富東閣海鮮酒家

营业中

休息中

💛呢間茶樓出名嘅原因唔洗多講喇。全港唯一，好有良心嘅茶樓。正值農曆新年，糕點嘅廣告又賣得熱洪洪。搞我都好想試吓黃金糕，但一個人點食到一底呢。個胃頂得住，卡路里都爆燈啦！幾日前比我喺IG見到係幾件嘅黃金糕呀！切片黃金糕呀！！仲要只係13蚊！再加上係💛💛！點可以唔去！午市點心/炒粉麵都好抵食。下午茶價錢更加係超值。除此之外，仲有正價點心。-蘇式蔥油餅😀每一個大約手掌咁大，份量啱啱好，唔會食完就食唔落其他點心。餅都唔太油膩。😬餅底冇起酥，似蔥花卷壓扁咗再拎去煎。個人鍾意蔥味再濃啲。-香煎黃金糕😀椰香味濃，煙煙靭靭，但又未到年糕咁黐。😬落得比較多油去煎，有啲油膩。-蟹籽燒賣皇😀肉質夠爽口。食到入面有蝦肉。-花膠灌湯餃😀有大大舊花膠，真材實料。上湯清甜。😬餃子入面主要係豬肉，味道唔算豐富。-蛋黃奶黃包😀食到鹹蛋黃嘅鹹香味，不過不失。-酒樓喺呢個時侯都客似雲來，嚟買賀年糕點嘅人絡繹不絕，見到咁都幾開心。大家唔好錯過呢間咁抵食嘅茶樓喇！

好凍#唔想出街淨係想喺張床到啪啪啪 好想食點心搵間平靚正黃店點心食先！差唔多1:30pm去到，以為睇錯點解門口咁多後生仔女。諗深一層其實好事嚟，個個支持係開心嘅！好快有位等咗三四個字就入到去。燒賣有驚喜，個味好食裏面有好大隻蝦! 正呀，個燒賣分分鐘好食過平時賣到貴一貴酒樓！鮮竹卷三條勁大條，好多汁唔乾係油咗少少，$18呢個價錢都足料。奶皇包黎到係超熱 #凍得滯無奶流 雖然唔係流心中間有大大個鹹蛋黃，好有以前嘅味道。菜苗餃超推介，隻隻都好大，每啖都食到菜苗同鮮味嘅蝦，唔係無味！真係唔好意思#食埋人地條菜食曬三隻 臘味糯米飯唔知點解有咁多蛋同花生，臘味就唔多。成個飯唔重臘味味，個飯係多嘅，呢個就麻麻啦。做緊午市優惠點心要四款送一款！酒樓姐姐好有心話多謝我哋啲後生，如果無人支持佢哋冇得做，人情味濃，男人老狗聽完有啲想流馬尿...平心而論質素一般，下午茶真係抵食兩條友食咗$120 咋！呢個價錢真係平靚正 #平時叫隻雞都唔得啦