滿滿丼 (已結業)

相約朋友去旺角食飯，經過通菜街見滿滿丼門口廣告牌寫著(大滿足)，於是入去試試。餐廳好多人幫襯，如果願意，可以搭枱。餐廳淺木系風格。食物都很便宜，抵食！蒜片一口牛柳粒丼牛柳粒有幾舊，肉質好淋。泡菜泡菜少少辣，夠入味。鰻魚豬軟骨丼豬軟骨超淋、入口即溶，鰻魚入味。原隻海蝦海蝦新鮮，海蝦味鮮甜又彈牙，正！炸芝士年糕芝士年糕外脆內軟好味道。蜆肉青瓜蜆肉青瓜比較辣，蜆肉好多，青瓜爽口。黑蒜濃湯煮蜆濃湯奶白色，蜆夠多，但比較細隻。辣湯煮藍青口湯少少辣，藍青口夠新鮮。飲品叫左日本綠茶和樂天檸檬茶。

今日收工，突然想食日式丼飯，行過通菜街近廣華醫院見到有一間新開既丼飯店，門口又有人龍排緊…我就被吸引去排埋一份啦！♥️芝士牛肉丼份量超多，牛肉滿如山；芝士醬佈滿整個牛肉山，超級惹味，芝士牛肉入口沾滿整個口腔，調味平衡，再配上泡菜前菜，酸酸甜甜，超正！♥️薄切燒牛脷丼牛脷取材上乘、燒得香噴噴，薄切刀功很厲害，薄到像五毫硬幣，入口肉感實在肥美，味道香口、像鹽燒一樣，與中華沙律前菜超夾，味道清新而中和，好好味啊！♥️日式紫薯餅紫薯內料份量超多，炸粉剛好不太厚，紫薯味道甜甜的，調得剛剛好，甜甜的小吃超好食！♥️蜆肉青瓜微辣的味道，蜆肉青瓜小食，味道變得新鮮吸引、青瓜爽口「索索聲」而帶少許辣，越食越開胃！蜆肉質感滑溜，彈牙QQ很美味！♥️黑蒜濃湯煮蜆菜式一上枱，濃郁既蒜味濃湯佈滿整個空間，超香～蜆肉感肥美，完全掛上湯底，超級入味！♥️棒棒炸雞翼（黑松茸醬）單骨雞翼肉質軟熟，炸粉同樣剛好，皮薄而脆口，再配上黑松茸醬，很Juicey及惹味！

餐廳環境偏向和風格調，老闆相當熱情，對每台客人都主動介紹丼飯同閒談幾句！先知港島有間分店係食扒餐。（但果名唔記得左，下次再去問老闆先😅） ⦁日本岩手和牛丼 $79伴菜-黑松茸鮮菌小食-炸魷魚飲品-樂天忌廉薄鮮奶另加-溫泉蛋 ⦁牛肉丼 $36伴菜-泡菜小食-蜆肉青瓜飲品-樂天忌廉薄鮮奶另加-溫泉蛋⦁炸單骨雞翼配黑松茸醬 $26 兩款丼飯本身都有一款自選伴菜，都有4個選擇。我地揀左黑松茸鮮菌同泡菜，個人比較鍾意菌類。另外每款丼飯都加多$16轉做套餐（多一款紅牌小食，以及飲品），小食份量都多，幾抵食！✨私心推薦⋯必加溫泉蛋，簡直將個丼飯升級升級再升級！🌝最後單骨雞翼易進食，同埋果醬有別於出面的黑松露醬，好特別！ 整體黎講，最貴果丼飯先$79，仲要食到日本和牛都唔錯！抵食，性價比超高！我已經同旺角做野既朋友仔分享左，唔知會唔會成為佢地既飯堂呢？😊