泰昌餅家

营业中

休息中

小編今日下午去左春回堂睇中醫順便叫佢地幫我煲埋藥，ｏ係等梗既時間就去左呢間咁既買沙翁（受同事所託）去到見到成條龍ｏ係度排隊、重點係得我一個香港人、全部都係遊客、有中大伏既感覺咁小編唸住陣間飲苦藥就不如都買個蛋撻食打下底先兩個阿嬸店員既態度惡劣到一個點、我地黎乞咩？好啦、拿拿臨買完走啦，以為佢d蛋撻識飛咁巴閉、xxxx真係粗口一系列ｏ係心中流出，超x好食過佢啦起碼撻冇佢咁薄到張紙咁囉！有圖有真相、另外蛋都係超x好味好多，睇落去已經知唔同啦仲有賣9蚊一個？5蚊比多你啦！如果彭彭再返黎香港食，叫佢情何以堪呀？

朋友喺外國嚟香港, 我帶咗佢去中環嗰邊行下 , 既然嚟得中環咁梗係要帶佢去食泰昌餅家嘅蛋撻啦! 我最記得以前前港督彭定康好鍾意食呢間舖出品嘅蛋撻! 去到泰昌門口發現買蛋撻居然要排隊!條龍排到出鋪頭外面! 仲有好多韓國人幫襯添!佢依度嘅蛋撻賣相十分之靚,蛋撻嘅黃色好鮮豔, 用錫紙兜包住,同一般香港麵包舖用牛油紙包住唔同,感覺上專業好多! 佢嘅蛋撻皮做得十分之香脆, 蛋撻唔會太甜恰到好處! 係一個好好食嘅蛋撻, 但係我亦都感覺唔到係咪真係好食到要排曬長龍去買!但算啦既然嚟到就enjoy啦!順帶一提見到有兩個韓妹一人揸住一個蛋撻喺度影相打卡,我覺得真係有啲funny! 順帶一提呢度嘅蛋撻賣成九蚊一個㗎!我哋買咗五個總共洗咗45蚊!

中環有很多平吃的美食，行過泰昌見排起長龍，於是人排我又排，試下佢好評最多嘅蛋撻和沙翁。食評說泰昌蛋撻有幾好吃，都係要試過先知。剛出爐疍撻的確色香味俱全，賣相色澤金黄，熱辣辣又香又甜，加上酥皮鬆化可口，此撻名不虛傳真係好食。至於沙翁一向係我嘅至愛，鬆鬆軟軟的沙翁，但又有小小脆脆地，外層洒上白砂糖，吃來蛋香滿滿，滋味十足，水準和蛋撻在伯仲之間，仲稍為秤先少少。簡簡單單，祗花七元就可品嘗到如斯之美食，原來生活這麼美！

自 1954 年開業至今的老字號 <泰昌餅家>，位於中環擺花街 60 年來屹立不倒！  全靠香港人及遊客的支持！ 星期六下午經過，這裡更是大排長龍！ 那天，路經擺花街，我亦試過有韓國女遊客問我：Where is Tai Cheong?  反正我已身處擺花街，帶她們走到 <泰昌餅家> 亦無妨！ 有天放工走來幫襯！ 我在店內影相期間，有位美籍華人說英文，想買月餅返 New York! 店員阿姐也說到簡單英文對答！  不要看少阿姐！更問對方住在香港哪間酒店？多少錢？店子售賣麵包、蛋撻、禮盒、豆漿...等，當中，蛋撻是最受歡迎！  遊客來 <泰昌餅家>，主要目的都是為了蛋撻！ 蛋撻 $6新鮮出爐蛋撻令人無法抗拒！ 蛋撻充滿牛油香！撻身香脆可口！蛋漿香甜嫩滑誘人！  令人百試不厭！

有報紙優惠券，$3.8一個蛋撻及$3.8一個沙翁，於是分別於兩天的午飯後來買蛋撻及沙翁作為飯後甜品。另用了優惠券「買$10以上，平$2」，買了黃糖糕和豆漿作為下午茶。蛋撻 ($3.8)：蛋撻熱辣辣，十分香。蛋餡甜度適中，撻皮很香脆不油膩。好味！沙翁 ($3.8)：可能是放涼了，所以感覺不太新鮮。可幸沙翁仍能保持鬆身，而且砂糖很夠又不會太過份，仍算好味。如果熱辣辣應會更好味。黃糖糕 ($5)：很厚身。黃糖味很味，但吃了一半左右便覺得太甜，有點膩。豆漿 (換購價$5)：尚算有豆味，不太甜，不錯。由於黃糖糕及豆漿用優惠券「買$10以上，平$2」，因此兩樣加起來共只需$8。是次惠顧有優惠券，十分抵！

行到腳都軟, 終於到咗泰昌蛋撻啦, YEAH!!! 係呢一間先最好食, 其他分店冇咁好食...次次都大排長龍, 好多人買, 一買就一打一打咁買, 所以供不應求, Keep住新鮮出爐...色澤光亮, 好靚, 好似食燉蛋咁, 好滑好香蛋味, 撻皮香酥鮮脆, 牛油味重...嘩, D真料竹庶水已經甜到漏, 點知D蛋撻仲甜, 利害!!! 不過唔知係咪錯覺, 好似個直徑同高度都減少咗咁嘅....

今日午餐飲茶過後便走到泰昌買蛋撻...去到發現原來舖面裝修了...雖然整體望落整潔左...但此終沒有了昔日的古舊味道就連放蛋撻的櫃也不同了...價錢依舊我買了蛋撻($5)和沙翁($5)好喜歡這裡的蛋撻, 因為是我喜歡的餅皮而不是酥皮, 皮不會過硬, 很香也不會太甜還有很滑流食完時便發覺店子很細心的在錫紙兜加了兩個小孔, 可以令蛋撻底部疏氣, 不會令蛋撻熱力變成的蒸汽焗濕蛋撻底部還有沙翁, 雖然外面佈滿砂糖, 但也不會太甜, 而且咬入口時挻鬆軟的, 吃完蛋撻再吃這個也不太溜買的時候看到雞批也很吸引, 下次再試試其他的

倆口子在中環走著走著有點餓又未到食晚飯的時候於是就去買蛋撻食一口子食蛋撻一口子食雞批不是新鮮出爐的關係, 兩個不是太熱蛋撻皮有點林, 是凍了的關係吧! 皮跟蛋的比例OK, 食起上來不會太甜又不會膩.雞批味道不過不失, 足料不過皮跟餡像是分開了, 如果再熱一點應該不錯, 現在有點滯.下次要再食新鮮出爐熱哄哄的!!!

之前友人知道我鍾意食, 所以常特地去買比我...不過, 此情不再了!!!!沙翁 -- 內軟棉棉, 外甜甜地, super yummy, 又特別sweet 蛋撻 -- 曲奇皮, 熱食比較好味.. 但媽媽話同其他蛋撻差不多, 無特別喎..... 可能我係一買即食, 又有友人陪, 特別變得好味.皮蛋酥 -- 食一個已好飽!! 不過, 都好好食, 但唔會次次買囉.雞批 -- 足料, 味道不過不失咋蛋黃蓮蓉酥 -- 又一飽肚之作, 不過蛋黃同蓮蓉都好香環境 -- 亞姐好好人呀, 因友人買太多, 又同亞姐講送比人. 亞姐幫佢把它們排得好整齊, 嘻嘻.

$5一個蛋撻你話貴唔貴,對於我這個草根嚟講,真係貴左小小.12月11日 星期四下午3點多,已經出現人龍,外國遊客都一樣撐場,人人都一盒盒咁買~~~蛋撻皮好鬆脆好香口,比起一般牛油皮還要脆還要香,蛋心仲震震下添,滑嘟嘟熱辣辣,時間焗得剛剛好,真係一分錢一分貨沙翁唔會好甜,口感似窩夫,好重牛油味.不過貴還貴,至梗要好食