三河屋 (已結業)

收左工就同友人黎到紅磡食呢個三河屋呢到冇咩裝潢可言，menu都係得字同埋溶溶爛爛咁但係d價錢真係平到難以致信大約34-58 就可以食到你飽飽店員既服務亦都唔錯，好有禮貌同helpful本身黎之前一路諗住要食鰻魚飯但係點餐就忍唔住叫左蝦天婦羅，塩味拉麵同埋忌廉豬排飯其中塩味拉麵係令我喜出望外既，佢叫得塩味拉麵，我都諗住應該會冇咩配料點知佢又有嗚門卷等等做拌菜望落都幾豐富!本身都係諗住佢係新出所以即管試下既心態食落口係好特別既咸咸地既味，但又未至於好咸!啖湯都十分之好飲!另外個忌廉豬排飯個人就覺得係正常發揮，不過不失!個豬排好食，但係略為有d 韌但係呢個價錢黎睇已經係相當唔錯!小女係個天婦羅控，特別係蝦天婦羅呢個天婦羅水準不俗!係有少少唔夠咬口總體黎講 三河屋絕對係我會再去之選!

挺朋友介紹，老細系個日本人，以前凈得夫婦兩個，但依家做大咗，所以就請咗D工人，味都冇以前咁好喇~ 腌鴨胸豬骨湯拉麵：腌鴨胸好味，正！炸帶子豬骨湯拉麵：炸帶子一般。鯊魚蛋關東煮：其實只不過系個名叫鯊魚蛋，究竟系乜嘢做嘅就唔知了。味道比較普通，但我鐘意佢個關東煮嘅湯，真系好香。炸蝦天婦羅：個樣好靚，睇上去好味，但實際味道就比較普通。之前朋友介紹佢個豬骨湯好香好好味，食咗之後覺得OK，梗系好過味千好多，但比想像中差咗D，覺得湯唔夠濃，都唔夠香。下次想試下螢光魷魚。

星期六，放工無野做，同老婆加佢妹一齊去左紅磡試下間日本野，因為好多人都讚過，好多野都好好食，包括熒光墨魚仔，細細隻好易入口，有少少酒味，好好食。鰻魚飯，好大塊的鰻魚，鰻魚好甜好正，飯都好香，飯重送麵豉湯好正，不過有d咸，又係推介的菜式。關東全煮呢個就比較差，因為真係無咩突別，下次可以唔駛再叫。蝦天婦羅好食，蝦好新鮮，好甜。三文魚刺生好新鮮，多味有d口感真的好味。整體來講都好好食，除左個關東全煮就真係......不過坐位好迫，有d唔係咁舒服。

又係睇Openrice揀左黎呢度二人共點了:1) 帶子拉麵 (豬骨湯底) $38- 帶子炸得剛好, 不過得三粒- 個湯底我自己就唔係太鍾意, 但男朋友仔話唔差2) 鰻魚飯 (跟麵鼓湯) $48 - 好大條鰻魚呀 鰻魚燒得o岩o岩好, 鰻魚汁好好味, 撈落d飯度食好得- 份量唔少, 最後當然要人包底3) 蝦天婦羅 $38- 炸得勁good!!! 唔會覺得好厚炸漿, 入口熱辣辣, $38有五條真係超值!雖然成夜晚九點去到, 但都排左十個八個人o係門口, 但門口有chair坐, 店員既服務態度都幾好, 一定會再光臨!

食完甜品工房行左陣就過來,見剛剛開門不久,入面已經坐左一半客人,我和男朋友坐在最旁邊的一張,一坐下就送上兩杯熱茶和餐牌,之前在OPENRICE做定功課,鰻魚飯是我首選,其次仲叫了蝦天婦羅,蟹子沙律,吉列咖哩豬扒飯,兩個人的份量都差不多了,其實還有其他想點來試試唯有先留待下次再來才試! 鰻魚飯: 這個是我最想食的.肥美多汁肉厚,最好是剛送上來熱熱的時候,很香很美味!吉列咖哩豬扒飯 : 炸得剛剛好,但不好辣的我,對於那個咖哩形容是微辣,不至於搶過了吉列豬的味道,而且份量真的好多很大碟,就算男生來說份量都很足夠了蝦天婦羅 : 熱烘烘的送上來,剛炸起很熱但是蝦肉很嫰,十分美味!蟹子沙律 : 其實那個是第一道就上菜的,很不錯,可惜份量偏小,那個價錢真的不能要求太多了!整個晚飯都很好,雖然地方細,坐得很迫,但是食物質素拉回不小分數,價錢適中,相信日後會多來這裡,難怪其門如市了