euro go go

营业中

休息中

euro go go，位於旺角亞皆老街8號朗豪坊9樓22-23號舖。 店內座位不算多， 落單用qr code亦可即時埋單，非常方便。晚餐🍽️ ～ 皇牌美食組(二人份量) $259 ～ 蜜糖雞翼、 白汁香腸火腿蘑菇意粉、 半牛油果火箭菜薄餅、 熱荔枝茶、熱忌廉朱古力。 ◽蜜糖雞翼🍖 ～ 雞翼甜甜地，焗得剛剛好，唔會乾身。 ◽白汁香腸火腿蘑菇意粉🍝 ～ 整碟意粉味道 偏淡， 大碟不過唔好食。 ◽半牛油果火箭菜薄餅🥑🍕 ～ 薄餅凍冰冰， 餅底好硬。 ◽熱荔枝茶☕ ～ 味道正常。 ◽熱忌廉朱古力☕ ～ 相比起食物忌廉朱古力算是不錯。 個人感覺，整體質素一般😉。 🏷️溫馨提示～ 整個用餐體驗均屬個人分享意見， 只作參考😊。

百吃不厭的連鎖店 嘗試過很多次 今次試少少其他菜色先先付款點菜 再有送餐服務《Iced Chocolate whipped cream》見到已經覺得罪惡 上面滿滿的cream 十分肥膩 朱古力十分香滑《菠菜汁龍脷柳闊條麵》表面啡色的是濃濃的芝士 十分香 不得了 與龍脷柳闊條麵混一起吃 正 可惜 表面的醬汁不足以滋味地吃整個《蜜糖雞翼》沾滿了甜甜的蜜糖醬 雞翼的外皮 亦燒得香脆 肉質亦十分嫩滑 一人可吃晒5隻👍🏻《煙肉芝士薯皮》三件大小不一 最大跟最小差一倍😂 煙肉芝士底下有滿滿的茄醬 完全掩蓋了前者的味道 幸好 薯皮邊仍保留到薯仔香 有點點煨香 如愛茄醬的朋友十分適合《甜脆香蕉酥》必吃甜品 酥脆的外表 感覺很鬆化 內裏有香甜的香蕉蓉 十分滋味 而且一份有兩件 很滿足人均一百鬆啲 有5樣野 抵吖😁

個人中意食小食多過正餐，有時唔太肚餓，但又到晚餐既時間，點都要食d野，就會想食小食，但通常d餐廳都係主要食正餐冇乜小食揀，再唔係就比較貴，呢間價錢同食物質素都係正比，所以間唔中都會諗起佢蜜糖雞翼($44)呢隻蜜糖味係平時燒雞翼用果隻bbq蜜糖開出黎既味，個汁夠味夠濃，絕對唔係溝勁多水勁稀果種汁，係杰杰地可以巴住成隻雞翼雞翼熱辣辣好juicy好嫩滑，入晒味，食完d雞翼我都唔捨得比員工收走個汁，會留返黎點pizza邊或者蒜蓉包個邊位，超正芝士蒜蓉包($40)即叫即焗熱辣辣，芝士適中，蒜蓉味可以再重d, 個包都幾鬆軟，個邊邊位脆脆地，但係就冇阻蒜蓉同芝士，所以拎阻黎點雞翼果d蜜糖汁，仲正始於佢係蒜蓉包，建議改一改個切法，或者2邊都查蒜蓉，咁就啖啖都有蒜蓉味啦唔會有1,2啖係食唔到蒜蓉

今日於朗豪坊閒逛，又到晚飯時間，一直都很想再食eurogogo。時間尚早，難得冇乜人排隊，就二話不說入座了。雞翼烤至金黃香脆，隻隻都脹卜卜，肉質很嫩滑，外層塗上甜絲絲的蜜糖，非常吸引，每次必食。份量頗多，味道不錯，醬汁濃稠剛好，每一條意粉都掛上卡邦尼醬汁，。蜜桃茶亦清甜好飲，將蜜拉肉放中茶中攪拌，蜜桃味岀晒黎。很足料呀，新鮮焗起，熱辣辣。餅底亦香脆可口，可以半份咁叫，咁咪一次過試兩款不同口味，都係比單款全份貴五元，讚。甜品亦很岀色，肉桂蘋果真的很夾，加上甜甜的忌廉，真心好味其實我覺得性價比真的挺高。

我本身好少去旺角，今日去開朗豪坊，行行下肚餓，就入左呢度食lunch，點選了:芝士吞拿魚意粉+齋啡+田園沙律芝士吞拿魚意粉+咖啡+蒜蓉包半份千島海鮮pizza+熱奶茶+蒜蓉包蜜糖雞翼Pizza酸咗少少，個底脆得來有少少硬，如果可以做鬆化一點會更好；意粉，唔會好濃味，適合淡口味嘅人，如果想香啲，可以自己落啲黑椒；雞翼方面，甜甜地，又滑又大隻，不過油咗少少，唔夠乾身；蒜蓉包咸行左少少，可能蒜蓉多咗啲，不過都好脆口；咖啡就沒有驚喜，平平無奇，唔算香；衛生方面比較差，可以好明顯見到匙羹和叉都是未洗得乾淨，仲有污積。總結，都算唔錯，有進步空間，但就一定要注意下衛生問題啦。

行完街累累地，要坐下簡左eurogogo食個tea先睇見menu真係有選擇困難症叫左摰愛既蜜糖雞翼夠晒蜜糖入晒味另外叫左個白汁意粉食磨菇加醬醬好食 意粉硬度煮得剛剛好配埋個熱奶茶食得開心又豐富

睇戲前既lunch近近地就在朗豪坊吃吧！因為係復活節紅假第一日，朋友先到等了一會兒才有位兩隻大嘥鬼叫了三款食物蜜糖雞翼係我每次黎Euro go go都必點既，因為真係勁重蜜糖味，勁好味，朋友還說在家中無論點整都整唔到佢呢款蜜糖味但今日似乎失準了，蜜糖味好淡千島海鮮PIZZA...我叫了全份，因為我以為全份係得四件，點知全份原來有六件..最後真係食到想嘔四式芝士蒜蓉包，分別有蒜香雞，吞拿魚，黑椒牛肉，蕃茄煙肉因為我o地叫o左PIZZA既關係，又叫包，變o左成檯都係包，成件事錯哂...最後為免做大嘥鬼，打包o左兩件蒜蓉包走...朱古力泡沫奶茶...好難飲...無咩朱古力味同奶味，得茶味重...

朗豪坊入面要搵間平價餐廳真是不容易，每次諗唔到要食咩都會自動走入euro go go非常推薦皇牌蜜糖雞翼，燒到皮脆肉嫩再加蜜糖，次次都必點 <3 另外蒜蓉包、薯蓉等都值得一試❤︎飲品方面，蜜桃茶是例牌，不過今次飲個味道同以前差好遠，唔係難飲，但真是無咩特別......夜晚通常都full，等位要好似food court咁係枱附近等，同等幾耐真是好講運氣而且小圓枱偏細，order太多會唔夠位放。想浪漫約會的話，真是唔建議帶另一半黎。

係cinema city睇完戲，見6點幾都幾多位唔洗等就久違咁食歐洲去去（不過食完就好多人要排隊等位嚕）。兩個人嗌左：香蒜蜆肉意粉（$62）、煙肉蘑菇薯蓉（$32）、煙肉芝士焗蘑菇（$40）同蜜糖雞翼（$44）。雖然好耐無食，但薯蓉真係一貫咁讚！芝士夠多、個面焗得好好食蜜糖雞翼夠晒大隻同個皮夠脆好味！香蒜意粉都okay，個味唔會太淡，但唔想食多汁野時真係岩岩好。焗蘑菇都夠juicy既，不過無咩特別。

下午餐時段同朋友黎食euro go go，嗌咗必食嘅蜜糖雞翼，香辣雞翼同埋千島海鮮pizza。兩個雞翼餐配蜜桃茶同芒果茶。香辣雞翼+凍飲(下午茶餐)$50蜜糖雞翼+凍飲(下午茶餐)$50蜜糖雞翼超好食！勁多蜜糖！個皮有啲焦糖feel，入面仲有肉汁feel，食落一啲都唔會覺得佢焗得乾！😍100分！！香辣雞翼都好食，但我個人唔係太中意佢嘅辣汁味，類似係TABASCO個種，所以扣左少少分。每份雞翼有5隻，一個人做下午茶餐剛剛好👍🏻。 千島海鮮pizza味道都唔錯，但個pizza皮有d薄，個人中意食厚少少嘅pizza。最後！兩杯嘢飲都好飲！但兩者比較的話，芒果茶隻味會好飲d，有多啲芒果味，蜜桃個杯，蜜桃冇咁出。總括，蜜糖雞翼+芒果茶最正！

朗豪坊嘅Euro Gogo人頭湧湧，不設排隊入座，所以大家都係自己入去等位，稍為混亂，好彩等左大約10分鐘就有位☺️蜜糖雞翼雖然除返開要$8一隻，幾貴但真係好好味，值得一試！蜜糖俾得好足，每啖都有😍重點係層皮焗得好好食，好脆同可口👍🏻肉又夠滑。蜜桃茶甜左啲，再加埋罐頭水蜜桃，個味太假🙈超級薄餅半份有3塊，熱辣辣同好脆，好味😆料都足！蒜香蜆肉意粉唔會好油，蜆肉大概有八隻，肉幾大同埋好有蜆味☺️以上食物兩個人食啱啱好夠飽，下次可以嗌多啲😊

我同另一半成日食gogo，因為覺得扺食得黎唔算貴。而今日同佢食下午茶，真係抵食到暈😂，我地嗌左好多款野食賣單百三蚊都唔洗！蜆肉意粉炒得唔錯，唔太油，多蜆，不過就唔太熱。餐湯係磨茹湯，偏咸，最後都冇飲哂個pancake扺食，加9蚊好大舊芒果又多，但芒果偏酸😵而蜜糖雞翼次次黎都一定叫，外皮烤得脆脆地，加上蜜糖，好食過bbq個d，但今次d肉偏紅，唔知係雪得耐定咩總括黎講，星期一至五既下午茶真係有質素得黎好扺食，6點前去你當晚餐都仲得

每晚放工同女朋友最大嘅難題就係晚餐食乜好....今次就去左朗豪坊行下，最後決定食呢間Euro Go Go。佢地個menu太多野揀，搞到我地都揀左好耐先決定到嗌一個雞翼一個意粉同兩個小食。蜜糖雞翼，好正嘅蜜糖味又唔會好乾👍🏻👍🏻焗薯皮，表面有d唔知係茄汁定係燒烤汁，酸酸甜甜幾好味😋😋粟米焗薯蓉，呢個一般般...覺得有d淡，可能係其他都比較濃味。最後就係煙肉卡邦尼意粉，芝士味好濃鐘意食芝士嘅朋友應該會幾鐘意...而且都有好多煙肉粒😍😍😍

有時去旺角朗豪坊經過都會食，每次都冇令我失望嘅蜜桃茶同蜜糖雞翼，極推薦俾未食過嘅朋友。薄餅其實每種都唔錯，但一定同其他薄餅店厚薄味道不同，建議第一次食的朋友叫半份。我個人對某海鮮敏感，通常選擇大路啲嘅肉類菇類薄餅。薄餅雖然路算厚，但咬落都有口感。邊位脆入面軟熟，材料足夠。👍香蒜蜆肉意粉味道較清，冇其他意粉濃味。呢間餐廳仲提供左素食意粉，素食者多左個選擇，素食者都可以食下呢類提供素食食材嘅西餐。我記得有其他地區都有呢間餐廳分店（e.g.油塘)，怕旺角多人可以去其他地方食。服務方面，沒有員工寫單，必須到收錢處先付款，再等員工送野食黎。唯一缺點是自己需要去搵位，沒有任何訂座服務，而且座位偏窄，繁忙時間易碰撞。今次二人同行總共消費167 。

本來諗住... 自己o既第100篇食評, 要好好紀念, 要寫一間特別d既餐廳結果 竟然係寫左euro go go! 一間大部分人都會食過/聽過, 不過.. 呢度都滿載住自己由中學開始既回憶係一個到而家出黎做野, 都仍然會黎食o既既地方(: 咁應該都算係特別既一間(:勝在款式多  青口､薯皮､沙律､蒜蓉包､薄餅､意粉夾夾埋埋接近50款食得多都唔會厭先o係收銀排隊點餐, 拎號碼牌後就等侍應將食物送上~第一次試 平時比較少食到既藍芝士汁麥形意粉 $40Orzo Pasta (麥形意粉) 米o既形狀同大細, 材料係小麥,  所以無論係聞落去定係食落去都有啖啖麥味呢種Orzo Pasta o係希臘, 地中海同中東地區都好受歡迎因為係用比較粗粒硬質o既小麥黎做, 所以食落比較富有彈性!但食呢種麥形意粉好睇個人口味, 好似我自己咁 就接受唔到每一粒Orzo Pasta都係麥味...相反同行o既朋友就好鐘意食.. 最好揀多人o既時侯先一齊試~要讚佢D蕃茄仔好甜 一D都唔酸 法式薯蓉焗田螺 $38因為係平價西式餐廳, 唔會預計會比D好靚o既田螺你但食入口係可以接受o既口感同味道~ 而且薯蓉夠滑, 表層芝