才哥蝦麵 (已結業)

係奧海城接完媽咪收工， 就跟媽咪去左附近新開嘅，主售星馬菜嘅餐廳—「才哥蝦麵」， 無諗過8點後都好多人，差不多滿座， 隱身於一條咁隱閉嘅後巷裏面， 竟然有咁多食客捧場， 睇黎食物真係有返咁上下質素！😏 餐牌一眼睇晒， 有湯粉麵或乾撈麵、飯、燉湯、街頭小食， 價錢都算經濟實惠。 餐廳嘅招牌菜係蝦麵， 不過小編就比較愛好牛多啲， 所以就叫左碗⭐️推薦❗️牛三寶湯米粉（$58）， 有齊牛脷、牛筋、牛肚，份量好足！👍🏻 牛脷尤其出色，軟腍入味～😋 米粉幼細爽口，吸晒牛湯底嘅精華。 媽咪就叫左招牌去骨雞飯（$58）， 可以揀配油飯或者白飯， 雞件份量合理，厚肉嫩滑，不錯吃。 我地仲叫左兩個小食， 玻璃魷魚通菜（$30） 魷魚好爽口， 撈埋秘製鹹蝦辣醬，幾惹味！ ⭐️推薦❗️鮮雞腸（$25） 爽脆入味，如果可以佐酒就一流！😂 ⭐️推薦❗️清燉羊肉湯（$58） 如果想滋補下，一定要揀羊肉湯！😏 入口清甜， 羊肉肉質細嫩，肉香味美！😋 ⭐️推薦❗️蜜糖桔仔水（$6） 有熱有凍， 天氣涼涼地，飲熱就啱晒啦～ 好暖身，桔仔味超香！

大角咀有好多餐廳，係奧運站或旺角站行過去都好方便～今次黎到呢間才哥蝦面，店面細細地，但食物款式好多！朋友揀左個招牌蝦撈面，有蝦、豆卜、豬頸肉同蛋，撈面食亦可浸濃湯～比起招牌撈面，我覺得我揀既多蝦濃湯面更正，半剝殻既蝦方便食，湯底好濃郁，用蝦頭淆制，又鮮又好味～除左湯底，面條都好有彈性，吸晒湯汁，配上彈牙既蝦肉，好夾！食得出係一碗誠意十足既蝦面！叫左個小食，沙薑手撕雞，細細碗，份量剛好，雞絲嫩滑又入味，配上爽口青瓜，幾清新開胃！飲左杯豆漿同蜜糖桔仔水～

-今次係大角咀搵到依間小店，店內只有20個座位，雖然食物款式唔算好多，有選擇困難症的朋友在選餐方面不會有太大困難☺️-招牌蝦湯麵🦐🍜 ($55)碗麵真係好香蝦味，而且湯底飲落無味精，真材實料👍🏻湯底又濃郁，十分重蝦味😍湯麵係橙色，材料豐富😍，例如：鮮蝦🦐，芽菜，半隻雞蛋🍳，豆卜，豬頸肉，而麵煮到岩岩好，好有彈性，配埋蝦湯就一流👍🏻果然係招牌🥰依碗麵係必食😋-招牌去骨雞飯🥰（$55）依個雞飯都好抵食，雞肉好香麻油味，肉質好嫩滑，而且仲有3款醬汁（蠔油，薑蓉和甜辣醬）點蘸雞肉😍 仲有冬瓜湯和幾條菜😎而且個油飯都超級好食🥰超鍾意☺️-惹味蘿蔔☺️（$12）蘿蔔配秘製醬汁好夾，蘿蔔食落好入味，煮到好淋😋-秘製玻璃魷魚通菜🦑（$28）魷魚十分爽口彈牙，通菜都煮到好入味，配埋秘製醬汁炒過，十分惹味👍🏻-蜜糖桔仔水🍹跟餐（$7）豆漿🍹 跟餐（$7）蜜糖桔仔水飲落偏酸，但都好飲☺️豆漿都不錯👍🏻-

今天下午拍了車在大角咀之後，想搵地方吃午餐， 看見有一間才哥蝦麵，於是就入去試下了。 店舖裝修簡約風格，座位不算太多但光猛開揚。 看了餐牌之後點了兩款招牌菜， 招牌蝦湯麵$55和招牌去骨雞飯$55， 還有淨蘿蔔$12，玻璃魷魚＋通菜$28，蜂蜜桔仔水$15。招牌蝦湯麵～ 我選擇了米粉，配菜有新鮮蝦， 豬肉，豆腐卜，雞蛋半隻。 最重要是非常濃郁鮮味的蝦湯， 米粉剛剛好可以吸 蝦湯的鮮味， 蝦湯完全冇味精，因為覺得太好味的關係，我竟然把成碗蝦湯飲曬了。招牌去骨雞飯～ 這個海南雞飯做得相當出色， 雞皮彈口肉嫩，油香飯好香好惹味。 如果喜歡吃海南雞的朋友一定要試下! 玻璃魷魚＋通菜～ 玻璃魷魚彈口鮮味， 通菜夠新鮮， 煮得剛剛好一啲都唔硬！淨蘿蔔～ 蘿蔔清甜冇根配師傅醬汁食，好正！蜜糖桔仔水～ 很喜歡這一杯桔仔水，甜甜酸酸好開胃又清新！大角咀果然是臥虎藏龍的地方， 竟然畀我搵到才哥蝦麵這間隱世美食， 我個人非常支持小店的， 除了感覺特別有人情味之外，還多一份真誠和對食物的熱誠！