燒烤堂 (已搬遷) 新店位置

已經第二次食呢間餐廳了，一直對這裡的燒魚念念不忘，所以今晚特地book定枱再跟友人黎食!餐廳唔係好大，大概只有6-7枱左右，所以都建議大家可以打去餐廳訂定位，而且有些食材，如燒魚都可以訂定先!點餐紙上有很多不同的選擇，這次我們點了多款不同的串燒試試。鹽燒豚肉露筍卷，豚肉薄薄的一片捲住露筍，咸咸地捲住鮮甜的露筍，特別清新！牛舌芯，好香牛的味道，爽口多汁！台灣雞泡魚乾，熱辣辣好香口，軟軟地加上魚的甜味，特別好食！就算凍左甜甜地硬硬地，用黎送啤酒特別滋味！雞皮墨魚滑，估唔到呢個組合原來好惹味！雞皮燒到脆卜卜，墨魚滑彈牙又鮮甜！泰式鹽焗馬友魚，今次黎到當然要再叫魚食啦！今次叫左馬友，魚肉鮮甜嫩滑，而且多汁！魚皮用鹽封住，燒到脆卜卜而且咸香！配有日式魚汁同埋泰式魚汁，點上泰式辣汁更加惹味！鹽燒開邊雞中翼，每次食串燒必點！雞皮燒到脆卜卜，雞肉嫩滑，而且鹽份剛剛好，好惹味呀 ！惹味咸蛋黃豬大腸，起初仲怕會好似炸大腸咁，但原來豬大腸係軟身，冇臭味而且唔算好肥，面頭淋上咸蛋黃醬，味道特別！芝士燒芝心芝士狗釀芝士腸，個名超長，一睇就知好多芝士啦！獅子狗軟身，夾著脆皮的芝士腸，好香芝士味，芝士味充斥著口腔！

好耐冇同班fd見過面，happy friday當然要啤啤佢，而呢個世界最夾啤酒嘅食物應該就係串燒！今日黎到有幾間分店嘅燒烤堂，旺角呢間店比較細，只係坐到四至五台人，今晚就爆晒餐牌選擇好多！價錢都正常沖繩生啤都幾抵只係$60左右等左15分鐘左右終於黎第一碟麻辣蒜蓉茄子！佢係四川嗰種麻辣味，我好鐘意！！叫咗幾款雞翼我最鍾意蜜糖燒雞翼，又嫩又滑，燒到連啲蜜糖都走晒入雞肉，好香口第一次見萵筍咁樣切，果種爽脆嘅感覺非常好🤫燒白鱔雖然唔係太大舊，個皮燒得好脆但係啲魚肉仲係咁新鮮咁滑燒雞皮平日我都唔食但係今次真係唔食唔得😭佢燒到好似薄版嘅炸魚皮咁，感覺仲好似冇咁油，送啤酒一流！我就唔係太想食牛所以冇試， 呢幾個朋友都話燒牛舌做得好好，一啲都唔un，外脆內軟呢個蜜糖燒淮山都估你唔到幾好食，又係啲爽脆又甜又多汁之選鹽燒鯖魚大大條，外皮燒得金黃酥脆，裏面嘅咸香味都做得好好總結呢間燒烤店用料或者烤工都做得唔錯，誠意推薦

好耐冇食過串燒，燒烤堂而家係旺角都開左分店，咁就去試下啦燒烤堂串燒既種類都幾多，仲會有一d比較有特色既串燒！係講食物之前要讚一讚先，上菜唔會一次過出哂全部既串燒，分開2串2串咁出，咁樣就唔會令到串燒凍哂, 下一轉上菜相隔時間唔會太耐, 咁就唔會話食完要等好耐先黎第二轉首先叫左稻庭烏冬食下，$28，份量都唔少，個昆布湯都好好味👍🏻第一樣令到我心心眼既就係牛舌芯呀, 唔係好多地方有牛舌芯味, 牛味超香個黑毛豬都好好味跟住就係蒜蓉包, 好多蒜蓉, 個包燒到外脆內軟, 個包仲食到粒粒芝士, 好香!!大部份既串燒都冇叫到辣, 因為媽媽唔食得辣, 唯獨叫左一串麻辣羊肉呢度個麻辣粉好香, 仲調過香, 幾出色見到有咸蛋黃, 仲有芝士既燒蝦點可以唔試, 蝦肉新鮮彈唔會霉咸蛋黃同芝士呢個組合真係好邪惡燒烤堂有燒年糕呀, 我最鍾意食就係煙煙韌韌既感覺, 加埋少少蜜糖落去燒, 味道唔會太濃, 好味另外仲叫左雞翼, 淮山, 尖椒, 松板豬, 唯一要提別提既就係雞皮墨魚滑, 呢個真係好好味, 又特別, 一定要試呀!!