精記蛋卷

营业中

休息中

原來精記開業記三十多年，在屯門和紅磡都有工場，絕對本地生產，其中一個售賣點在長沙灣，但住系度幾十年都無留意，因為門面真系好細，哩面都系擺曬一箱箱的來貨。今次系買左兩盒細的蛋捲同鳳凰卷試下蛋卷（3包x2條，$20）-蛋卷的皮非常薄，滿佈蜂巢洞的蛋皮捲成多層，所以入口鬆化，蛋香吾夠，味道偏甜，食落很鬆脆。鳳凰卷 （2包x4件，$19）-鳳凰卷比之前食過的薄，蛋味同甜味吾多，內涵有椰絲，糖等，食落跟鬆脆。優點- 餐品有多種包裝，適合不同需要。- 本地生產，有信心。

好耐之前已經收藏咗精記蛋捲呢間店舖，但係又唔係路過所以冇特登去買，只係新年時候喺萬寧見到有就買少少食吓。最近因某啲原因，每個星期都會到長沙灣，精記亦都成為我每個星期都會到訪過一次嘅店舖。佢啲蛋捲真係不得了，一係唔食，一食就好似停唔到口咁，但係我個胃又細，食多幾條又會飽，真係好矛盾。佢啲蛋捲好有蛋味，超香脆，真係回味無窮。食完一盒諗住唔買，隻腳又唔知點解會行咗過去間舖頭，又買多一盒返屋企。我試過原味同鳳凰卷，個人比較喜歡原味多啲，即係圓轆轆一條嗰隻，呢啲香港製造嘅店舖買少見少，有機會大家都支持下啦！我見到士多網上店都有出售㗎，萬寧新年都會有得賣我諗第時如果有返遊客，可能就未必咁容易買到了。所以趁而家食多幾次

過年送禮想有點不一樣，想送蛋卷俾老豆(我老豆愛吃)，但北角那間老字號永遠買不到，新的又沒有那份味道，偶然經過長沙灣，竟發現一間小店，專賣蛋卷而且有著這懷舊包裝，一於買兩盒，一盒送禮另一盒當然自奉啦。打開一看，小時候的雙層存氣包裝，而且去廠買仲有平，可惡，一食，係呢隻味勒，充滿蛋香，微甜，鬆化，食呢d蛋卷時要八分入口，兩分墮樓。完全是古早味，以後唔使去北角都可以食得番了。

Long long time ago，主人與奴隸獸在長沙灣工作，間唔中會去『精記』買即製的蛋卷或鳳凰卷食。隨後工作地點改變，所以光顧亦相繼減少了。後來朋友告知『精記』店舖搬了，我們亦慢慢淡忘。今次途經，有如朋友重逢，雖然現在已經全由工場生產，但感情依舊。我們買了：1. 紙盒裝蛋卷（HK$11）：蛋卷呈蜂巢狀，所以食落非常鬆化，美中不足的，是欠了少少蛋味。2. 細罐裝鳳凰卷（HK$39）：有蛋味，餡料有砂糖、椰絲及芝麻，份量適中，食落不會『欶欶』聲，比蛋卷好味。朋友，下次再見喇！