Fifty Fifty (已結業)

沒有什麼是一頓美食不能解決的，如果有……那就兩頓～嘻嘻一間實惠又美味的義大利美食餐廳非常喜歡這間餐廳的裝飾，很溫馨也很浪漫💕特別是黑松露薯條，簡直人間美味，每次必點。

好少嚟長沙灣食嘢 我朋友介紹呢間餐廳所以特意嚟試下 知道呢間係食西餐都幾期待餐廳冇餐牌提供 只係有一個QR code 為咗環保就叫客人電話睇餐牌既 都幾有心蜜糖單骨雞翼有十隻單骨雞翼 外面有啲芝麻 同埋見到係脆既蜜糖面 食落脆面肉腍 單骨更加易食啲 好夠味 鍾意食雞翼叫蜜糖雞翼真係冇死既煙三文魚煙肉叼草忌廉扁意粉見到都幾豐富咁 芝士香草三文魚撈均成碟扁意粉 食落忌廉汁都好夠 唔會乾 味道都ok但冇太大驚喜芝士焗蟹膏蟹蓋配海膽意大利飯一大個蟹蓋放咗係飯面 已經好吸引 個蟹殼裏面係有好多蟹膏㗎 係意料之外既多 同埋本身海膽意大利飯都好Juicy好好食㗎啦 加埋蟹膏一齊直頭加哂分Fifty Fifty 燒黑松露大蘑菇大蘑菇呢個價錢我覺得好抵食 因為都幾大隻 個菇好多汁 一啲都唔乾 仲有芝士表面烤焗出嚟 味道幾濃郁再帶點黑松露味環境幾舒適同朋友一路食一路傾計 唔覺唔覺鋪頭都要夠鐘要close啦🤣

青山道一帶無大型商場，街舖小店林立，一於幫襯食評最一面倒嘅… 香煎巴馬臣芝士脆片呢個菜式只有一種食材 - Parmesan Cheese… 簡單，但非常好食。芝士香味充分發揮。蜜糖單骨雞翼非常香口惹味。單骨雞翼進食非常方便，用刀叉都可以食到乾乾淨淨。香煎銀鱈魚配香檳忌廉汁魚油非常充足，無需要過多調味都已經好好食。香煎鵝肝雜菌意大利飯鵝肝外脆內軟，油香爆棚。意大利飯生熟到拿捏得剛剛好。提子冧酒芝士蛋糕真材實料... Cream Cheese 味道非常突出。

今日嚟到長沙灣搵好食！見到呢間fifty fifty咁多人推介就嚟試一試😋平日晚上嚟到都唔少人，好彩有book枱，兩個人佢比咗四人枱我哋，夠晒闊落、亦有空間同朋友傾計。叫咗一個香煎鵝肝雜菌意大利飯，鵝肝整得啱啱好，好香好滑，加上入味嘅意大利飯，出色！另一個主菜就係黑松露醬日本帶子野菌天使麵，有兩塊大帶子，有多黑松露，好香口😇小食叫咗蜜糖單骨雞翼，份量多，烤得好甜！其中一個主菜跟咗set，加錢轉咗飲品同甜品，飲品係茉莉花茶，甜品就叫咗甜品四重奏。甜品一碟有晒芝士蛋糕、tiramisu、泡芙同埋芝麻雪糕，一次過有咁多甜品好滿足！同朋友食到捧住個肚，每人埋單$200又坐得舒服！

和朋友在附近上完堂，想隨便找個地方醫肚。搜尋附近餐廳見到這間餐廳人氣高企，就決定試試這間。門面不錯，應節地放了個微笑的小雪人和聖誕樹，頗有節日氣氛！放學時再找到這裡已有點夜，只剩小貓兩三隻在餐廳內用餐聊天。我們點了Fifty fifty大蝦沙津 $88 Fifty fifty 黑松露醬大啡菇 $48香煎鵝肝配焦糖蘋果 $88蜜糖單骨雞翼香煎銀鱈魚配香檳忌廉汁 $188逐一上枱😋Fifty fifty大蝦沙津 $88 賣相吸引！沙津新鮮，配上甜甜的醬汁頗開胃。香煎鵝肝配焦糖蘋果$88 鵝肝非常腍身，挑剔之處是略嫌少少煎得太油膩，不過配上香脆可口的麵包底和焦糖味重的蘋果中和了油膩感，總體味道不錯！試得過！蜜糖單骨雞翼 $48 份量比我們預期的多！一隻隻雞翼排開在碟上，燒雞翼真的人人鍾意食！特別是這隻單骨雞翼，皮燒得又脆又香口，還有點點蜜糖味，雞肉腍身，非常可口！Fifty fifty 黑松露醬大啡菇 $48色彩繽紛！大啡茹份量十足。大大隻大啡菇上鋪滿芝士，香氣逼人，大啡菇爽口新鮮！香煎銀鱈魚配香檳忌廉汁 $188這碟主菜最後上場！急不及待一試那銀鱈魚，魚肉滑得驚喜！很綿很腍，入口即化的口感

去完深水埗買皮革用品後，就黎到長沙灣呢邊，見到有間餐廳個名好特別，環境又靚，決定食個午餐~ 跟餐先上個南瓜湯。燒春雞配野菌燒汁 ($78)隻春雞都幾大份，燒得好靚，皮脆肉嫩，係燒香雞界黎講確實不錯。燒澳洲肉眼扒配巴黎牛油汁 ($88)肉眼扒牛味十分濃，煎得較熟，冇血汁，但食落好鬆軟。再加埋呢個巴黎牛油汁真係好正，有牛油味，令牛扒味更岀！焗香草牛油翡翠螺 ($68)6粒超大隻翡翠螺焗到熱辣辣，用手掂會辣親一扯舊螺肉，超級juicy，牛油味好香~ 好煙韌好有咬口！蜜糖單骨雞翼 ($38)呢隻係炸雞翼，食落比較脆身。蜜糖味都好岀，甜甜地，令人一隻又一隻咁食~ 但如果變焗既做法，肉質更鮮嫩，應該都唔錯！飲品都好正~ 粉紅菲菲 (+$18) 係士多啤梨同香港既奶昔，好滑好重果香！爆谷咖啡 (+$18) 唔知點解叫爆谷味，覺得都係好似焦糖既味道~

Fifty Fifty雖然離地鐵站唔太近，但絕對值得行遠少少嚟食，一定唔會令人失望Dinner set好多選擇，飯、意粉、不同肉類，仲有素食！而且價錢比起同類嘅餐廳平，包埋餐湯同餐飲，感覺幾抵下面係香煎三文魚，$118好大塊！三文魚煎得好香口，塊皮都煎到好脆三文魚本身嘅油好香，加埋調味好惹味 配埋微酸嘅乳酪汁，好清新！另外仲叫左蜜糖單骨雞翼，本身以為單骨好方便，點知食落都有啲麻煩 不過味道撘救，同蜜糖好夾，可以encore!