紅磡雞蛋仔

营业中

休息中

聽到紅磡雞蛋仔個名好耐～ 一直未有機會試。呢日食完lunch經過，見到都幾多人排隊，就去買超人氣嘅班戟下。🥭沙律淨芒果班戟超好食！必點呀！有好多芒果，而且都係甜嘅唔酸，加埋沙律醬一齊食好正！班戟皮有啲厚度，唔係平時好薄嗰啲。班戟鬆軟，又帶少少煙韌，超推介！🥞蛋白肉鬆鹹班戟另外點咗呢款鹹班戟，都好好食，好多肉鬆，加埋醬一齊食好滿足！肉鬆控必點！見住伯伯即整班戟皮，每個都又圓又大，好治癒☺️見到前一位客人點咗幾個原味班戟，相信都會好好食！下次要試下😆

難得假期雨勢唔大，一於出去搵餐好野食。一心想食車仔麵，但條龍實在太長，唯有去街頭搵D野食醫肚頂住先。一間舊式既雞蛋仔，鋪位細細，但係價錢親民，老細亦好好禮貌好好人。兩個人叫左三份野：蛋白肉鬆鹹班戟，原味雞蛋仔，原味格仔餅。作為價錢親民既街坊鋪，味道一D都唔失禮。蛋白肉鬆鹹班戟：蛋白味幾香，肉鬆味道夾得好好，份量亦相當豐富原味格仔餅：格仔餅焗得相當香脆，花生醬同砂糖有d唔夠，夾溶左既醬流到落低，食到尾果幾啖反而最好味。原味雞蛋仔：三樣之中相對較失色，響現今咁多出色雞蛋仔既世代，佢比較唔夠口感，又做唔到外脆內軟既感覺，只能話勝在價錢親民。總括黎講，以依個價錢嚟講好公道，而且選擇亦多，不過今次第一次幫襯，所主要揀左原味既食物，可以一試再試。

係紅磡覓食途中搵到呢個懷舊嘅寶藏實在太令人興奮喇！Lunch飛奔去伯伯嘅小店，一點去到好好彩條龍唔係好長，每人order左沙律浄芒果班戟同蛋白肉鬆鹹班戟各一，又share左朱古力原味鴛鴦雞蛋仔。每款食物都即叫即做，睇住伯伯用佢雙巧手熟練咁整班戟，再毫不吝嗇咁係厚厚嘅班戟上加勁多花生醬同塞到就滿瀉嘅芒果肉同肉鬆，未食已經先興奮！兩款班戟都真材實料，班戟厚身有牛油味，蛋白肉鬆鹹班戟真係學生嘅恩物，滿瀉嘅肉鬆食一半已經開始飽，都係$12咋！今時今日仲可以堅持到呢個價錢堅係良心小店！沙律浄芒果班戟好refreshing，芒果大大粒仲好甜，真係冇得輸！伯伯對於自己嘅朱古力原味鴛鴦雞蛋仔信心十足，一整好就問我地同排緊隊嘅客係咪好靚，仲話咁靚嘅雞蛋仔去邊度搵🤣食落去果然勁脆超有口感，個人認為原味比朱古力味出色。以懷舊小食代替正餐大成功！下次一人一件班戟加share雞蛋仔已經夠晒，一人兩件班戟再加雞蛋仔實在太誇張，食到我地下午茶都仲食緊🤣

係啊～又係佢喇🤣又要同大家分享我最喜愛嘅雞蛋仔！唔係住附近都曾經一個星期幫襯四次嘅 #紅磡雞蛋仔 👅再次隔咗幾個月無食，特登嚟到紅磡再幫襯！不過其實近幾次食感覺上冇第一次食咁大驚喜，但伯伯好𝗻𝗶𝗰𝗲好親切，所以佢仍然係我覺得係香港最抵食嘅雞蛋仔之一😹.revealing to yall my fav egg puff place again 😊 there was a period time that i came here 4 times a week & i dont even live nearby 😱 its been months since ive been here tho but the quality is still good & the owner is still super nice 😋 definitely give this place a try! .💫整體體驗 𝐎𝐯𝐞𝐫𝐚𝐥𝐥 𝐄𝐱𝐩𝐞𝐫𝐢𝐞𝐧𝐜𝐞✨食物 𝐟𝐨𝐨𝐝 7.5/10環境 𝐞𝐧𝐯𝐢𝐫𝐨𝐧𝐦𝐞𝐧𝐭 7/10服務 𝐬𝐞𝐫𝐯𝐢𝐜𝐞 8/10性價比 𝐚𝐟𝐟𝐨𝐫𝐝𝐚𝐛𝐢𝐥𝐢𝐭𝐲 7.8/10回頭率 𝐫𝐞

幾個月前第一次食 #紅磡雞蛋仔 之後，封咗佢為我最喜愛嘅雞蛋仔🤣諗返起嗰個星期明明唔係住喺附近，但都一個星期食咗四次🤣隔咗幾個月無食，特登嚟到紅磡梗係要幫襯下啦！雖然感覺上冇之前食咁大驚喜，但仍然係我覺得係香港最抵食嘅雞蛋仔之一！.Ive been addicted to this place ever since my first hung hom egg puff experience 😆 wasnt as surprised this time when i had it but this is still one of my fav egg puff places in hk 😋 highly recommend you try their pancakes 🥞 rarely get to try that! overall, a solid place to satisfy your egg puff craving 😊.💫整體體驗 𝐎𝐯𝐞𝐫𝐚𝐥𝐥 𝐄𝐱𝐩𝐞𝐫𝐢𝐞𝐧𝐜𝐞✨食物 𝐟𝐨𝐨𝐝 7.5/10環境 𝐞𝐧𝐯𝐢𝐫𝐨𝐧𝐦𝐞𝐧𝐭 7/10服務 𝐬𝐞𝐫𝐯𝐢𝐜𝐞 8/10性價比 𝐚

班戟會不斷Refill, 整好放在保溫金屬罩盒內保溫‧鬆軟彈牙Ｑ口，行街小食好選擇 肉鬆不會很癡牙，又唔會好長，係口中拉到好長，咬一口不費勁，很方便食＄１０不用，很抵食，而該店用吉百利朱古力粉造的朱古力味雞蛋仔也很值得購買吃朱古力不偏甜，含似可可的天然苦味，外脆，內略嫌不夠軟，喜歡傳統味的，可選擇一底雞蛋仔有２款味，挺貼心的選擇！老闆娘比較外向Ｄ，潦佢傾計會笑尾尾店入面好整潔，對佢地食物存放方法，衛生都好放心！！去黃埔花園行街既朋友仔，可以選擇在紅磡街市落，去呢間店買左雞蛋仔／班戟先一路食，一路行去黃埔花園，去到就夠哂力量血拼啦＝）