尚樓餐廳 (已結業)

一個人想食個快飯中環呢啲甲級寫字樓地段想搵平靚正嘅嘢食真係少啲🧐經過呢間茶餐廳下層外賣 上層堂食門面雖然唔大 但感覺乾淨企理見到價錢都唔算太貴一於試吓新嘢🤓呢個餐廳主要做午市以港式飯餐為主都算幾多選擇大多數飯都係$70有找💰係中環區嚟講都算係咁蜜汁叉燒滑蛋飯個賣相好吸引！個滑蛋炒得好夠滑嫩得嚟又不失蛋香不過就覺得油咗啲🤔食完碗底都有啲油叉燒嘅份量都唔少以瘦叉燒為主神奇在佢嘅瘦叉又唔會令你覺得好柴食落好軟腍 唔會感到好膩！💯仲加咗啲蔥一齊炒蛋重點係個秘製豉油汁‼️甜甜地唔會死鹹🤤撈飯一流！今次叫咗少飯但飯量都算幾多！我諗正常飯應該好夠食🤰🏻

Lunch time 想搵平靚正快飯食，所以就試下呢間。門面唔大，但原來樓上有得坐。都ok 多枱，似茶餐廳隔局。有趣係窗邊一排望窗自閉位🤣 個冷氣劇凍，怕凍嘅記住帶多件褸。俾佢啲滑蛋類飯吸引，所以同同事叫咗蜜汁叉燒滑蛋飯，同海陸雙拼炒蛋飯。個飯都幾大碗，蛋好滑叉燒味道不錯！啲秘製豉油好好味（知道叫廚房落多啲🤣）。價錢實惠，唔錯👍🏻