唐宮小聚 (新港中心)

营业中

休息中

食过上环店，个人认为尖沙咀厨房整得好食啲。不过尖沙咀严重缺乏人手，入面都无侍应，真系要加番啲人做晚市呀老细。食物几新奇有趣。其实一万个似上海间港式餐厅，个名叫小确幸(有无人食过呀？啲装修好靓㗎)。香港类同就有啲似美中鸭子。虾多士真系好好食，真系唔明点解香港会无左咁多餐厅有得叫。我觉得呢个虾多士系我食过嘅数一数二！对比起香港大学alumni餐厅个虾多士，呢个都好食过佢，非常之有惊喜。去过大陆嘅人就知，大陆嘅烧卖系糯米饭馅，食两个可以唔驶食饭。醉鸡好抵食，有好多旧。鸡新鲜先会有嘅透明啫喱竟然比我见到！喺呢个价位嘅餐厅好少会揾到㗎！有少少怀疑自己双眼。呢个蛋，个蛋得意就得意，亦好有创意。个「蛋黄」其实系芒果汁。可惜侧面嘅鸡好唔掂！鸡皮占大部分，唔系好满意，破坏哂成个感觉。红油抄手好难整得难食，所以佢个云呑皮够薄，而经加哂分。始终香港人都系钟意皮薄食多个豆浆胜瓜，不过不失，不过好似多左啲味精，令成餐饭扣左分。最后有饱鱼黑松露饭，呢个组合唔系几夹，有啲又要平，又要食贵野嘅「间梗黎」感觉。好地地食个菠萝炒饭算啦...