唔少次😛最難得嘅係佢咁多年黎 質素都仍然保持到👍🏻👍🏻可能都係keep住多人排隊嘅原因～不過今次唔係兩個人食，可以一次過叫晒想食嘅嘢，幸福感滿分🤣🤣🤣滷肉飯 大腸麵線～哩啲都係招牌👍🏻👍🏻 刈包其實都好好食 不過四個人真係唔知點樣分🥲🌟 阿元魯肉飯(大) $43🌟 蚵仔大腸麵線 走芫茜 $40🌟 蚵仔煎 $38☁️ 刈包（不切 走芫茜 $35🌟 鹽酥雞 $38🌟 甘梅粉雞排 $45☁️ 雙色香腸 $40🌟 統一布丁奶綠 $30☁️ 芋頭鮮奶 $30☁️ 冬瓜鮮奶 $27☁️ 冬瓜茶 $11📌 西環堅尼地城北街31號地鋪營業時間 : 11:30 - 21:30

📍黎到西環覓食😋一定要去呢間超人氣嘅台式餐廳🥢阿元來了👍🏻 下午三點去到都唔少人等緊位架‼️入到去見到夜市嘅燈箱😍直頭好似去左台灣咁✈️😚再加上睇完台劇華燈，更想快啲可以飛去台灣喇‼️ 而家唯有食阿元來了頂住先🤭🥢阿元魯肉飯 HK$43呢個真係食過最好食嘅魯肉飯🤤魯肉肥肉較多，好香亦好入味，啖啖都咁好食😍配料有半隻雞蛋同菜。如果怕自己食唔晒，可以叫個細碗既魯肉飯HK$33，不過就冇雞蛋同菜喇。🥢甘梅粉雞排 HK$45睇台綜「來吧！營業中」有講到甘梅粉，見到佢地用甘梅粉做調味後，就話好好食，我又試下先🤤 其實本身塊雞扒炸過之後已經好香脆又好食，甘梅粉係令到塊雞排鹹得黎又有啲酸甜～不錯不錯👍🏻🥢蚵仔煎 HK$37呢個真係大份又好食，蚵仔鮮甜🦪同喺台灣一樣好鐘意食佢個醬汁🤤🧋統一布丁奶茶 HK$31係台灣必買手信一定係統一布丁😝 臨上機前係免稅手信店都會買‼️我係超喜歡食統一布丁🍮 所以呢杯係好飲亦好食😝一定會再光顧，下次想食蛋餅😍 我喺台灣必食嘅早餐之一‼️

經過西環見到好多人排隊，所以就入咗呢間試食佢嘅台灣菜。餐廳環境很有台灣特色，擺設都是一些大排檔嘅擺設。招牌菜係阿元滷肉飯，飯上面用有五花肉，半舊滷蛋，白菜同醃蘿蔔,味道唔錯。另外叫咗個蚵仔麵線同一個蚵仔煎，味道比較偏淡，而且完全食唔到蚵仔嘅鮮味，感覺好似白烚咗好耐再放上去。還有一個甜不辣拼盤,味道也是淡淡的，沒有魚味，不是很鹹，也不是很香，沒有台灣夜市小食的味道。反而台灣珍珠奶茶味道就很正常了。如果好耐冇食台灣菜,都可以嚟試吓，但如果真係想正宗夜市嘅台灣風味，就未必來了。

去台灣一轉 阿元力量感染西環性價比：9.5/10食物：8.5/10 環境：8/10服務：8/10是次消費：人均 $84.5進入阿元，絕對可以止一止你對台灣旅遊的渴望，阿元來了擁有仿台灣夜市的裝修，想到的台式美食幾乎都可以在這裡找到，是我其中一間最常光顧的台灣食店。由台灣人創立，店員會以親切的國語招待。由於餐廳太受歡迎，外面仲會站滿等位的人，而為了應付人潮及符合社交距離措施，座位都是偏窄的。阿元魯肉飯 ($42)魯肉肥瘦均勻，不會令人滿口肥膩，好多汁，飯粒分明，送2條白菜、酸瓜和滷蛋。台南擔仔米粉 ($36)如傳統的擔仔米粉，碗中有肉燥、米粉、芽菜、酸瓜、半粒貢丸和一隻蝦。米粉硬身，爽口，浸久了不會變淋，還掛湯，但太硬的壞處是有時吃完胃部有點不舒服。肉燥混合了蒜蓉，我最愛蒜！麵底很大，通常不能吃畢整碗。鹽酥雞 ($37)有點咸，不油膩，爽身的，不會有黏著一大堆粉，肉也是好吃的蚵仔煎 ($37)用了很多薯粉，蚵仔煎十分有韌性，可以拉得好遠呢。蚵仔數目正常，味道不腥，配合面頭的甜醬很美味。茉香珍珠奶茶 微糖 少冰 ($25)甜度可以自由選擇 全糖/ 5分糖/ 3分糖/ 無糖冰塊可選 正常/

水準有保證既阿元🙈每次想食台灣菜都會諗起佢～懷舊既裝飾令我真係覺得自己去左台灣😝⥬⥬⥬⥬⥬⥬⥬⥬⥬⥬⥬⥬⥬⥬⥬⥬⥬⥬⥬⥬⥬⥬🔸阿元魯肉飯($42)除左入口即融既魯肉外，仲配左青菜🥬半隻蛋同酸蘿蔔等既配料😍醬汁非常惹味，送飯一流😝魯肉肥瘦比例適中，食落去唔會好heavy/🔸蚵仔煎($37)煎得外脆內軟，仲有唔少蠔添🤪同台灣嘅蚵仔煎好似🤤/🔸九份芋圓($32)餡料有仙草、紅豆同三色芋圓😳黑糖糖水唔會過甜，三色芋圓好煙韌，仲保留到原材料既味道，夏天食冰冰地一流🤗/🔸評分: 7.8/10

阿元來了 Yuan is Here📍堅尼地城 Kennedy Town//🍠 地瓜球 Yam Balls $30: 用黃薯和紫薯做成嘅地瓜球 味道甜甜的 咬口煙韌 感覺似麻糬波波 面頭更放上椒鹽 非常推介😍//🍳 蚵仔煎 Taiwanese Oyster Omelette $35: 比較偏薄皮 不過很鬆軟 蚵仔唔算細粒 醬汁都足夠 好味道😋//🍚 魯肉飯 Braised Pork Rice $29: 魯肉切到細細件 還要是半肥瘦的 好香 撈飯食一流👍🏻

已經唔記得第幾次叫阿元來了外賣，次次都係叫肉焿面+蚵仔煎😋；今日胃口幾好，叫左肉焿米粉+魯肉飯+蚵仔煎，起初一打開飯蓋,有少少驚，因為賣相唔靚，以為今日阿元失水準？！但係食落有驚喜，特別係魯肉飯，魯肉肥瘦適中，魯肉汁撈飯超正難怪咁多人會首推阿元既魯肉飯，果然名不虛傳，如果再大碗d就更好了另外肉焿米粉好夠味，米粉夠多，如果肉焿可以再多d就更好最後蚵仔煎永遠都係咁惹味，夠哂開胃，成為我對阿元其中一個必點既菜式

聽說阿元來了搬了新分店，一直都未有機會去試一試新店的水準。在機緣巧合之下，終於可以一嘗新店的水準。與舊舖相比，新店的空間感更大，做得更加舒適。我們兩人一共點了四樣食品，分別是魯肉飯、蚵仔煎、𩵚魠魚焿麵及一杯鳳梨青茶。魯肉飯味道濃郁，豬肉的脂肪剛剛好， 不會太瘦，肉汁十足。作為滷肉飯愛好者，在香港，阿元的滷肉飯必定是我首選。焿麵的味道比我想像中驚喜，餸料十足，湯底味道濃郁很出色。蚵仔煎的煮法和味道都與在台灣吃的一模一樣一解我對台灣美食的思念。鳳梨青茶的鳳梨味比想像的清香，用作消暑一流！十分滿意的一頓台灣美食

中午同屋企人路過，既然無人龍就試試新店啦！之前西營盤店面空間小坐位擠迫，堅尼地城舖位差不多大一倍，沿用懷舊路邊檔枱櫈，但至少道通係正常人行得過。門口有得’㩒飛仔’攞位，非繁忙時間亦有香港店員招呼。今次點了台灣必食魯肉飯,爆蛋雞肉飯,蚵仔煎,皮蛋豆腐,黑糖牛奶珍珠魯肉味道跟台灣的一樣，水準保持，係飯煮得偏軟身(多水)。爆蛋雞肉飯係有手指公推介之選，實際其實係煎蛋醃菜雞絲飯。味道正正常常，沒有太特別。蚵仔煎蚵仔肥美，雞蛋金香，配上醬汁惹味，成每枱必叫之選！唯辣醬汁有點太多，建議可事前通知店員少醬汁皮蛋豆腐貌似普通簡單的一道前菜小食，價錢跟材料更不成正比，其實味道不凡！他們將皮蛋跟豆腐撈撈埋埋一碟，食落係有意想不到嘅黑糖牛奶珍珠，飲一口奇怪無茶既味道，原來呢杯係牛奶根本無提過茶”” 有預料黑糖偏甜，但都真係太甜！！睇番其他食評原來有得選甜度，切記切記同場亦有友善台灣店員招呼，要有講普通話既心理準備如果無人龍，依然會再黎捧場嘅！