邁爵斯 (福華街)

营业中

休息中

#wetdodo_深水埗 #wetdodo_中環 #wetdodo_太子呢間簡直係窮丁既食堂黎🤩成座山咁大既意粉夠晒二人share只係$3x有時真係懷疑係咪搞手只求打個和！仲要幾年前食而時至今日價位都冇咩點變🤪原來係中環仲開埋新分店😂⚠️地址雖然寫係深水埗但太子行去都ok—————————————————————🍝香蒜白酒蜆肉炒意粉 $35😋：7/10老實講呢個價錢有雙人份量咁多！對味道上係冇咁執著而實際上味道都唔差😛都有淡淡既蒜香味蜆肉份量多到可能有過百粒呢啲急凍蜆肉就唔洗期待好有鮮味😂整體味道係唔濃既但都可以再自助落啲黑椒調整下～🥐吞拿魚芝士牛角酥套餐(配薯角+茶)$46😋：8.5/10呢個我真係強烈推薦😍牛角酥好香口 仲有陣陣既蜜糖味而吞拿魚同芝士既份量都好充足單買唔跟薯角飲品就$26薯角份量都好多 亦都算香脆個底有蜜糖甜甜地～茶通常都會漏左遲黎 同埋啲茶水會好熱最好早啲提佢上番杯茶😂同埋之前食過墨西哥卷都唔錯😛但二揀一都係忍唔住揀番牛角包🤣—————————————————————🥐🍝🫔🥗🧀邁爵斯 M.Y Majesty💸：人均～$40 (dinner)📍：深水埗福華街15號地舖

邁爵斯在嘉頓山渡過了一個中午後，決定在附近的餐廳渡過一個晚上，跟兄弟暢談近日生活瑣碎事。邁爵斯，名不經傳，位處在深水埗的橫街窄巷，且燈光昏暗，旁人應該未必會看見，但亮眼的卻是那個價錢。完全是超級平民的價格！食物方面四個字：性價比高。點了1）蜆肉意粉；2）墨西哥薄餅配薯角。先來了蜆肉意粉，意粉份量十分足夠，看下去還大過小編的臉，而且，蜆肉是數不盡，也可以說吃下去的每一口也有蜆肉。另外也來了墨西哥薄餅配薯角。薯角炸得卜卜脆沒有太多粉而且十分剛剛好，喜歡熱氣的朋友相信也會喜歡這個。而且，薄餅也弄得很好，但這個「主角」就略嫌變了配角。總結來說，用窮人恩物來形容就絕對適合不過，住在太子近深水埗的讀者可以多多留意此店。日期：2020.7.11

之前一直想試呢間cafe 今次終於搵到時間一試我地係平日兩點幾三點到 但都超多人要等位 好誇張入到去發現幾多學生，打開menu 終於明，點解可以咁平既同朋友二人叫左香蒜白酒蜆肉意粉（$35） 同薯條 真心好誇張，未試過見過咁大份既意粉，上枱之後朋友o 左嘴 咁既份量咁既價錢 味道算係咁  

呢間係太子同深水埗交界既餐廳出晒名抵食夾大件，由以前黎食唔使等到而要成個鐘先有得食，都抵佢出名既👍🏻一行4人大約7點半黎到，等左45分鐘就有得入坐。叫左4樣野食，正確價錢唔係好記得啦，但肯定全部都唔過$40，仲要包一杯熱紅茶（試過無味，同要問職員先有）意粉叫左最有保障既卡邦尼同蜆肉意粉。前者既煙肉應該係烚既，唔太香口，但味道都可以接受。後者就比較淡，好彩有d香草調味墨西哥卷同想像中有出入，不過係好味既，但麥樂雞就有少少overcook左最推薦係呢個牛角包，蛋沙津入面有栗米同火腿，配上大量蜜糖薯角，味道唔錯！但牛角包數量有限，晏左黎就會賣晒。總括：呢個價錢對得起呢個質素，都無乜可以要求，食唔晒仲可以帶走。