唐宮小聚 (新港中心)

营业中

休息中

📍 新港中心 唐宮小聚💰 300/位 已經第三次來唐宮小聚吃飯啦！每次來吃都要叫唐宮小聚的乳鴿！乳鴿真的很好吃很入味！但是這次去好像乳鴿變得好肥好油～一撕開油噴了一身，感覺沒有第一次好吃了哈哈，蝦多士也就是炸了一下的多士，其實新派點心感覺並沒有傳統點心好吃，黑金流沙包比較不錯，是熱熱還流沙的，總算沒讓我失望。而薺菜蒸餃特別濕，口感不太好，我比較喜歡乾一些的蒸餃。而抓餅就是百佳可以買到的印度飛餅，一般般

二月生日，年初二中午去食，會員優惠送指定甜品，坐低同店員講，報上登記手機號碼就送咗隻生日豬😁，係布甸嚟，另外仲可以用$50 coupon，好著數😄其他食物都好食又有特色👍🏻

朋友介紹呢間乳鴿好味，咁岩去開尖沙咀就黎試下，17:45先開晚市，在門口等左陣先入去。有幾枱同時間入座的都係book左枱，我地就walk-in, 一入去就提我地用餐時間1.5hr. 每枱一壺茶，是玄米茶味，好飲，不太濃。點餐紙已預備好比客人自己✔️。我們一行二人叫左一份蝦多士，一隻乳鴿，一碗雲吞麵，一個甜品燉雪梨。雲吞麵（$49）樣子不太特別所以無影相，但個麵底唔會太淋，有咬口，雲吞內都係原隻蝦，都可一試。p.s. 燉雪梨是叫起, 侍應呀姐都好落力幫我地追，因為都等左成25mins先有，比個👍🏻呀姐

食過好多次唐宫小聚，都覺得CP值好高！佢啲價錢唔算太貴，但食物有創意，好味！一場嚟到，一定要叫我嘅至愛，蝦多士啦！蝦多士非常香脆！另外，就梗係要叫餐廳招牌菜，乳鴿啦！眼見每一枱客人都有叫乳鴿啦！非常抵食！我哋仲叫咗冰鎮菠蘿咕嚕肉、淮山秋葵、荷葉飯！冰鎮菠蘿咕嚕肉初初嚟嘅時候都幾好味，但係啲冰溶得太快啦，所以啲皮遇到水就好快變淋！建議佢一上枱就盡快食完！淮山秋葵又係令一樣我覺得好好味嘅餸！淮山同秋葵都炒到得好爽脆！荷葉飯就好有荷葉香味！最後叫咗紫蓉豬豬！蒸飽入面有紫薯蓉，個造型好得意，又可愛，又好味！

今天趁老闆不在辦公室，我和另一名同事決定去吃個長時間一點的午餐😆我們兩個人來到這間位於新港中心3樓的唐宮小聚撐枱腳。我們點了以下這些菜式：白玉王鴿2隻（ $33 ×2）、點來聚聚（$69）、麻辣燒賣（ $39 ）金菇翠苗（$69）、蝦多士（ $79 ）、酒埕醉雞（$69）。這裏的乳鴿好吃其實應該是眾所周知了。乳鴿皮烤得非常香脆，肉質鮮嫩多汁，每次跟朋友到來，我們也會一人一隻不缺少😋。點來聚聚包含了五款「蒸」緻點心：墨汁蝦餃、柚子蝦餃、賽螃蟹餃、蜂巢鬆糕及芋蓉流沙包。每款也很創新，味道獨特，不是在一般傳統茶樓可以吃到的。裏面是糯米做的麻辣燒賣吃起來挺開胃的🤤（但明明糯米是很飽肚的🤣)比較少見有餐廳會把金菇炸來吃，但炸金菇配上清淡的豆苗卻又有另一種風味。蝦多士一定要趁熱吃！多士香脆可口，配上熱騰騰的海蝦，口感極佳，蝦上面少量的黑松露令味道昇華😍雞肉肉質鮮嫩，酒味不算濃烈，不錯。這天我們2個人吃了一個超豐富的午餐，很滿足！☺️

約了幾個女生出來小聚，朋友揀了這間。 沒有訂位，所以 11 點就過來攞位，都多人，到 11:30 就排隊入座。打開餐牌，發現與舊式飲茶好唔同，啲食物好特別。 5 個女仔所以唔敢點太多。點心拼盤，好吃 蟹多士，比較油，但都唔錯 👍🏻👍🏻雞包，不太特別，有點辣 蟹粉包，做到好似山竹咁，幾特別 XO 蝦炒腸粉，唔錯 👍🏻👍🏻 菠蘿🍍咕嚕肉，好好味，必點 餐牌有個必食推介是乳鴿，每人限叫一隻，不過我哋冇叫，我見隔離枱食，好似好正，下次有機會一定要試 ☺️☺️還有，原來有時間限制，每枱用餐個半鐘，所以唔可以傾太耐 😓😓😓😓

心血來潮突然想食小菜點心，諗起好耐無食過既唐宮小聚，新派的中菜廳。店內的裝飾打破左傳統的風格，走摩登格調路線，檯與檯之間距離較遠，座位寬闊，美中不足是環境比較嘈吵。晚飯時間地達，花了大概五分鐘時間等位。帶位的員工，帶帶下走開左，令到剛步入餐廳既我有點迷失。搵到個位後發現，其實檯係未執好，櫈仲要濕左。帶位程序真係有大大改善空間。好喜歡這裡的碗，內有小螞蟻，彷彿是美食吸引螞蟻到碗中。每人叫左一乳鴿，香脆嫩滑，每人限叫一隻，必叫之選！新潮點心，名為非常山竹。造型以真山竹為藍本，皮有點似咸水角個種，餡係龍蝦汁與龍蝦肉，由於餡料唔多，要睇餐牌先知食緊咩！ 松露鮑飯，聞落非常香，食落比較淡，飯不夠熱。仲叫左金茹翠苗同脆蝦多士！蝦多士有驚喜，多士香脆但不油膩！下次會再試試其他點心，如好多人點的黑金流沙，不過這裡的食物份量略少，如果要食到飽肚就要叫多幾樣！

一聽到新港中心，最出名應該係個food court，但今次就走左去三樓食飯，因為同行朋友話想試唐宮小聚，見到水牌有呢間餐廳，問都無問我就衝左上去…入到去，環境都好寬敞舒服，一坐低，侍應好有禮貌幫我地斟茶，見到落菜紙有好多款都好吸引，見到菜名都流晒口水，可能做完一日野，真係想食番餐好，獎勵自己！傾下計飲啖茶，話咁快就上菜！松露鮑飯松露味濃厚，配飯一流！蝦多士以原集開邊蝦作蝦多士，唔油膩，好好食！乳鴿(後)        黑醋雞花(前)乳鴿係呢度出名菜，肉質好嫩，好多汁，$25一隻真係幾抵食！黑醋雞花酸酸地好開胃，加上個菠蘿燒一燒過好香好清甜，配撘不錯！鮮蝦脆麵同行朋友都覺得呢個麵幾新奇好味，但我就麻麻地個醬…總體黎講都值得一試，味道質素高，環境都舒服，又傾到計又唔會趕住走有機會都會再黎食！

去之前做過一番功夫，點知想食的，有3樣（乳鴿，櫻桃鵝肝，醉蟹-呢個係已經無賣）都食唔到早知去第間啦，乜都無7點幾去到，有啲人等位，唔算好多人，前面有6張枱。等左唔使20分鐘（8點前）就有位喇！翻台速度幾快但個侍應帶到入去，原來仲未執好枱，叫我坐陣等下先喎咁我咪阻住你執枱囉做乜我唔係出面等，你執完先帶我入來呢？侍應train過未𠺢，呢度唔係大排擋喎！上菜快，但啲盆丫碟丫好大（食物袖珍）食唔切又無地方擺！先上的併盤。。。3樣野都無乜特別，秋葵就加左淡淡的豉油，萵荀用麻油撈，燻魚的汁唔夠甜，所以覺得好乾！最左：皮蛋豆腐，我無試。但屋企其餘三名成員都話ok,個汁好味！最上:雲吞擔擔，我同媽咪都試左雲吞，媽咪話雲吞好食，要再encore。我就覺得普通，不過係幾紮實嘅。啲麵，丫媽就comment,應該係一早煮好放係個碗度，收到order先放湯入去，所以上枱時已變左一pat野，夾都夾唔開右上：蒓菜魚丸。好得意啲菜好似茶葉咁，滑sansan嘅。魚丸滑到好似豆腐咁，但無魚味#薑汁炒芥蘭#形狀切得幾靚，但無薑汁味。鍋大份量少。#肉鬆抓餅#本來手抓餅係幾好食的，但加埋肉鬆就乾左啲#墨汁豚肉#入口即化，但啲墨

食過上環店，個人認為尖沙咀廚房整得好食啲。不過尖沙咀嚴重缺乏人手，入面都無侍應，真係要加番啲人做晚市呀老細。食物幾新奇有趣。其實一萬個似上海間港式餐廳，個名叫小确幸(有無人食過呀？啲裝修好靚㗎)。香港類同就有啲似美中鴨子。蝦多士真係好好食，真係唔明點解香港會無左咁多餐廳有得叫。我覺得呢個蝦多士係我食過嘅數一數二！對比起香港大學alumni餐廳個蝦多士，呢個都好食過佢，非常之有驚喜。去過大陸嘅人就知，大陸嘅燒賣係糯米飯餡，食兩個可以唔駛食飯。醉雞好抵食，有好多舊。雞新鮮先會有嘅透明啫喱竟然比我見到！喺呢個價位嘅餐廳好少會揾到㗎！有少少懷疑自己雙眼。呢個蛋，個蛋得意就得意，亦好有創意。個「蛋黃」其實係芒果汁。可惜側面嘅雞好唔掂！雞皮佔大部分，唔係好滿意，破壞哂成個感覺。紅油抄手好難整得難食，所以佢個雲呑皮夠薄，而經加哂分。始終香港人都係鍾意皮薄食多個豆漿勝瓜，不過不失，不過好似多左啲味精，令成餐飯扣左分。最後有飽魚黑松露飯，呢個組合唔係幾夾，有啲又要平，又要食貴野嘅「間梗黎」感覺。好地地食個菠蘿炒飯算啦...