湯.Come

营业中

休息中

去土瓜灣探朋友，揸車經過呢度，肚餓又未到食飯時間，見到呢間小食店，都幾光猛，就入去睇吓。睇餐牌，點左燒賣同撈麵，加埋都只係＄14 ，價廉物美，食完同老闆吹左陣水，原來佢哋都係新開張，開咗先兩個幾月，主力都係做自家製老火湯，湯包有送貨服務，可惜我自己唔太鍾意飲湯，但係老闆都推介左飲佢哋嘅薏米檸檬水，試咗都真係唔錯，唔太甜又好清潤，可能同老闆幾好傾，佢仲整左啲蝦多士出嚟請我食，個哈多士非常正，金黃色，鬆硊得來一啲都唔油，都好多年冇食過哈多士，可能因為整下多士比較麻煩，而家都好少餐廳有做，估唔到喺土瓜灣都可以食到咁好食嘅蝦多士，絕對誠意推介！