Goobne Chicken (天晉匯2)

营业中

休息中

Goobne食過無數次，又開得晏，係宵夜既好選擇，不過今日係黎食晚餐既。將軍澳天晉分店人流較少，唔洗等位直接入得，而旺角店就經常大排長龍。呢個蛋捲真係世界級，次次食我都一定會嗌，而且食過好多其他炸雞店既蛋捲，都完全比不上。蛋好厚，好濃蛋香，中間夾左爽脆黃瓜同酸瓜，蟹柳同火腿，口感極豐富，點埋個蛋黃醬食真係一流👍🏻👍🏻👍🏻 ！！不過好似少左一舊，之前食明明有九舊😢由於眼闊肚窄既關係，之前想試多d味所以是次次都嗌兩款雞，但食唔晒，所以今次控制住自己嗌一款算，唔好曬野。呢款蜜糖咖喱烤雞同以往一樣充滿驚喜🙂，蜜糖同咖哩好夾，比例岩岩好，兩隻味都好出，雖然甜同咸mix埋一齊，但係味道並不奇怪，十分好👍🏻👍🏻，雞皮脆得黎唔會好乾好油，雞肉充滿肉汁，又滑，水準好高👍🏻👍🏻好食還好食，價錢不便宜，嗌多杯野飲賣單已經500幾，只能間唔中食一次。

朋友話Goobne Chicken嘅炸雞係佢食過最好味嘅炸雞 所以今晚忍唔住叫佢帶我去試下😝健康嘅我地嗌左個意大利青醬雞胸肉沙律 沙律嘅份量都幾多 唔同嘅蔬菜配上雞胸肉 味道清新😋但青醬略嫌油膩同埋份量唔多蜜糖咖哩烤雞味道不俗 金黃色嘅外皮仲灑上杏仁粒 好吸引😋 雞皮香脆可口 雞肉嫩滑多汁 而且烤嘅感覺無咁熱氣😝 蜜糖咖哩烤雞就咁食已經好好味 點醬又係另一種風味😆 芥末醬同蜜糖咖哩嘅配搭好有趣 甜甜地又帶有辛辣味隨餐附上嘅醃蘿蔔酸酸甜甜 加上清爽嘅口感可以保持口腔清新 令我覺得炸雞一啲都唔油膩😆餐廳嘅佈置簡單舒適👍🏻而且仲會一路播放流行曲 對於鍾意聽歌嘅我黎講係一大加分位😆不過服務一般 我地請店員幫我地加水 但到到埋單都未幫我地🤧

當知道將軍澳天晉滙二期有一個巨型小王子和一連串的小王子宣傳活動, 我當晚立即便去跟他見面。當我見到小王子，我便想起「來自星星的你」那一幕在法國小王子村拍攝的經典鏡頭，想起星星又令我想起炸雞....剛好在商埸內有一間韓國烤雞店，影完相滿足了我的願望，就應該要滿足一下肚子的慾望。蜜糖咖哩烤雞（$168）這𥚃的烤雞特點是不用油炸，用烤的方法令雞塊烤得外脆內嫩，做到低熱量、低膽固醇、低鈉、更加健康！咖哩的香味加入甜甜的蜜糖，再點埋附送的咖哩蜂蜜醬，使烤雞不但味道提升，嗅覺也享受到咖哩香料的味道！雞塊還撒了香烤杏仁片，脆脆的杏仁片令烤雞更香口。另外還有一碟醃酸的白蘿蔔，蘿蔔爽脆鮮甜，令胃口大開。芝士炒年糕（$148）芝士用了 Mozarella Cheese, 有長長的拉絲效果，用了韓式辣椒醬炒年糕和拉麵。年糕比起我們一般吃的幼身，更容易索味，而且口感依然煙靭彈牙。另外還有拉麵一起拌炒，拉麵有彈性，時間掌握剛剛好，不會過稔。醬汁辣中帶甜，惹味十足。熱鍋上還有一隻雞蛋，還是熱熱的。鯊魚之淚（$88）這個 mocktail 是不含酒精的，用了檸檬與香桃搭配，做成藍色的沙冰，香甜又帶點微酸，解渴首選，